ന്യൂഡൽഹി: രാജ്യത്തെ തൊഴിലില്ലാത്ത യുവാക്കളെ ‘പാറ്റകളോട്’ ഉപമിച്ച സുപ്രീം കോടതി ചീഫ് ജസ്റ്റിസ് സൂര്യകാന്തിന്റെ പരാമർശത്തിനെതിരെ പ്രതിഷേധവുമായി യുവാക്കൾ പുതിയ ആക്ഷേപഹാസ്യ രാഷ്ട്രീയമുന്നണി രൂപീകരിച്ചു. ‘കോക്രോച്ച് ജനതാ പാർട്ടി’ (സി.ജെ.പി) എന്ന പേരിൽ ആരംഭിച്ച ഈ വ്യംഗ്യാത്മക രാഷ്ട്രീയ കൂട്ടായ്മ ഇതിനോടകം തന്നെ സോഷ്യൽ മീഡിയയിൽ വലിയ തരംഗം സൃഷ്ടിച്ചുകഴിഞ്ഞു. ചീഫ് ജസ്റ്റിസിന്റെ വിവാദ പ്രസ്താവന വന്നതിന് തൊട്ടടുത്ത ദിവസമായ മെയ് 16-നാണ് ഭാരവാഹികൾ പാർട്ടി ഔദ്യോഗികമായി ആരംഭിച്ചത്.
എ.എസ്.ഐ ഷിബുമോന്റെ ആത്മഹത്യ: ദുരൂഹത നീക്കാന് അന്വേഷണം; ജോലിഭാരമെന്ന് സഹപ്രവര്ത്തകര്, പുതിയ വീടിന്റെ സ്വപ്നം ബാക്കിവെച്ച് മടക്കം; അഞ്ചുതെങ്ങ് സ്റ്റേഷനിലെ എ എസ് ഐയ്ക്ക് സംഭവിച്ചത് എന്ത്?
നിലവിൽ പാർട്ടിയുടെ ഔദ്യോഗിക വെബ്സൈറ്റ് സജീവമായി പ്രവർത്തിക്കുന്നുണ്ട്. പാർട്ടി രൂപീകരിച്ച് ചുരുങ്ങിയ ദിവസങ്ങൾക്കുള്ളിൽ തന്നെ എക്സ് (ട്വിറ്റർ) പ്ലാറ്റ്ഫോമിൽ മുപ്പത്തിയെട്ടായിരത്തിലധികം ഫോളോവേഴ്സിനെയും ഇൻസ്റ്റാഗ്രാമിൽ നാല് ലക്ഷത്തി ഇരുപതിനായിരത്തിലധികം ഫോളോവേഴ്സിനെയും സ്വന്തമാക്കാൻ ഈ കൂട്ടായ്മയ്ക്ക് സാധിച്ചു.
പ്രവർത്തനം തുടങ്ങി വളരെ കുറഞ്ഞ സമയത്തിനുള്ളിൽ ഏകദേശം ഒരു ലക്ഷത്തോളം ആളുകൾ പാർട്ടിയിൽ അംഗത്വമെടുത്തതായി സി.ജെ.പി ഭാരവാഹികൾ അവകാശപ്പെടുന്നു. തൃണമൂൽ കോൺഗ്രസ് നേതാക്കളായ മഹുവ മൊയ്ത്ര, കീർത്തി ആസാദ് തുടങ്ങിയ പ്രമുഖ രാഷ്ട്രീയ വ്യക്തിത്വങ്ങളെയും ഇതിനോടകം തന്നെ പാർട്ടി ഭാരവാഹികൾ തങ്ങളുടെ കൂട്ടായ്മയിലേക്ക് സ്വാഗതം ചെയ്തിട്ടുണ്ട്.
മനോരോഗിയെ പീഡിപ്പിച്ച കേസിൽ ശിക്ഷ കഴിഞ്ഞിറങ്ങി; പിന്നാലെ 15-കാരനെ പീഡിപ്പിച്ച പ്രതി കുറ്റക്കാരൻ
യുഎസിലെ ബോസ്റ്റൺ ആസ്ഥാനമായി പ്രവർത്തിക്കുന്ന മുപ്പതുകാരനായ അഭിജീത് ദിപ്കെയാണ് ഈ വേറിട്ട പ്രതിഷേധ ക്യാമ്പയിന് പിന്നിൽ പ്രവർത്തിക്കുന്നത്. ചീഫ് ജസ്റ്റിസിന്റെ വിവാദ പരാമർശത്തിന് പിന്നാലെ മെയ് 16-ന് ദിപ്കെ സോഷ്യൽ മീഡിയയിലൂടെ പാർട്ടിയിലേക്ക് ആളുകളെ ക്ഷണിച്ച് പോസ്റ്റ് പങ്കുവെക്കുകയായിരുന്നു. പാർശ്വവൽക്കരിക്കപ്പെട്ട എല്ലാ ‘പാറ്റകൾക്കുമായി’ താൻ പുതിയൊരു പ്ലാറ്റ്ഫോം ഒരുക്കുകയാണെന്ന് അദ്ദേഹം അന്ന് കുറിച്ചു. അതേസമയം, തന്റെ വാക്കാലുള്ള നിരീക്ഷണങ്ങൾ തൊഴിൽരഹിതരായ യുവാക്കളെ ലക്ഷ്യം വെച്ചുള്ളതല്ലെന്നും വ്യാജ ബിരുദങ്ങൾ ഉപയോഗിച്ച് നിയമം, മാധ്യമം തുടങ്ങിയ മേഖലകളിൽ പ്രവേശിക്കുന്നവരെ ഉദ്ദേശിച്ചാണെന്നും ചീഫ് ജസ്റ്റിസ് സൂര്യകാന്ത് പിന്നീട് വ്യക്തമാക്കി.
