തിരുവനന്തപുരം: അഞ്ചുതെങ്ങ് പോലീസ് സ്റ്റേഷനിലെ എ.എസ്.ഐ കെ. ഷിബുമോന്റെ ആത്മഹത്യയില് നടുങ്ങി സഹപ്രവര്ത്തകരും ബന്ധുക്കളും. പുതിയ വീട് എന്ന സ്വപ്നം പാതിവഴിയില് നിര്ത്തി ഷിബുമോന് എന്തിന് ജീവനൊടുക്കി എന്ന ചോദ്യത്തിന് ഉത്തരം തേടുകയാണ് പോലീസ്. കഴിഞ്ഞ രണ്ടര വര്ഷമായി അഞ്ചുതെങ്ങ് സ്റ്റേഷനില് ജോലി ചെയ്തുവരികയായിരുന്നു അദ്ദേഹം.
കോഴിക്കോട് യുവതിയുടെ കൊലപാതകത്തില് പോലീസ് കസ്റ്റഡിയിലുളള വൈശാഖന് മൃതദേഹത്തില് ലൈംഗിക വേഴ്ച നടത്തുന്ന സൈക്കോ! തെളിവ് ശേഖരിച്ച് അന്വേഷണ സംഘം! വര്ക്ക് ഷോപ്പിലെ സിസിടിവി ദൃശ്യങ്ങള് നിര്ണായക തെളിവാകും
ഷിബുമോന്റെ ആത്മഹത്യയ്ക്ക് പിന്നില് അമിതമായ ജോലിഭാരമോ അതോ വ്യക്തിപരമായ കാരണങ്ങളോ ഉണ്ടോ എന്ന് സ്പെഷ്യല് ബ്രാഞ്ച് പരിശോധിച്ചുവരികയാണ്. സ്റ്റേഷനിലെ തിരക്കുകള്ക്കിടയിലും പരാതിക്കാരോട് മാന്യമായി പെരുമാറുന്ന ഉദ്യോഗസ്ഥനായിരുന്നു ഇദ്ദേഹമെന്ന് നാട്ടുകാര് പറയുന്നു. സ്വന്തമായി ഒരു വീട് പണിയാനുള്ള തയ്യാറെടുപ്പുകള് നടത്തുന്നതിനിടെയാണ് വാടകവീട്ടിലെ കിടപ്പുമുറിയില് അദ്ദേഹത്തെ തൂങ്ങിമരിച്ച നിലയില് കണ്ടെത്തിയത്. ആത്മഹത്യാ കുറിപ്പുകളൊന്നും ഇതുവരെ കണ്ടെത്താനായിട്ടില്ലെന്നാണ് വിവരം.
പാരിപ്പള്ളി മെഡിക്കല് കോളേജില് പോസ്റ്റ്മോര്ട്ടം നടപടികള് പൂര്ത്തിയാക്കിയ ശേഷം മൃതദേഹം ബന്ധുക്കള്ക്ക് വിട്ടുനല്കും. പോലീസ് വകുപ്പിന്റെ ഔദ്യോഗിക ബഹുമതികളോടെയായിരിക്കും സംസ്കാരം നടക്കുക. ഷിബുമോന്റെ ഭാര്യയും രണ്ട് മക്കളും അടങ്ങുന്ന കുടുംബം ഈ വിയോഗത്തിന്റെ ആഘാതത്തിലാണ്.
കൈക്കൂലി ആരോപണം: എസ്ഐമാരെ വയർലെസ്സിലൂടെ സ്ഥലം മാറ്റി റൂറൽ എസ്പി; പോലീസ് സേനയിൽ അമർഷം
ഷിബുമോന്റെ ഫോണ് രേഖകള് പോലീസ് പരിശോധിക്കുന്നുണ്ട്. മരണത്തിന് തൊട്ടുമുന്പ് ആരെങ്കിലും വിളിച്ചിരുന്നോ അല്ലെങ്കില് മറ്റെന്തെങ്കിലും മാനസിക സമ്മര്ദ്ദമുണ്ടായിരുന്നോ എന്ന് ഇതിലൂടെ വ്യക്തമാകുമെന്നാണ് കരുതുന്നത്.
