ചെന്നൈ: തമിഴിലെ പ്രമുഖ നിർമ്മാതാവ് കലൈപതി എസ്. സുരേഷിന്റെ മകന്റെ വിവാഹവിരുന്നിൽ നടൻ വിജയ്യും നടി തൃഷയും ഒന്നിച്ചെത്തിയത് തെന്നിന്ത്യൻ സിനിമാലോകത്ത് വലിയ ചർച്ചയാകുന്നു. വ്യാഴാഴ്ച വൈകുന്നേരം ചെന്നൈയിൽ നടന്ന ചടങ്ങിലേക്ക് ഇരുവരും ഒരേ കാറിലാണ് എത്തിയത്. സ്വർണ്ണനിറമുള്ള സിൽക്ക് ഷർട്ടും മുണ്ടുമായിരുന്നു വിജയ്യുടെ വേഷം. വെള്ളയും സ്വർണ്ണനിറവും കലർന്ന സിൽക്ക് സാരിയും സ്ലീവ്ലെസ് ചുവപ്പ് ബ്ലൗസും ധരിച്ചാണ് തൃഷ എത്തിയത്. നവദമ്പതികൾക്കൊപ്പം ഫോട്ടോ എടുത്ത ശേഷം ഇരുവരും ഒന്നിച്ചുതന്നെയാണ് മടങ്ങിയതും.
ലാലേട്ടന്റെ മകള് വിസ്മയുടെ ചിത്രം ‘തുടക്കം’ ഓണത്തിന്; ഫസ്റ്റ് ലുക്ക് പോസ്റ്റര് സോഷ്യല് മീഡിയയില് വൈറല്!
വിജയ്യുടെ ഭാര്യ സംഗീത സ്വർണ്ണലിംഗം വിവാഹമോചനം ആവശ്യപ്പെട്ട് കോടതിയെ സമീപിച്ച വാർത്തകൾ പുറത്തുവന്നതിന് തൊട്ടുപിന്നാലെയാണ് ഈ പൊതുദർശനം എന്നത് ശ്രദ്ധേയമാണ്. ഒരു പ്രമുഖ നടിയുമായി വിജയ്ക്ക് വിവാഹേതര ബന്ധമുണ്ടെന്നും അത് അവസാനിപ്പിക്കാമെന്ന വാക്ക് വിജയ് ലംഘിച്ചുവെന്നും സംഗീത ഹർജിയിൽ ആരോപിച്ചിരുന്നു. ഈ വിവാദങ്ങൾക്കിടയിലും തൃഷയ്ക്കൊപ്പം വിജയ് പരസ്യമായി പ്രത്യക്ഷപ്പെട്ടത് ആരാധകർക്കിടയിലും സോഷ്യൽ മീഡിയയിലും വലിയ അഭ്യൂഹങ്ങൾക്ക് വഴിവെച്ചിരിക്കുകയാണ്.
2004-ൽ പുറത്തിറങ്ങിയ ‘ഗില്ലി’ എന്ന ചിത്രത്തിലൂടെയാണ് വിജയ്-തൃഷ ജോഡി തമിഴ് സിനിമയിലെ സൂപ്പർ ഹിറ്റ് കൂട്ടുകെട്ടായി മാറിയത്. തുടർന്ന് ‘തിരുപ്പാച്ചി’, ‘ആദി’, ‘കുരുവി’, അടുത്തിടെ പുറത്തിറങ്ങിയ ‘ലിയോ’ എന്നീ ചിത്രങ്ങളിലും ഇരുവരും ഒന്നിച്ച് അഭിനയിച്ചിരുന്നു. ഇരുവരും തമ്മിലുള്ള സൗഹൃദത്തെക്കുറിച്ച് നേരത്തെയും ഗോസിപ്പുകൾ വന്നിരുന്നെങ്കിലും പുതിയ നിയമപോരാട്ടങ്ങൾക്കിടയിലെ ഈ കൂടിക്കാഴ്ച തമിഴ് രാഷ്ട്രീയ-സിനിമാ വൃത്തങ്ങളിൽ ഗൗരവകരമായ ചർച്ചകൾക്ക് തുടക്കമിട്ടിട്ടുണ്ട്.
നടിയും നര്ത്തകിയുമായ ആര്യ പാര്വതി വിവാഹിതയായി | Arya Parvathy
