തിരുവനന്തപുരം: സംസ്ഥാനത്ത് വലിയ ജനകീയ പ്രക്ഷോഭങ്ങള്ക്കും രാഷ്ട്രീയ വടംവലികള്ക്കും കാരണമായ കെ-റെയില് സില്വര്ലൈന് പദ്ധതി പൂര്ണ്ണമായി റദ്ദാക്കാന് മുഖ്യമന്ത്രി വി.ഡി. സതീശന്റെ നേതൃത്വത്തില് ചേര്ന്ന മന്ത്രിസഭാ യോഗത്തില് ഔദ്യോഗിക തീരുമാനം. പ്രസ്തുത പദ്ധതിക്കായി സംസ്ഥാനത്തുടനീളം ഭൂമി ഏറ്റെടുക്കുന്നതുമായി ബന്ധപ്പെട്ട് ഇതുവരെ പുറപ്പെടുവിച്ചിട്ടുള്ള എല്ലാ വിജ്ഞാപനങ്ങളും പൂര്ണ്ണമായി റദ്ദാക്കുമെന്ന് (ഡീനോട്ടിഫൈ ചെയ്യും) മുഖ്യമന്ത്രി വി.ഡി. സതീശന് വാര്ത്താസമ്മേളനത്തില് അറിയിച്ചു. ഇതോടെ പദ്ധതിക്കായി കല്ലിട്ടതിനെ തുടര്ന്ന് സ്വന്തം ഭൂമി പണയപ്പെടുത്താനോ വില്ക്കാനോ കഴിയാതെ വര്ഷങ്ങളായി കടുത്ത ആശങ്കയിലായിരുന്ന ആയിരക്കണക്കിന് കുടുംബങ്ങള്ക്കാണ് പുതിയ സര്ക്കാര് വലിയ ആശ്വാസം നല്കിയിരിക്കുന്നത്.
പദ്ധതിയുടെ ഭാഗമായി ജനങ്ങളുടെ പുരയിടങ്ങളിലും കൃഷിയിടങ്ങളിലും അതിക്രമിച്ചു കയറി സ്ഥാപിച്ച വിവാദമായ ‘മഞ്ഞക്കുറ്റികള്’ പൂര്ണ്ണമായി നീക്കം ചെയ്യുന്നതിന് റവന്യു വകുപ്പിന് വ്യക്തമായ നിര്ദേശം നല്കിയതായും മുഖ്യമന്ത്രി വാര്ത്താസമ്മേളനത്തില് വ്യക്തമാക്കി. സില്വര്ലൈന് വിരുദ്ധ സമരങ്ങളുമായി ബന്ധപ്പെട്ട് സംസ്ഥാനത്തിന്റെ വിവിധ ഭാഗങ്ങളില് പൊതുജനങ്ങള്ക്കും സമരസമിതി നേതാക്കള്ക്കുമെതിരെ രജിസ്റ്റര് ചെയ്തിട്ടുള്ള കേസുകള് അതിന്റെ സ്വഭാവമനുസരിച്ച് പിന്വലിക്കാനുള്ള ഔദ്യോഗിക ശുപാര്ശ കോടതിക്ക് മുമ്പാകെ സമര്പ്പിക്കാനും മന്ത്രിസഭാ യോഗത്തില് തീരുമാനമായിട്ടുണ്ട്.
ഇത് സംബന്ധിച്ച് ആവശ്യമായ പരിശോധനകള് നടത്താന് ആഭ്യന്തര വകുപ്പിനോട് സര്ക്കാര് നിര്ദ്ദേശിച്ചു. സില്വര്ലൈന് തീരുമാനങ്ങള്ക്ക് പുറമേ, സംസ്ഥാനത്തെ ലക്ഷക്കണക്കിന് ഉദ്യോഗാര്ത്ഥികള്ക്ക് വലിയ പ്രതീക്ഷയേകുന്ന മറ്റൊരു സുപ്രധാന പ്രഖ്യാപനം കൂടി മുഖ്യമന്ത്രി വി.ഡി. സതീശന് നടത്തി. പി.എസ്.സി റാങ്ക് ലിസ്റ്റുകളുടെ കാലാവധി നീട്ടാനാണ് സര്ക്കാര് തീരുമാനിച്ചിരിക്കുന്നത്.
2026 ഓഗസ്റ്റ് 31-ന് കാലാവധി അവസാനിക്കുന്ന എല്ലാ പി.എസ്.സി റാങ്ക് ലിസ്റ്റുകളുടേയും കാലാവധി 2026 നവംബര് 30 വരെ ദീര്ഘിപ്പിക്കാന് കേരള പബ്ലിക് സര്വീസ് കമ്മീഷനോട് (പി.എസ്.സി) ഔദ്യോഗികമായി ശുപാര്ശ ചെയ്യാനും ഇന്നത്തെ മന്ത്രിസഭാ യോഗത്തില് തീരുമാനിച്ചതായി മുഖ്യമന്ത്രി അറിയിച്ചു. വരും ദിവസങ്ങളില് കൂടുതല് തൊഴില് അവസരങ്ങള് സൃഷ്ടിക്കുന്നതിനും ഒഴിവുകള് റിപ്പോര്ട്ട് ചെയ്യുന്നതിനും ഇത് ഉദ്യോഗാര്ത്ഥികള്ക്ക് സഹായകരമാകും.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
ശബരിമല സ്വര്ണ്ണക്കൊളളക്കേസില് നടന് ജയറാമിനെ ചെന്നൈയിലെ വീട്ടിലെത്തി ചോദ്യം ചെയ്ത് അന്വേഷണ സംഘം; ഉണ്ണികൃഷ്ണന് പോറ്റിയുമായി അടുത്ത ബന്ധം
