തിരുവനന്തപുരം: പിണറായി വിജയന്റെ തിരുവനന്തപുരത്തെ വാടകവീട്ടിൽ റെയിഡിനെത്തിയ ഇ ഡി ഉദ്യോഗസ്ഥർ ആക്രമിക്കപ്പെട്ട സംഭവത്തിൽ വെളിവായത് തിരുവനന്തപുരം സിറ്റി പോലീസിന്റെ ഗുരുതര വീഴ്ച്ച. ഇ ഡി ഉദ്യോഗസ്ഥർ മടങ്ങുന്ന സമയം ആവശ്യമായ സുരക്ഷ ഒരുക്കുന്നതിനു കാര്യമായ ഒരുനടപടിയും പോലീസ് സ്വീകരിച്ചില്ല.
മുഖ്യമന്ത്രിക്ക് ഒഎസ്ഡി ഇല്ലാതായിട്ട് ഒരു മാസം; ഐഎഎസ് ഏകോപനത്തില് പ്രതിസന്ധിയായി ഡോ എസ് കാര്ത്തികേയന് ഐഎഎസിന്റെ അപ്രതീക്ഷിത അവധി എടുക്കല്; കേശവേന്ദ്രകുമാറും മീര് മുഹമ്മദ് അലിയും കേരളം വിട്ടു; ഐഎഎസുകാരുടെ പിന്തുണ തേടി മുഖ്യമന്ത്രിയുടെ യോഗം
സിറ്റി പോലീസ് ഡെപ്യുട്ടി കമ്മിഷണർ തപോഷ് ബസുമതി, മ്യൂസിയം എസ് എച്ച് ഒ ആർ പ്രശാന്ത് എന്നിവരുടെ നേതൃത്വത്തിലായിരുന്നു പോലീസ് സംഘം.
വീതികുറഞ്ഞ ഇടവഴിയിലാണ് പിണറായിയുടെ വീട്. അതുകൊണ്ട്തന്നെ ആളുകൾ കുറച്ചായാൽപോലും റോഡ് തിങ്ങിനിറഞ്ഞത് പോലാകും. വഴി ചെറുതായതിനാൽ സുഗമമായ വാഹന ഗതാഗതവും പറ്റില്ല. എന്നിട്ടും റോഡിൽ നിന്ന് പാർട്ടി പ്രവർത്തകരെ മാറ്റാൻ പോലീസ് നടപടി സ്വീകരിച്ചില്ല.
ഇടതുമുന്നണിയില് വെള്ളാപ്പള്ളിയുടെ മകന് ഇടം നല്കരുതെന്ന് സിപിഎമ്മിനോട് ആവശ്യപ്പെട്ട് സിപിഐ; ബിഡിജെഎസിന്റെ എല്ഡിഎഫ് മുന്നണി പ്രവേശനം ഇനി അടഞ്ഞ അധ്യായം; മുസ്ലീം ലീഗ് എതിര്പ്പ് യുഡിഎഫിലേക്കുള്ള യാത്രയ്ക്കും തടസ്സം; തുഷാറും കൂട്ടരും എന്ഡിഎയില് തുടരണം; മലബാര് വിരുദ്ധത വെള്ളാപ്പള്ളിക്ക് തിരിച്ചടി
ഇ ഡി ഉദ്യോഗസ്ഥരുടെ വാഹനത്തിന് സിറ്റി പോലീസിന്റെ ഒരു ജീപ്പ് പൈലറ്റായി ഒരുക്കിയിരുന്നു. എന്നാൽ ആവശ്യത്തിന് പോലീസ് ഇല്ലാത്തതിനാൽ അവരും നിസ്സഹായരായി.
സ്ഥിതിഗതികൾ വിലയിരുത്തുന്നതിൽ റയിഡിനെത്തിയ ഇ ഡി ഉദ്യഗസ്ഥർക്കും സുരക്ഷക്കെത്തിയ കേന്ദ്ര പോലീസ് സേനയായ സി ആർ പി എഫ് ന്റെ ഉദ്യോഗസ്ഥർക്കും വീഴ്ച്ചപറ്റി എന്നുവേണം കരുതാൻ. പ്രതിഷേധക്കാരുടെ എണ്ണം വർദ്ധിക്കുന്നത് മനസ്സിലാക്കി കൂടുതൽ സി ആർ പി എഫ് സേനംഗങ്ങളെ വിളിച്ചുവരുത്താമായിരുന്നു.
കേരള പോലീസിന്റെ വലിയവാഹനം വിളിച്ചുവരുത്തി ഇ ഡി ഉദ്യോഗസ്ഥരെ പുറത്തിറക്കാം എന്ന സാധ്യതയും പോലീസ് ഉപയോഗിച്ചില്ല.കാര്യങ്ങൾ യഥാസമയം ഉന്നതരെ അറിയിക്കുന്നതിൽ സ്പെഷ്യൽ ബ്രാഞ്ച് പോലീസിനും വീഴ്ച്ചപറ്റി.
