പത്തനംതിട്ട: 2026 നിയമസഭാ തിരഞ്ഞെടുപ്പ് പ്രചാരണത്തിന് ആവേശം പകരാൻ എഐസിസി നേതാവ് രാഹുൽ ഗാന്ധി ഇന്ന് പത്തനംതിട്ട, കോട്ടയം ജില്ലകളിൽ പര്യടനം നടത്തും. ‘പുതുയുഗ യാത്ര’യുടെ ഭാഗമായി കേരളത്തിലുടനീളം നടത്തുന്ന പ്രചാരണ പരിപാടികളുടെ തുടർച്ചയായാണ് അദ്ദേഹം ഇന്ന് മധ്യതിരുവിതാംകൂറിൽ എത്തുന്നത്.
കായലിൽ കയ്യും കാലും കെട്ടിയ നിലയിൽ എൺപതുകാരിയുടെ മൃതദേഹം ; ദുരൂഹത
പത്തനംതിട്ടയിലെ അടൂർ കെഎസ്ആർടിസി ജങ്ഷനിൽ നടക്കുന്ന കോർണർ മീറ്റിംഗോടെയാണ് ഇന്നത്തെ പരിപാടികൾക്ക് തുടക്കമാകുക. തുടർന്ന് ഉച്ചയ്ക്ക് ഒരു മണിയോടെ പത്തനംതിട്ട പഴയ പ്രൈവറ്റ് ബസ് സ്റ്റാൻഡ് പരിസരത്ത് അദ്ദേഹം ജനങ്ങളെ അഭിസംബോധന ചെയ്യും.
പത്തനംതിട്ടയിലെ പരിപാടികൾക്ക് ശേഷം കോട്ടയം ജില്ലയിലേക്കാണ് രാഹുൽ ഗാന്ധി പ്രവേശിക്കുന്നത്. അന്തരിച്ച മുൻ മുഖ്യമന്ത്രി ഉമ്മൻ ചാണ്ടിയുടെ മണ്ഡലമായിരുന്ന പുതുപ്പള്ളിയിൽ ഉച്ചയ്ക്ക് 2:45-ന് പാമ്പാടി ബസ് സ്റ്റാൻഡ് പരിസരത്ത് നടക്കുന്ന പൊതുസമ്മേളനത്തിൽ അദ്ദേഹം സംസാരിക്കും.
വിടവാങ്ങി സന്തോഷ് കെ. നായർ; മലയാളത്തിന്റെ പ്രിയ നടൻ വാഹനാപകടത്തിൽ മരണപ്പെട്ടു
തുടർന്ന് വൈകുന്നേരം 4:30-ന് കോട്ടയം അതിരമ്പുഴ സെൻട്രൽ ജങ്ഷനിൽ നടക്കുന്ന സമാപന യോഗത്തിലും അദ്ദേഹം പങ്കെടുക്കും. നീതിപൂർവ്വവും ഐശ്വര്യപൂർണ്ണവുമായ നവകേരളം എന്ന യുഡിഎഫ് കാഴ്ചപ്പാട് ജനങ്ങളിലേക്ക് എത്തിക്കുകയാണ് ഈ പര്യടനത്തിന്റെ ലക്ഷ്യം. സുരക്ഷാ ക്രമീകരണങ്ങളോ മറ്റ് സാങ്കേതിക കാരണങ്ങളോ മുൻനിർത്തി നിശ്ചയിച്ച സമയക്രമത്തിൽ മാറ്റം വരാൻ സാധ്യതയുണ്ടെന്ന് സംഘാടകർ അറിയിച്ചു.
