തിരുവനന്തപുരം : ശബരിമല സ്വര്ണ്ണക്കൊള്ള കേസില് റിമാന്ഡിലായ തന്ത്രി കണ്ഠരര് രാജീവരരുടെ ആരോഗ്യനിലയില് ആശങ്ക. ജയിലില് വെച്ച് ദേഹാസ്വാസ്ഥ്യം അനുഭവപ്പെട്ട അദ്ദേഹത്തെ തിരുവനന്തപുരം മെഡിക്കല് കോളേജിലെ തീവ്രപരിചരണ വിഭാഗത്തില് പ്രവേശിപ്പിച്ചു.
കേരളം വിധി എഴുതാന് ഇനി മണിക്കൂറുകള്; പരസ്യപ്രചാരണത്തിന് ഇന്ന് കൊടിയിറങ്ങും; വ്യാഴാഴ്ച വോട്ടെടുപ്പ് ; പോളിംഗ് ബൂത്തിലേക്ക് പോകുമ്പോള് കരുതേണ്ട രേഖകള് ഇവയാണ്!
പരിശോധനയില് തന്ത്രിക്ക് ഉയര്ന്ന രക്തസമ്മര്ദ്ദവും പ്രമേഹവും കണ്ടെത്തിയിട്ടുണ്ട്.മെഡിക്കല് കോളേജിലെ മെഡിസിന്, കാര്ഡിയോളജി വിഭാഗം മേധാവികളുടെ നേതൃത്വത്തിലാണ് പരിശോധന നടന്നത്. ഇവരുടെ നിര്ദ്ദേശപ്രകാരമാണ് ഐസിയുവില് പ്രവേശിപ്പിച്ചത്.
ഇന്ന് രാവിലെ ജയിലില് വെച്ച് ഭക്ഷണം കഴിക്കുന്നതിനിടെ ശാരീരിക ബുദ്ധിമുട്ട് അനുഭവപ്പെട്ട തന്ത്രി ഡോക്ടറുടെ സേവനം ആവശ്യപ്പെടുകയായിരുന്നു. ജനറല് ആശുപത്രിയിലെ പ്രാഥമിക പരിശോധനയ്ക്ക് ശേഷമാണ് മെഡിക്കല് കോളേജിലേക്ക് മാറ്റിയത്.തന്ത്രി ആശുപത്രിയിലായതിന് പിന്നാലെ എസ്.ഐ.ടി സംഘം അദ്ദേഹത്തിന്റെ ചെങ്ങന്നൂരിലെ വീട്ടില് മിന്നല് പരിശോധന നടത്തി.സ്വര്ണ്ണക്കൊള്ളയുമായി ബന്ധപ്പെട്ട കൂടുതല് രേഖകളും ഡിജിറ്റല് തെളിവുകളും കണ്ടെത്തുകയായിരുന്നു ലക്ഷ്യം.
വെള്ളാപ്പളളിയുടെ പത്മാപുരസ്കാരം; നിര്ണായക ഇടപെടലുമായി രാഷ്ട്രപതി, പരാതിയിന്മേല് അന്വേഷണത്തിന് നിര്ദ്ദേശം നല്കി
കേസിലെ പ്രധാന സാക്ഷികളിലൊരാളായ സ്വര്ണ്ണപ്പണിക്കാരനെ തന്ത്രിയുടെ വീട്ടിലെത്തിച്ചാണ് ഡിവൈഎസ്പി സുരേഷ് ബാബുവിന്റെ നേതൃത്വത്തിലുള്ള സംഘം തെളിവെടുപ്പ് നടത്തിയത്.
