വിജ്ഞാപനത്തിന് കാത്തുനിന്നില്ല; അതിവേഗം ആക്ഷനിലേക്ക് കടന്ന് വ്യവസായ മന്ത്രി പി.കെ. കുഞ്ഞാലിക്കുട്ടി

തിരുവനന്തപുരം: വ്യവസായ വകുപ്പ് ഗവർണറുടെ വിജ്ഞാപനത്തിലൂടെ ഔദ്യോഗികമായി ലഭിചിട്ടില്ലെങ്കിലും മറ്റുള്ള മന്ത്രിമാരെ ഒരു കാതം പിന്നിലാക്കി കർമ്മപഥത്തിൽ മന്ത്രി പി കെ കുഞ്ഞാലിക്കുട്ടി.

Also Read “ഞങ്ങളുണ്ടെന്ന് അന്നേ പറഞ്ഞതല്ലേ…” : വിജയത്തിൽ ആഹ്ലാദം പ്രകടിപ്പിച്ച് വി.ഡി സതീശൻ

വ്യവസായ- വാണിജ്യ വകുപ്പിന് കീഴിലുള്ള വിവിധ സ്ഥാപനങ്ങളുടെ അവലോകനയോഗം കേരള സ്റ്റേറ്റ് ഇൻഡസ്ട്രിയൽ ഡെവലപ്മെന്റ് കോർപ്പറേഷൻ (കെ എസ് ഐ ഡി സി)യിൽ ഇന്ന് വിളിച്ചുചേർത്താണ് കുഞ്ഞാലിക്കുട്ടി മന്ത്രി എന്ന നിലയിലുള്ള പ്രവർത്തനങ്ങൾക്ക് അതിവേഗം തുടക്കം കുറിച്ചിരിക്കുന്നത്.

മന്ത്രിയുടെ അധ്യക്ഷതയിൽ ചേർന്ന അവലോകന യോഗത്തിൽ സ്ഥാപനങ്ങളുടെ നിലവിലെ പ്രവർത്തനങ്ങളും പുരോഗതിയും ചർച്ച ചെയ്തു. വ്യവസായ വകുപ്പ് അഡിഷണൽ ചീഫ് സെക്രട്ടറി എ പി എം മുഹമ്മദ് ഹനീഷ് മന്ത്രിയെ കെ എസ് ഐ ഡി സി കവാടത്തിൽ സ്വീകരിച്ചു. വിവിധ സ്ഥാപനങ്ങളുടെ മേധാവിമാരും ഉയർന്ന ഉദ്യോഗസ്ഥരും യോഗത്തിൽ പങ്കെടുത്തു.

You May Also Like നിയമസഭാ തിരഞ്ഞെടുപ്പ് 28ന് ശേഷം പ്രഖ്യാപിക്കും : ഉദ്യോഗസ്ഥരെ സ്ഥലംമാറ്റാൻ നിർദേശം നൽകി കേന്ദ്ര തിരഞ്ഞെടുപ്പ് കമ്മിഷൻ