കൊച്ചി: മലയാള സിനിമയിലെ ആക്ഷൻ സൂപ്പർസ്റ്റാർ സുരേഷ് ഗോപിയുടെ ഏറെ പ്രതീക്ഷയോടെ കാത്തിരിക്കുന്ന ചിത്രം ‘ഒറ്റക്കൊമ്പന്റെ’ ഫസ്റ്റ് ലുക്ക് പോസ്റ്റർ പുറത്തിറങ്ങി. ഈസ്റ്റർ ദിനാഘോഷങ്ങളുടെ ഭാഗമായി പ്രേക്ഷകർക്ക് ആശംസകൾ നേർന്നുകൊണ്ടാണ് അണിയറപ്രവർത്തകർ പോസ്റ്റർ പങ്കുവെച്ചത്. “വീണു എങ്കിലും, അവൻ വീണ്ടും എഴുന്നേൽക്കും” എന്ന കരുത്തുറ്റ വരികളോടെ മാസ് ലുക്കിലാണ് സുരേഷ് ഗോപി പോസ്റ്ററിൽ പ്രത്യക്ഷപ്പെടുന്നത്.
ചെന്നൈയിൽ വിവാഹവിരുന്നിന് ഒന്നിച്ചെത്തി വിജയ്യും തൃഷയും; വിവാഹമോചന വാർത്തകൾക്കിടെ താരങ്ങളുടെ സന്ദർശനം ചർച്ചയാകുന്നു.
ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലൻ നിർമ്മിക്കുന്ന ഈ ചിത്രം നവാഗതനായ മാത്യൂസ് തോമസാണ് സംവിധാനം ചെയ്യുന്നത്. വലിയ മുതൽമുടക്കിൽ ഒരുങ്ങുന്ന ഒരു പക്കാ മാസ് ആക്ഷൻ എന്റർടൈനറായിരിക്കും ‘ഒറ്റക്കൊമ്പൻ’ എന്ന് ഫസ്റ്റ് ലുക്ക് നൽകുന്ന സൂചനകൾ വ്യക്തമാക്കുന്നു. അഭിനയയാണ് ചിത്രത്തിൽ നായികയായി എത്തുന്നത്.
ലാൽ, ചെമ്പൻ വിനോദ് ജോസ്, വിജയരാഘവൻ, ലാലു അലക്സ്, മേഘന രാജ് തുടങ്ങി വൻ താരനിര തന്നെ ചിത്രത്തിന്റെ ഭാഗമാകുന്നുണ്ട്. എഴുപതിൽപ്പരം അഭിനേതാക്കളാണ് ചിത്രത്തിൽ അണിനിരക്കുന്നത്. ഷിബിൻ ഫ്രാൻസിസ് രചന നിർവ്വഹിക്കുന്ന ചിത്രത്തിന് ഷാജികുമാറാണ് ഛായാഗ്രഹണം നിർവ്വഹിക്കുന്നത്. ഹർഷവർദ്ധൻ രമേശ്വർ സംഗീതവും കലയ് കിങ്സൺ ഉൾപ്പെടെയുള്ളവർ ആക്ഷൻ രംഗങ്ങളും കൈകാര്യം ചെയ്യുന്നു.
സെന്സര് ബോര്ഡിന് മദ്രാസ് ഹൈക്കോടതിയില് തിരിച്ചടി. വിജയുടെ ജനനായകന് പ്രദര്ശനാനുമതി , ചിത്രത്തിന് U/A സര്ട്ടിഫിക്കറ്റ്; ആരാധകര് ആവേശത്തില്
സുരേഷ് ഗോപി എന്ന താരത്തിൽ നിന്ന് ആരാധകർ ആഗ്രഹിക്കുന്ന എല്ലാ ചേരുവകളും ചിത്രത്തിലുണ്ടെന്നാണ് റിപ്പോർട്ടുകൾ. ‘കത്തനാർ’, ‘കില്ലർ’, ‘L367’ തുടങ്ങിയ വമ്പൻ പ്രോജക്റ്റുകൾക്ക് ശേഷം ഗോകുലം മൂവീസ് അവതരിപ്പിക്കുന്ന മറ്റൊരു ബ്രഹ്മാണ്ഡ ചിത്രമായിരിക്കും ഇത്. ഈ വർഷം തന്നെ ചിത്രം തിയേറ്ററുകളിലെത്തും.
