തിരുവനന്തപുരം: കേരളത്തില് പുതിയ യു.ഡി.എഫ് സര്ക്കാര് അധികാരമേല്ക്കുന്നതിന്റെ ആവേശത്തിനിടയിലും സത്യപ്രതിജ്ഞാ ചടങ്ങിലെ പ്രോട്ടോക്കോളിനെ ചൊല്ലി ലോക്ഭവനും പുതിയ സര്ക്കാരും തമ്മില് അസ്വാരസ്യങ്ങള് പുകയുന്നു.
തിങ്കളാഴ്ച നടക്കുന്ന സത്യപ്രതിജ്ഞാ ചടങ്ങില് മുഖ്യമന്ത്രിയും മന്ത്രിമാരായി സത്യപ്രതിജ്ഞ ചെയ്യുന്നവരും മാത്രം വേദിയില് മതിയെന്ന ഗവര്ണര് രാജേന്ദ്ര വിശ്വനാഥ് ആര്ലേക്കറുടെ കര്ശന നിലപാടാണ് പുതിയ വിവാദങ്ങള്ക്ക് തിരികൊളുത്തിയിരിക്കുന്നത്. ഇക്കാര്യം വീഴ്ചയില്ലാതെ ഉറപ്പുവരുത്താന് ഗവര്ണര് ചീഫ് സെക്രട്ടറിക്ക് ഔദ്യോഗികമായി നിര്ദേശം നല്കിക്കഴിഞ്ഞു.
ഇതോടെ, ലോക്സഭാ പ്രതിപക്ഷ നേതാവ് രാഹുല് ഗാന്ധി, എ.ഐ.സി.സി ജനറല് സെക്രട്ടറി പ്രിയങ്കാ ഗാന്ധി തുടങ്ങിയ ദേശീയ നേതാക്കള്ക്ക് പുറമെ മുന് പ്രതിപക്ഷ നേതാവും പുതിയ മന്ത്രിസഭയിലെ പ്രമുഖനുമായ വി.ഡി. സതീശന് ഉള്പ്പെടെയുള്ളവര്ക്ക് വേദിക്ക് താഴെ സദസ്സിലായിരിക്കും ഇരിപ്പിടം. ഗവര്ണറുടെ ഈ കടുംപിടിത്തം രാഷ്ട്രീയ നയരൂപീകരണത്തിലെ ഇരട്ടത്താപ്പാണെന്ന ആക്ഷേപം കോണ്ഗ്രസ് കേന്ദ്രങ്ങളില് ഇതിനകം ഉയര്ന്നു കഴിഞ്ഞു. സത്യപ്രതിജ്ഞാ ചടങ്ങില് മുഖ്യമന്ത്രിയും കാബിനറ്റ് അംഗങ്ങളും മാത്രമേ വേദിയിലുണ്ടാകാവൂ എന്നാണ് പ്രോട്ടോക്കോള് എന്ന് ലോക്ഭവന് വ്യക്തമാക്കുമ്പോഴും, മറ്റ് സംസ്ഥാനങ്ങളില് ഇതേ ഗവര്ണര്മാരും കേന്ദ്ര സര്ക്കാരും സ്വീകരിക്കുന്ന ലളിതമായ സമീപനമാണ് ഇവിടെ ചോദ്യം ചെയ്യപ്പെടുന്നത്.
അയല്സംസ്ഥാനമായ തമിഴ്നാട്ടില് നടന് വിജയ്യുടെ പാര്ട്ടി അധികാരത്തിലേറിയപ്പോഴത്തെ സത്യപ്രതിജ്ഞാ ചടങ്ങില് രാഹുല് ഗാന്ധി ഉള്പ്പെടെയുള്ള പ്രമുഖ നേതാക്കള്ക്ക് വേദിയില് തന്നെയായിരുന്നു ഇരിപ്പിടം നല്കിയിരുന്നത്. അവിടെയില്ലാത്ത എന്ത് പ്രത്യേക പ്രോട്ടോക്കോളാണ് കേരളത്തില് മാത്രമായി ലോക്ഭവന് നടപ്പിലാക്കാന് ശ്രമിക്കുന്നത് എന്ന ചോദ്യം ശക്തമാണ്. ദേശീയതലത്തിലെ മറ്റ് ഉദാഹരണങ്ങള് പരിശോധിച്ചാലും ഈ പ്രോട്ടോക്കോള് വാദങ്ങള് നിലനില്ക്കുന്നതല്ലെന്ന് വ്യക്തമാകും. പശ്ചിമ ബംഗാളില് നടന്ന സത്യപ്രതിജ്ഞാ ചടങ്ങുകളില് പ്രധാനമന്ത്രിയും കേന്ദ്രമന്ത്രിമാരും എന്തിന് ആര്.എസ്.എസ് നേതാക്കള് വരെ ഔദ്യോഗിക വേദി പങ്കിട്ട ചരിത്രമുണ്ട്.
സുവേന്ദു അധികാരിയുടെ സത്യപ്രതിജ്ഞാ ചടങ്ങ് വേദിയില് പലരുമുണ്ടായിരുന്നു. ലോക്സഭാ പ്രതിപക്ഷ നേതാവ് എന്ന പദവിക്ക് ക്യാബിനറ്റ് മന്ത്രിയുടെ പദവി വലിപ്പമുണ്ടെന്നിരിക്കെ, രാഹുല് ഗാന്ധിയെപ്പോലൊരു നേതാവിന് വേദിയില് ഇരിപ്പിടം നല്കാതിരിക്കുന്നത് രാഷ്ട്രീയമായ വിവേചനമാണെന്ന വിലയിരുത്തലിലാണ് യു.ഡി.എഫ് നേതൃത്വം. എല്ലാ സംസ്ഥാനങ്ങളിലും ഗവര്ണര്മാര് ഒരേ ഭരണഘടനാ നയമല്ലേ സ്വീകരിക്കേണ്ടതെന്ന ചോദ്യമാണ് രാഷ്ട്രീയ നിരീക്ഷകരും ഉയര്ത്തുന്നത്.
പുതിയ യു.ഡി.എഫ് സര്ക്കാര് അധികാരമേറ്റ് ഭരണം തുടങ്ങും മുന്പ് തന്നെ മുഖ്യമന്ത്രിയും ലോക്ഭവനും തമ്മിലുള്ള ഒരു പോരിന് ഈ സംഭവം വഴിവെക്കുമോ എന്ന ആശങ്കയും ശക്തമാണ്. കഴിഞ്ഞ എല്.ഡി.എഫ് സര്ക്കാരിന്റെ കാലത്ത് ഗവര്ണര്-സര്ക്കാര് പോര് ഭരണത്തെത്തന്നെ പലപ്പോഴും പ്രതിസന്ധിയിലാക്കിയിരുന്നു. ഭരണമാറ്റമുണ്ടായിട്ടും ലോക്ഭവന്റെ കടുംപിടിത്തങ്ങള്ക്ക് അയവില്ലെന്ന സൂചനയാണ് പ്രോട്ടോക്കോളിന്റെ പേരിലുള്ള ഈ കടുംപിടിത്തം നല്കുന്നത്.
പുതിയ മുഖ്യമന്ത്രിയും ഗവര്ണറും തമ്മിലുള്ള ബന്ധം തുടക്കത്തിലേ വഷളാക്കാന് ഇത്തരം പ്രകോപനപരമായ നിലപാടുകള് കാരണമാകുമെന്നതില് സംശയമില്ല. മതിയായ രാഷ്ട്രീയ പരിഗണനയും ബഹുമാനവും കോണ്ഗ്രസിന്റെ ദേശീയ-സംസ്ഥാന നേതാക്കള്ക്ക് ചടങ്ങില് ഉറപ്പാക്കണമായിരുന്നു എന്ന വികാരം അണികളില് ശക്തമാണ്.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
ശബരിമല സ്വര്ണ്ണക്കൊളളക്കേസില് ജോണ് ബ്രിട്ടാസിനെതിരെ എസ്ഐടി അന്വേഷണം വേണമെന്ന് അടൂര് പ്രകാശ്; പോറ്റിയും ബ്രിട്ടാസും തമ്മിലെന്ത്? ഫോണ് രേഖകള് പരിശോധിക്കണം
