ആലപ്പുഴ: നവകേരള യാത്രയ്ക്കിടെ യൂത്ത് കോൺഗ്രസ് പ്രവർത്തകരെ മുൻ മുഖ്യമന്ത്രി പിണറായി വിജയന്റെ ഗൺമാൻമാർ ക്രൂരമായി മർദ്ദിച്ച സംഭവത്തിൽ പ്രത്യേക അന്വേഷണ സംഘം (എസ്.ഐ.ടി) നിർണ്ണായക കണ്ടെത്തലുകൾ നടത്തി. വിവിഐപി സുരക്ഷാ ചുമതലയിലുണ്ടായിരുന്ന ഗൺമാൻമാരുടെ നടപടികൾ പൂർണ്ണമായും പെരുമാറ്റച്ചട്ടങ്ങൾക്കും നിയമങ്ങൾക്കും വിരുദ്ധമാണെന്ന് അന്വേഷണ സംഘം കണ്ടെത്തി. ഇതുമായി ബന്ധപ്പെട്ട വിശദമായ റിപ്പോർട്ട് ഉദ്യോഗസ്ഥർ വൈകാതെ തന്നെ അധികൃതർക്ക് കൈമാറും.
ഇറാനെ തകര്ത്തു, അമേരിക്ക യുദ്ധം ജയിച്ചു; പ്രഖ്യാപനവുമായി ട്രംപ്; പശ്ചിമേഷ്യന് എണ്ണ ഇനി വേണ്ടെന്നും യുഎസ്; ഹോര്മുസിലെ എണ്ണ അമേരിക്കയ്ക്ക് വേണ്ട; സംരക്ഷിക്കേണ്ടവര് മുന്നോട്ട് വരണമെന്ന് ട്രംപ്; ഗള്ഫ് രാജ്യങ്ങള്ക്ക് നേരെ ഇറാന്റെ മിസൈല് പ്രയോഗം തുടരുന്നു
സംഭവത്തിൽ എ.ഡി. തോമസ് എം.എൽ.എ, യൂത്ത് കോൺഗ്രസ് ജനറൽ സെക്രട്ടറി അജയ് ജ്യുവൽ കുര്യാക്കോസ് എന്നിവർക്ക് മുഖ്യമന്ത്രിയുടെ സുരക്ഷാ ഉദ്യോഗസ്ഥരിൽ നിന്നും അതിക്രൂരമായ മർദ്ദനമേറ്റു. കേസിൽ മുൻ മുഖ്യമന്ത്രിയുടെ ഗൺമാൻ അനിൽകുമാർ ഒന്നാം പ്രതിയും സുരക്ഷാസംഘത്തിലെ ഉദ്യോഗസ്ഥനായ സന്ദീപ് രണ്ടാം പ്രതിയുമാണ്. 2023 ഡിസംബർ 15-ന് ആലപ്പുഴ ജനറൽ ആശുപത്രി ജംഗ്ഷനിൽ വെച്ചായിരുന്നു കേരള രാഷ്ട്രീയത്തെ വൻതോതിൽ ഉലച്ച ഈ വിവാദ സംഭവം അരങ്ങേറിയത്. അന്ന് പ്രതിപക്ഷത്തിന്റെ കരിങ്കൊടി പ്രതിഷേധത്തിന് നേരെ ഉയർന്ന ഈ അതിക്രമത്തെ ‘രക്ഷാപ്രവർത്തനം’ എന്ന് മുൻ മുഖ്യമന്ത്രി പിണറായി വിജയൻ വിശേഷിപ്പിച്ചത് വലിയ ജനരോഷത്തിനും രാഷ്ട്രീയ കൊടുങ്കാറ്റിനും കാരണമായിരുന്നു.
കേസിൽ പുനരന്വേഷണത്തിനായി കഴിഞ്ഞ ദിവസമാണ് പ്രത്യേക അന്വേഷണ സംഘത്തെ നിയോഗിച്ചത്. പതിനഞ്ച് ദിവസത്തിനകം അന്തിമ റിപ്പോർട്ട് സമർപ്പിക്കണമെന്ന് സംസ്ഥാന പോലീസ് മേധാവി നിലവിൽ അന്വേഷണ സംഘത്തിന് കർശന നിർദ്ദേശം നൽകിയിട്ടുണ്ട്. അന്വേഷണ സംഘത്തിലെ ഡിവൈഎസ്പി ബൈജു കെ. പൗലോസ് കൂടി എത്തിയ ശേഷം പ്രതികളായ ഗൺമാൻമാരെ ചോദ്യം ചെയ്യാനായി ആലപ്പുഴയിലേക്ക് വിളിപ്പിക്കാൻ ഉദ്യോഗസ്ഥർ തീരുമാനിച്ചു. ഇതിന് ശേഷമായിരിക്കും സംഘം അന്തിമ റിപ്പോർട്ട് ഔദ്യോഗികമായി സമർപ്പിക്കുക.
നാസിക് ടി.സി.എസ് കേസ്: നിദാ ഖാന്റെ തിരോധാനത്തില് ദുരൂഹത; ഒളിവിലാണെന്ന് പോലീസ്, മുംബൈയിലുണ്ടെന്ന് കുടുംബം; പുതിയ വെളിപ്പെടുത്തലുമായി കമ്പനി; വിവാദം കൊഴുക്കുന്നു
നേരത്തെ എസ്പി ചൈത്ര തെരേസ ജോൺ നൽകിയ അന്വേഷണ റിപ്പോർട്ടിൽ ഗൺമാൻമാർ കുറ്റക്കാരാണെന്ന് വ്യക്തമായി സൂചിപ്പിച്ചിരുന്നിട്ടും പ്രതികളായ അനിലിനെയും സന്ദീപിനെയും സംരക്ഷിക്കുന്ന നിലപാടാണ് അധികൃതർ സ്വീകരിച്ചത്. ഈ റിപ്പോർട്ട് സമർപ്പിച്ചതിന് തൊട്ടുപിന്നാലെ അധികൃതർ ചൈത്ര തെരേസയെ ആലപ്പുഴയിൽ നിന്നും അടിയന്തരമായി സ്ഥലം മാറ്റുകയും ചെയ്തു. ഗൺമാൻമാർക്കെതിരെ എഫ്.ഐ.ആർ രജിസ്റ്റർ ചെയ്ത സാഹചര്യത്തിൽ പോലും സംഭവത്തെക്കുറിച്ചുള്ള സ്പെഷ്യൽ റിപ്പോർട്ട് ഡിജിപിക്ക് കൈമാറാൻ ഉന്നത തലം മടി കാണിച്ചു. കുറ്റാരോപിതരായ രണ്ട് സുരക്ഷാ ഉദ്യോഗസ്ഥരും ഇപ്പോഴും പിണറായി വിജയനൊപ്പം തന്നെ ഔദ്യോഗിക ഡ്യൂട്ടിയിൽ തുടരുകയാണ്. കേസിന്റെ നിലവിലെ പുരോഗതി വ്യക്തമാക്കുന്ന എസിപി ഷൗക്കത്തലിയുടെ റിപ്പോർട്ട് വൈകാതെ തന്നെ സമർപ്പിക്കുമെന്നാണ് വിവരം.
