കോട്ടയം: വരുന്ന നിയമസഭാ തിരഞ്ഞെടുപ്പിൽ പൂഞ്ഞാർ മണ്ഡലം തിരിച്ചുപിടിക്കാൻ മുൻ എംഎൽഎ പി.സി. ജോർജിനെ തന്നെ കളത്തിലിറക്കാൻ ബിജെപി തീരുമാനിച്ചു. എൻഡിഎ സ്ഥാനാർത്ഥിയായി മത്സരിക്കാൻ തീരുമാനമായതോടെ മണ്ഡലത്തിൽ ഉടൻ പ്രവർത്തനം ആരംഭിക്കാൻ ബിജെപി നേതൃത്വം ജോർജിന് നിർദ്ദേശം നൽകി. കഴിഞ്ഞ തിരഞ്ഞെടുപ്പിൽ ബിഡിജെഎസ് മത്സരിച്ച സീറ്റാണിത്. പി.സി. ജോർജിനായി പൂഞ്ഞാർ ബിജെപി ഏറ്റെടുക്കുമ്പോൾ, പകരം ബിഡിജെഎസിന് കടുത്തുരുത്തി മണ്ഡലം നൽകാനാണ് മുന്നണിയിലെ ധാരണ.
മുന് ഡിജിപി ആര്. ശ്രീലേഖ തിരുവനന്തപുരം മേയറാകും; ബിജെപി ആദ്യ വനിതാ മേയര്ക്ക് ദേശീയ നേതൃത്വത്തിന്റെ പിന്തുണ; മോദി ഇനി വരുമ്പോള് തലസ്ഥാനത്തെ നയിക്കുക ‘ശാസ്തമംഗലത്തെ താരം’
1996 മുതൽ 2016 വരെ പൂഞ്ഞാറിന്റെ പ്രതിനിധിയായിരുന്ന പി.സി. ജോർജിന് മണ്ഡലത്തിലുള്ള വ്യക്തിപരമായ സ്വാധീനത്തിലാണ് ബിജെപിയുടെ പ്രതീക്ഷ. 2021-ൽ സ്വതന്ത്രനായി മത്സരിച്ച ജോർജ്, കേരള കോൺഗ്രസ് എമ്മിലെ സെബാസ്റ്റിയൻ കുളത്തുങ്കലിനോട് 16,817 വോട്ടുകൾക്ക് പരാജയപ്പെട്ടിരുന്നു. ജോർജിന്റെ വ്യക്തിപരമായ വോട്ടുകളും ബിജെപിയുടെ കേഡർ വോട്ടുകളും ഒന്നിക്കുമ്പോൾ മണ്ഡലത്തിൽ അട്ടിമറി വിജയം നേടാനാകുമെന്ന് എൻഡിഎ കണക്കുകൂട്ടുന്നു.
എന്നാൽ ബിജെപി പ്രവേശനത്തിന് ശേഷം ജോർജിന്റെ ജനപ്രീതിയിൽ വന്ന മാറ്റങ്ങൾ ഈ തിരഞ്ഞെടുപ്പിൽ നിർണ്ണായകമാകും. മണ്ഡലത്തിൽ ഇതിനോടകം തന്നെ ജോർജ് സജീവമായ പ്രചാരണ പരിപാടികൾക്ക് തുടക്കം കുറിച്ചിട്ടുണ്ട്. ഇടത്-വലത് മുന്നണികൾ ശക്തമായ സ്ഥാനാർത്ഥികളെ പ്രഖ്യാപിക്കാനിരിക്കെ, പൂഞ്ഞാറിലെ പോരാട്ടം ഇത്തവണ പ്രവചനാതീതമായിരിക്കും.
ഇപ്പോള് ലോക്സഭാ തിരഞ്ഞെടുപ്പ് നടന്നാലും കേരളത്തില് യുഡിഎഫ്; ഇടതിന് സീറ്റ് നഷ്ടമാകും; പക്ഷേ നിയമസഭാ തിരഞ്ഞെടുപ്പില് ആര്ക്കും വ്യക്തമായ ആധിപത്യം ഇല്ല; ഇന്ത്യ ടുഡേ – സിവോട്ടര് ‘മൂഡ് ഓഫ് ദി നേഷന്’ സര്വേ ഇങ്ങനെ; സിപിഎമ്മിന് തുടര്ഭരണ പ്രതീക്ഷ
