തിരുവനന്തപുരം: ജനങ്ങളെ വെല്ലുവിളിച്ച് വൈദ്യുതി നിയന്ത്രണം തുടര്ന്നാല് യു.ഡി.എഫ് ശക്തമായ പ്രക്ഷോഭം സംഘടിപ്പിക്കു എന്ന് പ്രതിപക്ഷ നേതാവ് വി ഡി സതീശൻ. അപ്രഖ്യാപിത ലോഡ് ഷെഡിംഗ് ഉടന് പിന്വലിക്കണമെന്ന് അദ്ദേഹം ആവശ്യപ്പെട്ടു.
“ആറ്റുകാലമ്മ തിരഞ്ഞെടുപ്പിൽ മത്സരിക്കുന്നുണ്ടോ?” അനധികൃത ഫ്ലക്സ് ബോർഡുകൾക്കെതിരെ ഹൈക്കോടതിയുടെ രൂക്ഷവിമർശനം; ഭക്തരുടെ പേരിൽ നടക്കുന്നത് എന്ത്?
കൊടുംചൂടിനിടെ രാത്രികാലങ്ങളില് ഉള്പ്പെടെ സംസ്ഥാനത്ത് അപ്രഖ്യാപിത ലോഡ് ഷെഡ്ഡിങും വൈദ്യുതി നിയന്ത്രണവും ഏര്പ്പെടുത്തിയത് ജനങ്ങളോടുള്ള വെല്ലുവിളിയാണെന്ന് പ്രതിപക്ഷ നേതാവ് കുറ്റപ്പെടുത്തി. ഇതാണോ പിണറായി വിജയനും മന്ത്രിമാരും മുതല് സൈബര് പോരാളികള് വരെ തെരഞ്ഞെടുപ്പ് കാലത്ത് കെട്ടിപ്പൊക്കിയ പവര്കട്ട് ഇല്ലാത്ത പത്ത് വര്ഷമെന്ന പെരും നുണയെന്ന് തന്റെ ഫേസ്ബുക്ക് പേജിൽ പ്രതിപക്ഷ നേതാവ് ചോദിച്ചു. വൈദ്യുതി ബില്ലിനെ പോലും തെരഞ്ഞെടുപ്പ് പ്രചരണത്തിന് ഉപയോഗിച്ചവരാണ് ഇപ്പോള് നിസഹായരായി നോക്കി നില്ക്കുന്നതെന്ന് പ്രതിപക്ഷ നേതാവ് പറഞ്ഞു.
അഴിമതി ലക്ഷ്യമിട്ട് സര്ക്കാരിലെയും വൈദ്യുതി ബോര്ഡിലെയും റെഗുലേറ്ററി കമ്മിഷനിലെയും ഉന്നതര് നടത്തിയ വഴിവിട്ട നീക്കങ്ങളാണ് വൈദ്യുതി പ്രതിസന്ധിയിലേക്ക് കേരളത്തെ എത്തിച്ചത്. ഉമ്മന് ചാണ്ടി സര്ക്കാരിന്റെ കാലത്ത് കുറഞ്ഞവിലയ്ക്ക് ദീര്ഘകാലത്തേക്ക് വൈദ്യുതി വാങ്ങാനുള്ള കരാര് ഒപ്പിട്ടിരുന്നു. 465 മെഗാവാട്ട് വൈദ്യുതി യൂണിറ്റിന് ശരാശരി നാലുരൂപ 29 പൈസയ്ക്ക് വാങ്ങാനുള്ള കരാറാണ് അഴിമതി മാത്രം ലക്ഷ്യമിട്ട് പിണറായി സര്ക്കാര് റദ്ദാക്കിയതെന്ന് വി ഡി സതീശൻ കുറ്റപ്പെടുത്തി.
സംസ്കൃത സർവകലാശാല വിസിയെ പുറത്താക്കി ഗവർണർ; സിസാ തോമസിന് അധിക ചുമതല
കെ എസ് ഇ ബി 4 രൂപ 29 പൈസക്ക് വാങ്ങിയിരുന്ന വൈദ്യുതി രണ്ടു വര്ഷം മുന്പ് കരാര് റദ്ദാക്കിയതിനു ശേഷം 6 മുതല് 12 രൂപ വരെ നല്കിയാണ് വാങ്ങിയത്. ഇതിലൂടെ ദിവസേന 15 മുതല് 20 കോടി രൂപയുടെ നഷ്ടമാണ് ഈ സര്ക്കാര് വൈദ്യുതി ബോര്ഡിന് ഉണ്ടാക്കിയതെന്ന് പ്രതിപക്ഷ നേതാവ് ചൂണ്ടിക്കാട്ടി. കരാര് അട്ടിമറിച്ചതില് സി.പി.എം നേതൃത്വത്തിന്റെ ഇടപെടലുണ്ടെന്നും സര്ക്കാര് പറയുന്നത് എന്തും ചെയ്യുന്നവരാണ് റെഗുലേറ്ററി കമ്മിഷനെന്നും സതീശൻ കുറ്റപ്പെടുത്തി. കരാര് റദ്ദാക്കിയതിനു പിന്നില് ഏതൊക്കെ ഗൂഢാലോചനകളാണ് നടന്നതെന്ന് അവസാന കാലത്തെങ്കിലും ബന്ധപ്പെട്ടവര് വ്യക്തമാക്കണമെന്ന് അദ്ദേഹം ആവശ്യപ്പെട്ടു.
