ന്യൂഡൽഹി: കൊൽക്കത്ത ആക്രമിക്കുമെന്ന പാകിസ്ഥാൻ പ്രതിരോധ മന്ത്രി ഖ്വാജ ആസിഫിന്റെ പ്രകോപനപരമായ പ്രസ്താവനയ്ക്ക് അക്കമിട്ട് മറുപടി നൽകി ഇന്ത്യൻ പ്രതിരോധ മന്ത്രി രാജ്നാഥ് സിങ്. അഞ്ച് പതിറ്റാണ്ട് മുൻപ് പാകിസ്ഥാൻ വിഭജിക്കപ്പെട്ട ചരിത്രം ഓർമ്മിപ്പിച്ചായിരുന്നു രാജ്നാഥ് സിങ്ങിന്റെ കടന്നാക്രമണം. അതിർത്തിയിൽ സംഘർഷം വർദ്ധിപ്പിക്കുന്ന തരത്തിലുള്ള പ്രസ്താവനകൾ പാകിസ്ഥാന് തന്നെ വിനയാകുമെന്ന് അദ്ദേഹം മുന്നറിയിപ്പ് നൽകി.
കഴിഞ്ഞ ശനിയാഴ്ചയാണ് ഇന്ത്യ എന്തെങ്കിലും സൈനിക നീക്കം നടത്തിയാൽ കൊൽക്കത്തയെ ലക്ഷ്യം വെക്കുമെന്ന് ഖ്വാജ ആസിഫ് ഭീഷണിപ്പെടുത്തിയത്. ഇതിന് മറുപടിയായി, 1971-ൽ ബംഗ്ലാദേശ് രൂപീകരണത്തിലേക്ക് നയിച്ച പാക് വിഭജനത്തെ രാജ്നാഥ് സിങ് എടുത്തുപറഞ്ഞു.
“പാകിസ്ഥാൻ പ്രതിരോധ മന്ത്രി ഇത്തരം പ്രകോപനപരമായ പ്രസ്താവനകൾ നടത്തരുതായിരുന്നു. അമ്പത്തിയഞ്ച് വർഷങ്ങൾക്ക് മുൻപ് പാകിസ്ഥാൻ രണ്ട് ഭാഗങ്ങളായി വിഭജിക്കപ്പെട്ടപ്പോൾ അതിന്റെ അനന്തരഫലം അവർ അനുഭവിച്ചതാണ്. ഇനിയും ബംഗാളിനെതിരെ കണ്ണെറിഞ്ഞാൽ, ഇത്തവണ പാകിസ്ഥാൻ എത്ര ഭാഗങ്ങളായി വിഭജിക്കപ്പെടുമെന്ന് ഈശ്വരന് മാത്രമേ അറിയൂ.”
ഇന്ത്യയുടെ ആഭ്യന്തര കാര്യങ്ങളിലും നഗരങ്ങളിലും ഭീഷണി മുഴക്കുന്ന പാക് നടപടിക്കെതിരെ രാജ്യാന്തര തലത്തിലും ഇന്ത്യ പ്രതിഷേധം അറിയിച്ചിട്ടുണ്ട്. വോട്ടെടുപ്പിന് തൊട്ടുമുമ്പ് പ്രതിരോധ മന്ത്രി നടത്തിയ ഈ പ്രസ്താവന ദേശീയ രാഷ്ട്രീയത്തിലും വലിയ ചർച്ചയായിരിക്കുകയാണ്. ഇന്ത്യയുടെ പരമാധികാരത്തിന് നേരെ ഉയരുന്ന ഏത് ഭീഷണിയെയും സൈനികമായും രാഷ്ട്രീയമായും നേരിടുമെന്ന ഉറച്ച സന്ദേശമാണ് ഇതിലൂടെ കേന്ദ്ര സർക്കാർ നൽകുന്നത്.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
മമതയെ കൈവിട്ട് ജനം : പശ്ചിമ ബംഗാൾ എൻ.ഡി.എക്കൊപ്പം
