തിരുവനന്തപുരം: മന്ത്രി കെ.ബി. ഗണേഷ് കുമാറും ഭാര്യയും തമ്മിലുണ്ടായിരുന്ന അസ്വാരസ്യങ്ങള് ഒത്തുതീര്പ്പായി. ഭാര്യ ഉന്നയിച്ച പരാതികളില് ഗണേഷ് കുമാര് തെറ്റുതിരുത്തി മാപ്പുപറഞ്ഞതോടെയാണ് പ്രശ്നങ്ങള്ക്ക് വിരാമമായത്. ഇരുവരും വിവാഹ മോചനത്തിലേക്ക് പോകില്ലെന്നും, ഇതൊരു കുടുംബ പ്രശ്നം മാത്രമായി കണ്ട് രമ്യമായി പരിഹരിച്ചെന്നുമാണ് പുറത്തുവരുന്ന വിവരം. ഇതോടെ ഗണേഷ് കുമാറിന്റെ മന്ത്രിസ്ഥാനത്തിന്മേലുണ്ടായിരുന്ന പ്രതിസന്ധി നീങ്ങിയെന്ന് കേരളാ കോണ്ഗ്രസ് ബി വിലയിരുത്തുന്നു.
മന്ത്രി വീണാ ജോർജിന് നേരെ നടന്നത് വധശ്രമമോ? ‘കൊല്ലെടാ’ എന്ന് വിളിച്ച് കഴുത്തിന് നേരെ ആയുധവുമായി ചാടിവീണെന്ന് എഫ്ഐആറിൽ
ഭാര്യ പരസ്യമായി ആരോപണം ഉന്നയിച്ച സാഹചര്യത്തില് ഇടതുമുന്നണി കടുത്ത നിലപാട് സ്വീകരിക്കുമെന്നും, ഗണേഷിന്റെ രാജി സര്ക്കാര് ആവശ്യപ്പെട്ടേക്കുമെന്നും നേരത്തെ സൂചനയുണ്ടായിരുന്നു. എന്നാല് പ്രശ്നം കുടുംബത്തിനുള്ളില് തന്നെ ഒത്തുതീര്പ്പായതോടെ സര്ക്കാരിനും മുന്നണിക്കും വലിയ ആശ്വാസമാണ് ലഭിച്ചിരിക്കുന്നത്. ഇന്ന് നടക്കുന്ന മന്ത്രിസഭാ യോഗത്തില് പങ്കെടുക്കാന് ഗണേഷ് കുമാര് വാളകത്തെ വീട്ടില്നിന്ന് തിരുവനന്തപുരത്തേക്ക് പുറപ്പെട്ടിട്ടുണ്ട്. മുഖ്യമന്ത്രിയുടെ നിലപാട് നിര്ണ്ണായകമാകും.
ഇന്ന് മുഖ്യമന്ത്രിയും മന്ത്രി ഗണേഷ് കുമാറും തമ്മില് നിശ്ചയിച്ചിരുന്ന കൂടിക്കാഴ്ച നടക്കും. ഉച്ചകഴിഞ്ഞ് മൂന്നുമണിക്ക് നടക്കുന്ന കൂടിക്കാഴ്ചയില് കുടുംബപ്രശ്നങ്ങള് പരിഹരിച്ച വിവരം മന്ത്രി മുഖ്യമന്ത്രിയെ ഔദ്യോഗികമായി അറിയിക്കും. തിരഞ്ഞെടുപ്പ് പടിവാതില്ക്കല് നില്ക്കേ സര്ക്കാരിന്റെ പ്രതിച്ഛായയെ ബാധിക്കുമായിരുന്ന ഒരു വലിയ വിവാദം അവസാനിച്ചത് നേതൃത്വത്തിനും ആശ്വാസമായി. സിപിഐ അടക്കമുള്ള ഘടകകക്ഷികളും ഇനി ഈ വിഷയം മന്ത്രിസഭയില് ഉന്നയിക്കാന് സാധ്യതയില്ല.
ഗണേഷ് കുമാറിന്റെ ഭാര്യ ബിന്ദു മേനോന് പരാതി നല്കിയാല് കേസെടുക്കുമെന്നായിരുന്നു പോലീസിന്റെ നിലപാട്. തന്റെ പക്കല് ഫോട്ടോ അടക്കമുള്ള തെളിവുകള് ഉണ്ടെന്ന് കഴിഞ്ഞദിവസം അവര് വ്യക്തമാക്കിയിരുന്നു. എന്നാല് ഭര്ത്താവുമായി രമ്യതാവാദത്തില് എത്തിയതിനാല് ഇനി നിയമപരമായ നടപടികള്ക്കോ പരാതി നല്കാനോ അവര് ഉദ്ദേശിക്കുന്നില്ല.
പുറത്തുവരാന് സാധ്യതയുണ്ടായിരുന്ന ദൃശ്യങ്ങളും മറ്റ് വിവാദങ്ങളും ഇതോടെ പൂര്ണ്ണമായും ഇല്ലാതാവുകയാണ്. വിഷയം പൂര്ണ്ണമായും ഒരു കുടുംബപ്രശ്നമായി ചുരുങ്ങിയതോടെ ഗണേഷ് കുമാറിന് മന്ത്രിസ്ഥാനത്ത് തുടരാന് തടസ്സങ്ങളില്ല.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
