ഇസ്ലാമാബാദ്: ഭീകരാക്രമണങ്ങൾക്ക് മറുപടിയായി അഫ്ഗാനിസ്ഥാൻ അതിർത്തിക്കുള്ളിലെ ഭീകരതാവളങ്ങൾ ലക്ഷ്യം വച്ച് പാകിസ്ഥാൻ ശക്തമായ വ്യോമാക്രമണം നടത്തി. ഇന്ന് പുലർച്ചയോടെയായിരുന്നു പാകിസ്ഥാൻ സൈന്യത്തിന്റെ അപ്രതീക്ഷിത നീക്കം. തെഹ്രീക് താലിബാൻ പാകിസ്ഥാൻ (TTP), ഇസ്ലാമിക് സ്റ്റേറ്റ് തുടങ്ങിയ സംഘടനകളുടെ ഏഴോളം താവളങ്ങൾ തകർത്തതായി പാകിസ്ഥാൻ ഇൻഫർമേഷൻ മന്ത്രി അതൗല്ല തരാർ എക്സിലൂടെ (X) അറിയിച്ചു. കൃത്യമായ ഇന്റലിജൻസ് വിവരങ്ങളുടെ അടിസ്ഥാനത്തിൽ നടത്തിയ ഓപ്പറേഷൻ എന്നാണ് പാകിസ്ഥാൻ ഇതിനെ വിശേഷിപ്പിച്ചത്.
അഞ്ചുവര്ഷത്തെ ഏകാന്ത തടവിനുശേഷം ഓങ് സാന് സൂ ചി വീട്ടുതടങ്കലിലേക്ക്; ശിക്ഷയില് ഇളവ് നല്കി മ്യാന്മര് സൈന്യം; നീക്കം അന്താരാഷ്ട്ര സമ്മര്ദ്ദത്തെത്തുടര്ന്ന്
അഫ്ഗാനിസ്ഥാനിലെ പക്തിക, നംഗർഹാർ പ്രവിശ്യകളിലാണ് പ്രധാനമായും ആക്രമണം നടന്നതെന്ന് ടോളോ ന്യൂസ് റിപ്പോർട്ട് ചെയ്യുന്നു. പക്തികയിലെ ബെർമൽ ജില്ലയിലെ മതപഠന കേന്ദ്രത്തിന് നേരെയും നംഗർഹാറിലെ വിവിധ ഇടങ്ങളിലും പാക് യുദ്ധവിമാനങ്ങൾ ബോംബ് വർഷിച്ചു. പാകിസ്ഥാനിലെ സൈനികരെയും ജനവാസ മേഖലകളെയും ലക്ഷ്യമിട്ട് നടക്കുന്ന ഭീകരവാദത്തിന്റെ ഉറവിടം അഫ്ഗാൻ മണ്ണാണെന്ന ഉറച്ച നിലപാടിലാണ് പാകിസ്ഥാൻ. രാജ്യസുരക്ഷയെ ബാധിക്കുന്ന ഒന്നിനെയും വെച്ചുപൊറുപ്പിക്കില്ലെന്ന ശക്തമായ മുന്നറിയിപ്പാണ് ഈ സൈനിക നീക്കത്തിലൂടെ പാകിസ്ഥാൻ നൽകുന്നത്.
പാകിസ്ഥാന്റെ ഈ ഏകപക്ഷീയമായ ആക്രമണം ഇരുരാജ്യങ്ങളും തമ്മിലുള്ള നയതന്ത്ര ബന്ധം കൂടുതൽ വഷളാക്കാൻ സാധ്യതയുണ്ടെന്നാണ് അന്താരാഷ്ട്ര നിരീക്ഷകർ വിലയിരുത്തുന്നത്. അതിർത്തി ലംഘിച്ചുള്ള വ്യോമാക്രമണത്തോട് അഫ്ഗാൻ ഭരണകൂടം എങ്ങനെ പ്രതികരിക്കുമെന്നത് നിർണ്ണായകമാണ്. നേരത്തെ തന്നെ അതിർത്തി കടന്നുള്ള ഭീകരവാദത്തെച്ചൊല്ലി ഇരുരാജ്യങ്ങളും തമ്മിൽ തർക്കങ്ങൾ നിലനിന്നിരുന്നു. സൈനിക നീക്കം നടന്ന മേഖലകളിൽ എത്രത്തോളം നാശനഷ്ടങ്ങൾ സംഭവിച്ചു എന്നതിനെക്കുറിച്ച് ഔദ്യോഗിക സ്ഥിരീകരണങ്ങൾ വന്നാലേ കൂടുതൽ കൃത്യത ലഭിക്കൂ.
ഇസ്രയേലിൽ മോദിക്ക് നെതന്യാഹുവിന്റെ സർപ്രൈസ്; അത്താഴ വിരുന്നിന് ഇന്ത്യൻ വേഷമണിഞ്ഞ് ഇസ്രയേൽ പ്രധാനമന്ത്രി
