കല്പ്പറ്റ: വയനാട് പുനരധിവാസ ടൗണ്ഷിപ്പ് സന്ദര്ശനത്തിനിടെ സി.പി.എം. ജില്ലാ സെക്രട്ടറി കെ. റഫീഖിനോട് മാറിനില്ക്കാന് ആവശ്യപ്പെട്ട മെഗാസ്റ്റാര് മമ്മൂട്ടിക്കെതിരെ ഇടത് സൈബര് ഹാന്ഡിലുകളില് ആഞ്ഞടിച്ച് സി.പി.എം. അനുഭാവികള്. മമ്മൂട്ടി എപ്പോഴും കൂടെക്കൂട്ടുന്ന രമേശ് പിഷാരടിയും ആന്റോ ജോസഫും കോണ്ഗ്രസുകാരാണെന്നും അവരെ ഒപ്പം കൊണ്ടുനടക്കുന്ന മമ്മൂട്ടിക്ക് ജനങ്ങള്ക്കിടയില് പ്രവര്ത്തിക്കുന്ന സഖാവിനോട് എന്തിനാണ് ഇത്ര അലര്ജിയെന്നുമാണ് സൈബര് ഇടങ്ങളിലെ പ്രധാന ചോദ്യം. കൈരളി ചാനല് ചെയര്മാന് കൂടിയായ മമ്മൂട്ടിക്ക് സ്വന്തം പാര്ട്ടി അണികളില് നിന്ന് തന്നെ ഇത്തരമൊരു കടന്നാക്രമണം നേരിടേണ്ടി വരുന്നത് സിനിമാ-രാഷ്ട്രീയ മേഖലകളില് വലിയ ചര്ച്ചയായിട്ടുണ്ട്. മമ്മൂട്ടി കടുത്ത അതൃപ്തിയിലാണ്. കൈരളി ടിവി ചെയര്മാന് സ്ഥാനം അടക്കം മമ്മൂട്ടി വിട്ടേക്കും.
‘മമ്മൂട്ടി സിനിമ ലൊക്കേഷനില് ഇരുന്നപ്പോള് ദുരന്തമുഖത്ത് രാപ്പകല് പണിയെടുത്തയാളാണ് റഫീഖ്’ എന്നാണ് സൈബര് പോരാളികളുടെ പക്ഷം. ഭരിക്കുന്ന പാര്ട്ടിയുടെ ജില്ലാ സെക്രട്ടറിയെ പരസ്യമായി അപമാനിച്ചത് ഏത് കോലോത്തെ മമ്മൂട്ടി ആയാലും സഹിക്കാനാവില്ലെന്ന് നാസര് എടക്കര ഉള്പ്പെടെയുള്ളവര് ഫെയ്സ്ബുക്കില് കുറിച്ചു. താരത്തിന്റെ ഉള്ളില് ഒരു ‘തമ്പുരാന്’ ഒളിഞ്ഞിരിപ്പുണ്ടെന്നും പാര്ട്ടിയെക്കാള് വലിയവനായി അദ്ദേഹത്തെ കാണുന്നത് നിര്ത്തണമെന്നുമാണ് ഇടത് പ്രൊഫൈലുകളുടെ ആവശ്യം. സന്ദര്ശനം രാഷ്ട്രീയ ലാഭത്തിനായി ഉപയോഗിക്കുന്നു എന്ന് വരുത്താന് മമ്മൂട്ടി നടത്തിയ ‘ഓഞ്ഞ ഡിപ്ലോമസി’ ആണിതെന്നാണ് വിമര്ശനം. ഇത്രയും വലിയ സൈബര് ആക്രമണം നേരിടേണ്ടി വന്നതില് മമ്മൂട്ടി അതീവ അതൃപ്തനാണെന്നാണ് വിവരങ്ങള്.
കഴിഞ്ഞ ശനിയാഴ്ച ടൗണ്ഷിപ്പ് സന്ദര്ശിക്കുന്നതിനിടയിലുടനീളം ജില്ലാ സെക്രട്ടറി ഒപ്പം നടന്നപ്പോഴാണ് ‘നിങ്ങള് എന്തിനാണ് എപ്പോഴും എന്റെ കൂടെ നില്ക്കുന്നത്? മാറി നിന്നാല് മതി’ എന്ന് മമ്മൂട്ടി പരസ്യമായി പറഞ്ഞത്. എന്നാല് ഇത് തികച്ചും സ്വകാര്യമായ ഒരു സന്ദര്ശനമായിരുന്നെന്നും ആരോടും കൂടെ വരാന് ആവശ്യപ്പെട്ടിരുന്നില്ലെന്നും മമ്മൂട്ടിയോട് അടുത്ത വൃത്തങ്ങള് പറയുന്നു. ജനങ്ങള്ക്കിടയില് തെറ്റിദ്ധാരണ ഒഴിവാക്കാനാണ് താരം ഇത്തരത്തില് പ്രതികരിച്ചതെങ്കിലും സഖാക്കള്ക്കിടയില് ഇത് വലിയ മുറിപ്പാടാണ് ഉണ്ടാക്കിയിരിക്കുന്നത്.
മമ്മൂട്ടിയുടെ നിലപാടിനെ യു.ഡി.എഫ് ക്യാമ്പ് ഇരുകൈയും നീട്ടിയാണ് സ്വീകരിച്ചത്. ‘ജനങ്ങളുടെ ടൗണ്ഷിപ്പ്’ എന്ന മമ്മൂട്ടിയുടെ പരാമര്ശം സര്ക്കാരിനെ തള്ളുന്നതാണെന്നും പാര്ട്ടിക്കാരെ കൂടെ നിര്ത്തി രാഷ്ട്രീയം കളിക്കാന് താരം തയ്യാറായില്ലെന്നും കോണ്ഗ്രസ് പ്രൊഫൈലുകള് വാദിക്കുന്നു. തെരഞ്ഞെടുപ്പ് അടുത്തിരിക്കെ സി.പി.എം. നേതാക്കള്ക്ക് മമ്മൂട്ടി നല്കിയ ഷോക്ക് വലിയ വിജയമാണെന്നാണ് യു.ഡി.എഫ് അനുകൂലികളുടെ വിലയിരുത്തല്. വയനാടന് മണ്ണിലെ ഒരു സാദാ സന്ദര്ശനം ഇപ്പോള് കേരള രാഷ്ട്രീയത്തിലെ വലിയൊരു സൈബര് യുദ്ധമായി മാറിയിരിക്കുകയാണ്.
കൈരളി ചാനല് ചെയര്മാന് കൂടിയായ മമ്മൂട്ടിക്ക് സ്വന്തം പാര്ട്ടി അണികളില് നിന്ന് തന്നെ ഇത്തരമൊരു സൈബര് ആക്രമണം നേരിടേണ്ടി വരുന്നത് ഇതാദ്യമാണ്. ‘സിനിമയില് നിങ്ങള് വലിയവനാകാം, പക്ഷേ ഒരു ജനപ്രതിനിധിയെ പരസ്യമായി അപമാനിക്കാന് പാടില്ലായിരുന്നു’ എന്നാണ് സോഷ്യല് മീഡിയയിലെ പൊതുവികാരം. മമ്മൂട്ടി ലൊക്കേഷനില് ഇരുന്നപ്പോള് ദുരന്തമുഖത്ത് രാപ്പകല് പണിയെടുത്തയാളാണ് റഫീഖ് എന്ന് നാസര് എടക്കര ഉള്പ്പെടെയുള്ളവര് കുറിച്ചു. ‘മമ്മൂട്ടിയുടെ ഉള്ളില് ഒരു തമ്പുരാന് ഒളിഞ്ഞിരിപ്പുണ്ടെന്നും പാര്ട്ടിയെക്കാള് വലിയവനായി താരത്തെ കാണുന്നത് നിര്ത്തണമെന്നും’ സൈബര് പോരാളികള് ആഞ്ഞടിക്കുന്നു. സന്ദര്ശനം രാഷ്ട്രീയ ലാഭത്തിനായി ഉപയോഗിക്കുന്നു എന്ന് വരുത്താന് മമ്മൂട്ടി നടത്തിയ ‘ഓഞ്ഞ ഡിപ്ലോമസി’ ആണിതെന്നാണ് വിമര്ശനം. ഈ വിവാദങ്ങളില് മമ്മൂട്ടി അതീവ അതൃപ്തനാണെന്നാണ് സൂചന.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
Also Read
ജോലി വാഗ്ദാനം ചെയ്ത് പീഡനം: പാലക്കാട് നഗരസഭയിലെ കോൺഗ്രസ് കൗൺസിലറെ പാർട്ടിയിൽനിന്ന് പുറത്താക്കി
ജോലി വാഗ്ദാനം ചെയ്ത് പീഡനം: പാലക്കാട് നഗരസഭയിലെ കോൺഗ്രസ് കൗൺസിലറെ പാർട്ടിയിൽനിന്ന് പുറത്താക്കി
