തൊടുപുഴ/കോട്ടയം: യുഡിഎഫ് മന്ത്രിസഭയുടെ ചട്ടക്കൂട് ഒരുങ്ങുമ്പോള് വിട്ടുവീഴ്ചയില്ലാത്ത ആവശ്യങ്ങളുമായി കേരള കോണ്ഗ്രസ് (ജോസഫ്) വിഭാഗം. ഏഴ് എംഎല്എമാരുള്ള തങ്ങള്ക്ക് രണ്ട് മന്ത്രിസ്ഥാനം അര്ഹതപ്പെട്ടതാണെന്ന നിലപാടില് പി.ജെ. ജോസഫ് ഉറച്ചുനില്ക്കുകയാണ്. മകന് അപു ജോണ് ജോസഫിനെ മന്ത്രിസഭയിലെത്തിക്കാനുള്ള നീക്കങ്ങള് അണിയറയില് സജീവമാകുന്നതിന്റെ സൂചനയായാണ് രാഷ്ട്രീയ കേന്ദ്രങ്ങള് ഇതിനെ കാണുന്നത്. തിങ്കളാഴ്ച രാത്രി പുരപ്പുഴയിലെ വസതിയില് ചേര്ന്ന നിയമസഭാ കക്ഷി യോഗത്തില് രണ്ട് മന്ത്രിസ്ഥാനം എന്ന ആവശ്യം കോണ്ഗ്രസ് നേതൃത്വത്തെ അറിയിക്കാന് ജോസഫിനെ ചുമതലപ്പെടുത്തി.
എന്നാല്, ജോസഫിന്റെ ഈ ‘ഇരട്ട’ ആവശ്യത്തിന് തടയിടാനാണ് കോണ്ഗ്രസ് നീക്കം. 22 എംഎല്എമാരുള്ള മുസ്ലിം ലീഗിന് പോലും നാല് മന്ത്രിസ്ഥാനം മാത്രമേ നല്കാനാകൂ എന്ന നിലപാടിലാണ് കോണ്ഗ്രസ് നേതൃത്വം. ഈ സാഹചര്യത്തില് വെറും ഏഴ് അംഗങ്ങളുള്ള കേരള കോണ്ഗ്രസിന് രണ്ട് മന്ത്രിസ്ഥാനം നല്കുന്നത് മറ്റ് ഘടകകക്ഷികള്ക്കിടയില് അതൃപ്തിയുണ്ടാക്കുമെന്ന് കോണ്ഗ്രസ് ഭയപ്പെടുന്നു. ഉമ്മന്ചാണ്ടി മന്ത്രിസഭയിലെ മുന്ഗണനകള് ഇത്തവണ അതേപടി തുടരാനാകില്ലെന്ന കര്ക്കശ നിലപാടിലാകും ഹൈക്കമാന്ഡും.
മന്ത്രിസ്ഥാനത്തിനായി സമ്മര്ദ്ദം ശക്തമാക്കുമ്പോഴും, വിട്ടുവീഴ്ചകള്ക്ക് തയ്യാറാകേണ്ടി വന്നാല് അപു ജോണ് ജോസഫിനെ ചീഫ് വിപ്പ് സ്ഥാനത്തേക്കെങ്കിലും പരിഗണിക്കണമെന്ന ഫോര്മുലയും പാര്ട്ടിയിലുണ്ട്. നിലവില് വിപ്പ് സ്ഥാനത്തേക്ക് അപുവിനെ പാര്ലമെന്ററി പാര്ട്ടി യോഗം തിരഞ്ഞെടുത്തിട്ടുണ്ട്. മോന്സ് ജോസഫിനെ പാര്ലമെന്ററി പാര്ട്ടി നേതാവായും തോമസ് ഉണ്ണിയിടനെ ഡെപ്യൂട്ടി ലീഡറായും നിശ്ചയിച്ചതിലൂടെ മന്ത്രിസ്ഥാനത്തേക്കുള്ള ആദ്യ പരിഗണന മോന്സിനായിരിക്കുമെന്ന് ഉറപ്പായിട്ടുണ്ട്. രണ്ടാമതൊരു സ്ഥാനം കൂടി ലഭിച്ചാല് മാത്രമേ അപുവിന് സാധ്യതയുള്ളൂ.
മുന്നണിയിലെ മൂന്നാമത്തെ വലിയ കക്ഷിയെന്ന നിലയില് അര്ഹമായ പരിഗണന ലഭിക്കണമെന്നാണ് ജോസഫിന്റെ വാദം. എന്നാല് ഘടകകക്ഷികളെ പിണക്കാതെ തന്നെ മന്ത്രിസഭയില് കോണ്ഗ്രസിന്റെ പ്രാതിനിധ്യം ഉറപ്പാക്കേണ്ട ബാധ്യത മുഖ്യമന്ത്രിയാകുന്ന നേതാവിനുണ്ടാകും. ജോസഫ് വിഭാഗത്തിലെ വിര്ഗീസ് മാമ്മന്, വിനു ജോബ് എന്നിവരടക്കമുള്ള പുതിയ എംഎല്എമാരുടെ പിന്തുണയോടെയാണ് ഈ ആവശ്യം ഉന്നയിച്ചിരിക്കുന്നത്.
മുഖ്യമന്ത്രിയെ ഹൈക്കമാന്ഡ് ഔദ്യോഗികമായി പ്രഖ്യാപിക്കുന്നതോടെ മന്ത്രിസഭാ ചര്ച്ചകള്ക്ക് വേഗത കൂടും. ഘടകകക്ഷികളുമായി കോണ്ഗ്രസ് നിരീക്ഷകര് നടത്തുന്ന ചര്ച്ചകളില് പി.ജെ. ജോസഫ് തന്റെ നിലപാട് ആവര്ത്തിക്കും. എന്നാല് ലീഗിന് നല്കുന്ന പരിഗണനയുടെ അനുപാതത്തില് മാത്രമേ മറ്റ് കക്ഷികള്ക്ക് നല്കാനാകൂ എന്ന കോണ്ഗ്രസ് നിലപാട് ജോസഫ് വിഭാഗത്തിന് വലിയ വെല്ലുവിളിയാകും.
അപു ജോണ് ജോസഫിന്റെ രാഷ്ട്രീയ പ്രവേശനം മന്ത്രിസ്ഥാനത്തോടെ വേണമെന്ന പിതാവിന്റെ ആഗ്രഹം സഫലമാകുമോ അതോ ചീഫ് വിപ്പ് പദവിയില് ഒതുങ്ങുമോ എന്നാണ് രാഷ്ട്രീയ കേരളം ഉറ്റുനോക്കുന്നത്.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
പെപ്സിസികോയുടെ തലപ്പത്തേക്ക് സവിത ബാലചന്ദ്രന് ; ഇന്ദ്ര നൂയിക്ക് ശേഷം വിസ്മയം സൃഷ്ടിക്കാന് മറ്റൊരു ഇന്ത്യന് വനിത, ആഗോള കോര്പ്പറേറ്റ് ഭീമന് പെപ്സികോയുടെ വിപണന തന്ത്രങ്ങള് മെനയുന്നത് ഇനി തമിഴ്നാട്ടുകാരി
