തിരുവനന്തപുരം: ലഹരിക്കെതിരെ അക്ഷരാർത്ഥത്തിൽ കൊടുങ്കാറ്റായി ഓപ്പറേഷന് തൂഫാന്. ഓപ്പറേഷന് തൂഫാന്റെ ഭാഗമായി നടത്തിയ റെയ്ഡുകളിൽ ഇതുവരെ പിടിച്ചെടുത്തത് 10 കോടിയിലധികം രൂപയുടെ ലഹരിവസ്തുക്കള്. ലഹരിക്കെതിരായ നിരന്തര പോരാട്ടം ശക്തമാക്കുന്നതിനും എന്ഫോഴ്സ്മെന്റ് നടപടികള് വിപുലീകരിക്കുന്നതിനുമായി കേന്ദ്ര-സംസ്ഥാന ഏജന്സികളുമായി കൈകോര്ത്തുകൊണ്ട് മള്ട്ടി ഡിജിറ്റല് ഇന്റഗ്രേഷന് പ്രോജക്ട് നടപ്പാക്കുമെന്ന് ആഭ്യന്തര മന്ത്രി രമേശ് ചെന്നിത്തല അറിയിച്ചു.
തൂഫാന് വാരിയറായി പ്രവര്ത്തിക്കാന് നടന് മോഹന്ലാല് സന്നദ്ധത അറിയിച്ചിട്ടുണ്ട്. അദ്ദേഹത്തെ കൂടാതെ നിരവധി സിനിമാ താരങ്ങളും ലഹരിക്കെതിരെ അണിനിരക്കാന് സ്വയം സന്നദ്ധരായി മുന്നോട്ടുവന്നിട്ടുണ്ട്. തൂഫാന് വാരിയേഴ്സ് ആയി എല്ലാവരും മുന്നോട്ടുവരണമെന്ന് ആഭ്യന്തരമന്ത്രി അഭ്യര്ത്ഥിച്ചു. കേന്ദ്ര ഏജന്സികളെ പങ്കെടുപ്പിച്ചുകൊണ്ട് പോലീസ് ആസ്ഥാനത്ത് നടത്തിയ ഇന്റര് ഏജന്സി കോഓര്ഡിനേഷന് യോഗത്തിനുശേഷം വാര്ത്താസമ്മേളനത്തില് സംസാരിക്കുകയായിരുന്നു ആഭ്യന്തര മന്ത്രി. ഓപ്പറേഷന് തൂഫാന് പദ്ധതി തുടങ്ങി 14 ദിവസം പിന്നിടുമ്പോള് ആകെ 2575 കേസുകളാണ് രജിസ്റ്റര് ചെയ്തിട്ടുള്ളത്. 2778 പേർ അറസ്റ്റിലായി.
ഇന്റര് ഏജന്സി കോഓര്ഡിനേഷന് യോഗത്തില് ആഭ്യന്തര വകുപ്പുമന്ത്രിക്ക് പുറമേ സംസ്ഥാന പോലീസ് മേധാവി റവാഡ ആസാദ് ചന്ദ്ര ശേഖര്, ആഭ്യന്തര വകുപ്പ് ഉപദേഷ്ടാവും റമുൻ ഡി.ജി.പിയുമായ എ.ഹേമചന്ദ്രന് പോലീസ് ആസ്ഥാനത്തെ ഉന്നത ഉദ്യോഗസ്ഥര്, കസ്റ്റംസ്, കോസ്റ്റ് ഗാര്ഡ്, നാര്ക്കോട്ടിക്സ് കണ്ട്രോള് ബ്യൂറോ, റവന്യൂ ഇന്റലിജന്സ്, കോസ്റ്റല് പോലീസ്, സംസ്ഥാന ഇന്റലിജന്സ്, കേരള എക്സൈസ്, സെന്ട്രല് ഇന്ഡസ്ട്രിയല് സെക്യൂരിറ്റി ഫോഴ്സ്, റെയില്വേ പ്രൊട്ടക്ഷന് ഫോഴ്സ്, നാഷണല് ടെക്നിക്കല് റിസര്ച്ച് ഓര്ഗനൈസേഷന്, എസ്.ഐ.ബി, ഡി.ആര്.ഐ, എഫ്.ആര്.ആര്.ഒ തുടങ്ങിയ വകുപ്പുകളില് നിന്നുള്ള ഉന്നത ഉദ്യോഗസ്ഥരും സംസാരിച്ചു.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
വായനക്കാരുടെ അഭിപ്രായങ്ങള് അവരുടേത് മാത്രമാണ്, വയർലെസ്സ് മീഡിയയുടെ അല്ല.
ഇവിടെ കുറിക്കുന്ന പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക.
സമൂഹത്തിൽ ഭിന്നതയോ സ്പർധയോ വളർത്തുന്നതോ, അധിക്ഷേപമാകുന്നതോ,
അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്.
അത്തരം പ്രതികരണങ്ങൾ നിയമനടപടി നേരിടേണ്ടി വരും.
അതേ, ഞാന് അവതാരം തന്നെയാണ്, ദുഷ്ടശക്തികളെ നിഗ്രഹിക്കാന് നിയോഗിക്കപ്പെട്ടവള്’; കോണ്ഗ്രസ് സൈബര് ആക്രമണങ്ങള്ക്ക് മറുപടിയുമായി റിനി ആന് ജോര്ജ്
