തിരുവനന്തപുരം: വയനാട് പുനരധിവാസത്തിനായി പിരിച്ചെടുത്ത തുകയുമായി ബന്ധപ്പെട്ട് കെപിസിസി പ്രസിഡന്റ് സണ്ണി ജോസഫ് കണക്കുകൾ പുറത്തുവിട്ടതിന് പിന്നാലെ പ്രതികരണവുമായി ഷാഫി പറമ്പിൽ എംപി. പുനരധിവാസ പ്രവർത്തനങ്ങൾക്കായി ഇനിയും വലിയ തുക ആവശ്യമായി വരുമെന്നും പിരിച്ചെടുത്തതിനേക്കാൾ കൂടുതൽ തുക ഇതിനായി ചെലവാക്കേണ്ടി വരുമെന്നും ഷാഫി പറമ്പിൽ പറഞ്ഞു. തിരുവനന്തപുരം കാട്ടാക്കട നിയോജകമണ്ഡലത്തിലെ യുഡിഎഫ് സ്ഥാനാർത്ഥി എം.ആർ. ബൈജുവിന്റെ തിരഞ്ഞെടുപ്പ് പ്രചാരണത്തിനിടെ സംസാരിക്കുകയായിരുന്നു അദ്ദേഹം.
ജന്മഭൂമിയില് തങ്ങളുടെയും മുനീറിന്റെയും എഡിറ്റോറിയല് ലേഖനങ്ങള്, ചന്ദ്രികയുടെ എഡിറ്റോറിയല് പേജ് ജന്മഭൂമിയില്; അച്ചടിപ്പിശകല്ല, അന്തര്ധാരയെന്ന് മുഖ്യമന്ത്രിയുടെ പ്രസ് സെക്രട്ടറി പി.എം.മനോജ്
വയനാട് ഫണ്ടുമായി ബന്ധപ്പെട്ട് ഉയരുന്ന വിവാദങ്ങൾക്കും സർക്കാരിന്റെ വിമർശനങ്ങൾക്കും മറുപടി നൽകുകയായിരുന്നു ഷാഫി. “സർക്കാരിനെപ്പോലെ പണം ബാക്കി വെക്കുന്ന രീതിയല്ല ഞങ്ങളുടേത്. ലഭിച്ച പണത്തേക്കാൾ കൂടുതൽ പുനരധിവാസത്തിനായി ചെലവാക്കേണ്ടി വരും. ഇതിന്റെ മുഴുവൻ കണക്കുകളും സുതാര്യമായി ജനങ്ങളുടെ മുന്നിൽ അവതരിപ്പിക്കും,” ഷാഫി പറമ്പിൽ വ്യക്തമാക്കി.
വയനാട് ദുരന്തബാധിതർക്കായി സമാഹരിച്ച ഫണ്ട് വിനിയോഗിക്കുന്നതിൽ വീഴ്ചയുണ്ടെന്ന എൽഡിഎഫ് ആരോപണങ്ങളെ അദ്ദേഹം തള്ളിക്കളഞ്ഞു. ഓരോ രൂപയുടെയും കണക്ക് ബോധ്യപ്പെടുത്താൻ യുഡിഎഫ് തയ്യാറാണെന്നും അദ്ദേഹം കൂട്ടിച്ചേർത്തു. തിരഞ്ഞെടുപ്പ് പ്രചാരണ വേളയിൽ വയനാട് പുനരധിവാസം ഒരു പ്രധാന രാഷ്ട്രീയ ചർച്ചാവിഷയമായി മാറിയിരിക്കുകയാണ്.
കേരള വിജിലൻസിന് പുതിയ വെബ്സൈറ്റ്; ഉദ്ഘാടനം മനോജ് എബ്രഹാം നിർവ്വഹിച്ചു
പ്രതിപക്ഷ നേതാവ് വി.ഡി. സതീശനും കെപിസിസി നേതൃത്വവും ഇതിനകം തന്നെ ഫണ്ട് വിനിയോഗത്തെക്കുറിച്ച് വിശദീകരണം നൽകിയിരുന്നു. ഇതിന്റെ തുടർച്ചയായാണ് ഷാഫി പറമ്പിലിന്റെയും പ്രതികരണം. വയനാട്ടിലെ ജനങ്ങൾക്ക് നൽകിയ വാഗ്ദാനങ്ങൾ പാലിക്കുമെന്നും അതിൽ രാഷ്ട്രീയ തടസ്സങ്ങൾ ഉണ്ടാകാൻ അനുവദിക്കില്ലെന്നും അദ്ദേഹം പറഞ്ഞു.
