തിരുവനന്തപുര: പോലീസ് ഉദ്യോഗസ്ഥനെ വീടിനുള്ളില് മരിച്ച നിലയില് കണ്ടെത്തി. കോവളം വെള്ളാര് സ്വദേശിയായ സി.പി.ഒ അഖിലിനെയാണ് (27) തൂങ്ങിമരിച്ച നിലയില് കണ്ടെത്തിയത്. പ്രണയിനിയുടെ വിയോഗത്തിലുള്ള മനോവിഷമമാണ് മരണകാരണമെന്നാണ് പോലീസിന്റെ പ്രാഥമിക നിഗമനം.
കണ്ണൂരില് സ്കൂള് കെട്ടിടത്തില് നിന്ന് ചാടിയ വിദ്യാര്ത്ഥിനി മരിച്ചു; അവയവങ്ങള് ദാനം ചെയ്യും
തിരുവനന്തപുരം എ.ആര് ക്യാമ്പിലെ ഉദ്യോഗസ്ഥനായ അഖില്, വയനാട് സ്വദേശിനിയായ ഒരു യുവതിയുമായി പ്രണയത്തിലായിരുന്നു. കഴിഞ്ഞ ദിവസം ഈ യുവതിയെ തിരുവനന്തപുരത്തെ വാടകവീട്ടില് ആത്മഹത്യ ചെയ്ത നിലയില് കണ്ടെത്തിയിരുന്നു. യുവതിയുടെ മൃതദേഹം ആശുപത്രിയില് പോയി കണ്ടതിന് ശേഷമാണ് അഖില് വീട്ടിലെത്തിയത്. ഇതിന് പിന്നാലെയുണ്ടായ കടുത്ത മാനസിക വിഷമമാണ് അഖിലിനെ മരണത്തിലേക്ക് നയിച്ചതെന്നാണ് പോലീസ് കരുതുന്നത്.
മരണത്തിന് തൊട്ടുമുന്പ് പുലര്ച്ചെ 2.15-ഓടെ അഖില് തന്റെ ഒരു സുഹൃത്തിന് വാട്സാപ്പ് സന്ദേശം അയച്ചിരുന്നു.പോസ്റ്റ് ഓഫീസിലുള്ള തന്റെ സമ്പാദ്യത്തിന്റെ കണക്കുകള്. ഇക്കാര്യങ്ങള് വ്യക്തമാക്കുന്ന സന്ദേശം അയച്ചതിന് ശേഷമാണ് അഖില് ആത്മഹത്യ ചെയ്തത്.
അടിവസ്ത്രക്കേസില് ശിക്ഷിക്കപ്പെട്ടതോടെ ആന്റണി രാജുവിന്റെ എംഎല്എ സ്ഥാനം റദ്ദാക്കി വിജ്ഞാപനം ഇറങ്ങി; തിരഞ്ഞെടുപ്പില് മത്സരിക്കുന്നതിന് 6 വര്ഷത്തേക്ക് വിലക്ക്
രണ്ടര വര്ഷം മുന്പാണ് അഖില് പോലീസ് സേനയില് പ്രവേശിച്ചത്. തിരുവനന്തപുരം സിറ്റി എ.ആര് ക്യാമ്പിലായിരുന്നു നിയമനം. സംഭവത്തില് കോവളം പോലീസ് കേസെടുത്ത് അന്വേഷണം ആരംഭിച്ചു.
