തിരുവനന്തപുരം : ജനുവരി 22-ന് സംസ്ഥാനത്തെ സിനിമ സംഘടനകള് പ്രഖ്യാപിച്ചിരുന്ന സിനിമാ സമരം പിന്വലിച്ചു. സാംസ്കാരിക മന്ത്രി സജി ചെറിയാനുമായി സിനിമാ സംഘടനകളുടെ പ്രതിനിധികള് ഇന്ന് നടത്തിയ ചര്ച്ച വിജയിച്ചതോടെയാണ് തീരുമാനം. ഇതോടെ മറ്റന്നാള് തീയേറ്ററുകള് അടച്ചിടില്ലെന്നും സിനിമാ ചിത്രീകരണങ്ങള് തടസ്സപ്പെടില്ലെന്നും ഉറപ്പായി.
മദ്യത്തിന് പേരിടല്: ബെവ്കോ നടപടിയില് സര്ക്കാരിനോട് വിശദീകരണം തേടി ഹൈക്കോടതി; ബ്രാന്ഡിക്ക് ഏറ്റവും മികച്ച പേര് നിര്ദേശിക്കുന്നവര്ക്ക് 10,000 രൂപ സമ്മാനം നല്കുന്നത് നിയമവിരുദ്ധമെന്ന് ഹര്ജിക്കാര്
സിനിമാ മേഖല കാലങ്ങളായി ഉന്നയിക്കുന്ന പ്രധാന ആവശ്യമായ ജി.എസ്.ടിക്ക് പുറമെയുള്ള വിനോദ നികുതി ഒഴിവാക്കുന്ന കാര്യത്തില് ചര്ച്ചയില് ധാരണയായി. ഇത് തീയേറ്റര് ഉടമകള്ക്കും സിനിമാ നിര്മ്മാതാക്കള്ക്കും വലിയ ആശ്വാസമാകും.
വൈകുന്നേരം 6 മണി മുതല് തീയേറ്ററുകള്ക്ക് പ്രത്യേക വൈദ്യുതി താരിഫ് അനുവദിക്കുന്ന കാര്യത്തിലും അനുകൂലമായ തീരുമാനമുണ്ടായി. കൂടാതെ, ചിത്രാഞ്ജലിയില് നിര്മ്മിക്കുന്ന സിനിമകള്ക്കുള്ള സബ്സിഡി 5 ലക്ഷത്തില് നിന്ന് 25 ലക്ഷമാക്കി ഉയര്ത്തണമെന്ന ആവശ്യവും സര്ക്കാര് പരിഗണിക്കും.
എസ് എന് ഡി പി യൂണിയന്: വെള്ളാപ്പള്ളിക്ക് തിരിച്ചടി; അയോഗ്യതയില് സ്റ്റേ ഇല്ല, നിലവിലെ സ്ഥിതി തുടരാന് ഹൈക്കോടതി ഉത്തരവ്
തീയേറ്ററുകളുടെ പ്രവര്ത്തന ലൈസന്സ് പുതുക്കുന്നതിന്റെ കാലാവധി നിലവിലുള്ളതില് നിന്ന് 5 വര്ഷമാക്കി ഉയര്ത്തുന്നതിനും ചര്ച്ചയില് തീരുമാനമായി. സര്ക്കാര് ലൊക്കേഷനുകളിലെ ഷൂട്ടിംഗ് അനുമതിക്കായി ഏകജാലക സംവിധാനം ഏര്പ്പെടുത്തുന്നതിലൂടെ സിനിമാ നിര്മ്മാണത്തിലെ കാലതാമസം ഒഴിവാക്കാന് സാധിക്കും.
