അഹമ്മദാബാദ്: ടി20 ലോകകപ്പ് സൂപ്പർ 8-ലെ ആദ്യ മത്സരത്തിൽ ദക്ഷിണാഫ്രിക്കയോടേറ്റ പരാജയത്തിന് പിന്നിലെ കാരണങ്ങൾ വിശദീകരിച്ച് ഇന്ത്യൻ ക്യാപ്റ്റൻ സൂര്യകുമാർ യാദവ്. ബൗളർമാർ തങ്ങളുടെ ജോലി കൃത്യമായി നിർവ്വഹിച്ചുവെന്നും എന്നാൽ ബാറ്റിംഗിൽ കുറച്ചുകൂടി മികവ് പുലർത്താമായിരുന്നുവെന്നും സൂര്യ പറഞ്ഞു. സിംബാബ്വെയ്ക്കെതിരായ അടുത്ത നിർണ്ണായക മത്സരത്തിൽ ടീം ശക്തമായി തിരിച്ചുവരുമെന്നും അദ്ദേഹം ആത്മവിശ്വാസം പ്രകടിപ്പിച്ചു.
ഐപിഎൽ തിരക്കിനിടയിൽ കോഹ്ലിയുടെ ‘ലൈക്ക്’ വിവാദം; ജർമ്മൻ ഇൻഫ്ലുവൻസറുടെ ചിത്രത്തിന് പിന്നാലെ ആരാധകർ; വീണ്ടും അൽഗോരിതം പണിയായോ?
ദക്ഷിണാഫ്രിക്കയെ തുടക്കത്തിൽ തന്നെ മൂന്ന് വിക്കറ്റിന് 21 റൺസ് എന്ന നിലയിൽ തകർക്കാൻ ഇന്ത്യൻ ബൗളർമാർക്ക് കഴിഞ്ഞിരുന്നു. എന്നാൽ ഏഴ് മുതൽ 15 ഓവറുകൾ വരെ ദക്ഷിണാഫ്രിക്കൻ ബാറ്റർമാർ നടത്തിയ പ്രകടനം കളി അവരിലേക്ക് മാറ്റിയെന്ന് സൂര്യ നിരീക്ഷിച്ചു. 180-ന് മുകളിൽ റൺസ് പിന്തുടരുമ്പോൾ പവർപ്ലേയിൽ വിക്കറ്റുകൾ നഷ്ടപ്പെട്ടത് വലിയ തിരിച്ചടിയായി. പവർപ്ലേയിൽ കളി ജയിക്കാനാവില്ലെങ്കിലും തോൽക്കാൻ സാധ്യതയുണ്ടെന്ന ക്യാപ്റ്റന്റെ വാക്കുകൾ മുൻനിര ബാറ്റിംഗിലെ പാളിച്ചകൾ അടിവരയിടുന്നു. മത്സരത്തിൽ ആഗ്രഹിച്ചതുപോലെയുള്ള ചെറിയ കൂട്ടുകെട്ടുകൾ ഉണ്ടാക്കാൻ ബാറ്റിംഗ് നിരയ്ക്ക് സാധിച്ചില്ലെന്നും അദ്ദേഹം കൂട്ടിച്ചേർത്തു.
തോൽവിയിൽ നിന്ന് പഠിക്കാനുണ്ടെന്നും ടീം ചർച്ച ചെയ്ത് കുറവുകൾ പരിഹരിക്കുമെന്നും സൂര്യ പറഞ്ഞു. ബുംറ-അർഷ്ദീപ് സഖ്യം മാരകമാണെന്നും ഇരുവരും ചേർന്ന് എട്ട് ഓവറിൽ അഞ്ച് വിക്കറ്റുകൾ വീഴ്ത്തിയത് ടീമിന് പോസിറ്റീവായ കാര്യമാണെന്നും അദ്ദേഹം ഓർമ്മിപ്പിച്ചു. അടുത്ത മത്സരത്തിൽ ടീം ഒത്തിണക്കത്തോടെ ബാറ്റിംഗിലും ബൗളിംഗിലും തിളങ്ങുമെന്ന് സൂര്യ പ്രത്യാശിച്ചു.
ആർസിബിക്ക് തുടർച്ചയായ രണ്ടാം ഐപിഎൽ കിരീടം; ഗുജറാത്തിനെ തകർത്ത് ബെംഗളൂരു വീണ്ടും ചാമ്പ്യന്മാർ!
