കൊച്ചി: ദേശീയപാത 66-ന്റെ ഉദ്ഘാടന ചടങ്ങിൽ നിന്ന് പൊതുമരാമത്ത് വകുപ്പ് മന്ത്രി പി.എ. മുഹമ്മദ് റിയാസിനെ ഒഴിവാക്കിയതിനെച്ചൊല്ലിയുള്ള വിവാദങ്ങളിൽ കടുത്ത മറുപടിയുമായി ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ. സംസ്ഥാന സർക്കാരിന്റെ തലവൻ എന്ന നിലയിൽ മുഖ്യമന്ത്രിയെ ഔദ്യോഗികമായി ക്ഷണിച്ചിട്ടുണ്ടെന്നും എന്നാൽ അദ്ദേഹത്തിന്റെ മരുമകനെ ക്ഷണിക്കണമെന്ന് ഒരു ചട്ടവുമില്ലെന്നും അദ്ദേഹം പരിഹസിച്ചു.
ബേക്കലില് ‘വേടന്’ ഷോയ്ക്കിടെ വന് ദുരന്തം: തിരക്കില്പ്പെട്ട് ട്രാക്കിലേക്ക് വീണ യുവാവ് ട്രെയിന് തട്ടി മരിച്ചു; നിരവധി പേര്ക്ക് പരുക്ക്
കേന്ദ്ര സർക്കാരിന്റെ പ്രോട്ടോക്കോൾ പ്രകാരം സംസ്ഥാനത്തെ പ്രതിനിധീകരിക്കാൻ മുഖ്യമന്ത്രിക്ക് ക്ഷണമുണ്ടെന്ന് രാജീവ് ചന്ദ്രശേഖർ ചൂണ്ടിക്കാട്ടി. “മുഖ്യമന്ത്രിക്കൊപ്പം മരുമകനെയും കുടുംബത്തെയുമെല്ലാം വിളിക്കണമെന്ന് എവിടെയാണ് എഴുതിയിരിക്കുന്നത്? തിരഞ്ഞെടുപ്പിന് ഇനി വെറും 30 ദിവസമാണുള്ളത്. 30 ദിവസം കഴിഞ്ഞാൽ മുഖ്യമന്ത്രിയും റിയാസും മന്ത്രിമാരായിരിക്കില്ലെന്ന് അവർക്കറിയാം. അതുകൊണ്ട് എങ്ങനെയെങ്കിലും ഒരു വിവാദമുണ്ടാക്കി വികസന പദ്ധതികളിൽ നിന്ന് ജനശ്രദ്ധ തിരിക്കാനാണ് സിപിഎം ശ്രമിക്കുന്നത്,” അദ്ദേഹം പറഞ്ഞു.
മുഖ്യമന്ത്രിക്കൊപ്പം ചടങ്ങിൽ പങ്കെടുക്കേണ്ടവരുടെ പട്ടിക മുൻകൂട്ടി നൽകാത്തത് സംസ്ഥാന സർക്കാരിന്റെ വീഴ്ചയാണെന്നും രാജീവ് ചന്ദ്രശേഖർ ആരോപിച്ചു. ദേശീയപാത വികസനം തടസ്സമില്ലാതെ പൂർത്തിയാക്കാൻ കേന്ദ്രം മുൻകൈ എടുക്കുമ്പോൾ അനാവശ്യ വിവാദങ്ങൾ ഉണ്ടാക്കുന്നത് തിരഞ്ഞെടുപ്പ് ലക്ഷ്യം വെച്ചുള്ള നാടകങ്ങൾ മാത്രമാണെന്നും അദ്ദേഹം കൂട്ടിച്ചേർത്തു. മന്ത്രി റിയാസിനെ ഒഴിവാക്കിയതിൽ പ്രതിഷേധിച്ച് മുഖ്യമന്ത്രിയും മറ്റ് മന്ത്രിമാരും ചടങ്ങ് ബഹിഷ്കരിക്കാൻ തീരുമാനിച്ച പശ്ചാത്തലത്തിലാണ് ബിജെപി അധ്യക്ഷന്റെ ഈ പ്രതികരണം.
ആഗോള കപ്പൽച്ചാലിലെ കരുത്തായി തിരുവനന്തപുരം; ഷിപ്പ്-ടു-ഷിപ്പ് ബങ്കറിംഗ് സേവനം ആരംഭിച്ചു
