തിരുവനന്തപുരം: കവടിയാര് കൊട്ടാരത്തില് നടന്ന പുരാവസ്തു മോഷണക്കേസില് അന്വേഷണം ഊര്ജിതമായതോടെ പരാതി നല്കിയവര് തന്നെ വെട്ടിലായി. മോഷണം നടന്നുവെന്ന പരാതിയില് പോലീസ് അന്വേഷണം കൊട്ടാരത്തിനുള്ളിലേക്ക് തന്നെ നീണ്ടതാണ് കൊട്ടാരം അധികൃതരെ ചൊടിപ്പിച്ചത്. കേസിന്റെ ഭാഗമായി കൊട്ടാരവുമായി അടുത്ത ബന്ധമുള്ള രണ്ടുപേരെ പോലീസ് വിശദമായി ചോദ്യം ചെയ്തു. ഇവരുടെ കഴിഞ്ഞകാലത്തെ സാമ്പത്തിക ഇടപാടുകളും ബാങ്ക് അക്കൗണ്ടുകളും പോലീസ് പരിശോധനയ്ക്ക് വിധേയമാക്കിയിട്ടുണ്ട്.
അച്ഛന് സുഖമില്ലാത്തതിനാല് സന്ദീപ് വാര്യര് വന്നില്ല; ആബിദ് ഹുസൈന് തങ്ങളും അവധിയില്; സികെ ഹരീന്ദ്രനും ആബ്സന്റ്; ചോര്ച്ചയില്ല, അട്ടിമറിയില്ല; യു.ഡി.എഫ് ഐക്യം ഉറപ്പിച്ച് 99 വോട്ടുകള്; ഷാനിമോള് ഉസ്മാന്റെ വിജയത്തിന് പിന്നിലെ കൃത്യമായ വോട്ട് കണക്കുകള് ഇങ്ങനെ
കൊട്ടാരത്തിലെ വിശ്വസ്തരായ ജീവനക്കാരെയും ബന്ധുക്കളെയും സംശയനിഴലില് നിര്ത്തിയുള്ള പോലീസിന്റെ നീക്കം കൊട്ടാരം അധികൃതര്ക്ക് വലിയ തിരിച്ചടിയായി. ഇതോടെ, പരാതി നല്കിയവര് തന്നെ വീണ്ടും പോലീസിനെ സമീപിച്ചിരിക്കുകയാണ്. അന്വേഷണം തങ്ങള് ഉദ്ദേശിച്ച വഴിക്കല്ല നീങ്ങുന്നതെന്ന ആക്ഷേപമാണ് ഇവര് ഉയര്ത്തുന്നത്. അന്വേഷണത്തിന്റെ പേരില് കൊട്ടാരത്തിലെ അന്തരീക്ഷം കലുഷിതമാക്കുന്നുവെന്നാണ് ഇവരുടെ വാദം.
കൊട്ടാരത്തില് നിന്ന് കാണാതായ പുരാവസ്തുക്കളുടെ മൂല്യത്തെക്കുറിച്ചും അവ കൈമാറ്റം ചെയ്യപ്പെട്ടോ എന്നതിനെക്കുറിച്ചും പോലീസ് വ്യക്തമായ സൂചനകള് ശേഖരിച്ചിട്ടുണ്ട്. ചോദ്യം ചെയ്യപ്പെട്ട വ്യക്തികളുടെ പെട്ടെന്നുണ്ടായ സാമ്പത്തിക വളര്ച്ചയും ആഡംബര ജീവിതവുമാണ് പോലീസിനെ ഇവരിലേക്ക് നയിച്ചത്. എന്നാല്, കൊട്ടാരത്തിന്റെ അന്തസ്സിനെ ബാധിക്കുന്ന തരത്തില് അന്വേഷണം നീങ്ങരുതെന്ന കര്ശന നിലപാടിലാണ് രാജകുടുംബാംഗങ്ങള്.
തിരഞ്ഞെടുപ്പ് ഫലം വരാനിരിക്കെ വി.ഡി. സതീശന്റെ ‘മംഗലാപുരം യാത്ര’ വിവാദത്തിൽ; എൻ.ഡി.എ നേതാക്കളുമായുള്ള രഹസ്യ കൂടിക്കാഴ്ചയും വിമാനയാത്രയും രാഷ്ട്രീയ ചർച്ചയാകുന്നു
പാങ്ങോട് സൈനിക ക്യാമ്പില് നടന്ന വിവാദമായ ആനക്കൊമ്പ് മോഷണക്കേസിന് സമാനമായ രീതിയില് ഈ പുരാവസ്തു കേസും വഴിമുട്ടുമോ എന്ന ആശങ്ക പൊതുസമൂഹത്തില് ശക്തമാണ്. ആ അന്വേഷണം അട്ടിമറിക്കപ്പെട്ടതുപോലെ, കവടിയാര് കൊട്ടാരത്തിലെ കേസിലും സ്വാധീനശക്തികള് ഇടപെടാന് സാധ്യതയുണ്ടെന്നാണ് വിലയിരുത്തല്. മോഷണം പോയത് കോടികള് വിലമതിക്കുന്ന ചരിത്രരേഖകളും പുരാവസ്തുക്കളുമായതിനാല് കേസ് ഒതുക്കിത്തീര്ക്കാന് വലിയ സമ്മര്ദ്ദമുണ്ട്.
നിലവില് പോലീസ് ശേഖരിച്ച തെളിവുകള് പുറത്തുവന്നാല് പല പ്രമുഖരും പ്രതിക്കൂട്ടിലാകാന് സാധ്യതയുണ്ട്. അതുകൊണ്ടുതന്നെ അന്വേഷണം എങ്ങുമെത്താതെ അവസാനിപ്പിക്കാനുള്ള നീക്കങ്ങള് അണിയറയില് സജീവമാണെന്നാണ് സൂചന. പരാതി നല്കിയവര് തന്നെ ഇപ്പോള് അന്വേഷണത്തെ എതിര്ക്കുന്നത് ഇതിന്റെ സൂചനയായാണ് പുറത്തു വരുന്നത്. ഫലത്തില് കവടിയാറിലെ സ്വര്ണ്ണ മോഷണ അന്വേഷണം എങ്ങുമെത്തില്ല.
