തിരുവനന്തപുരം: തിരുവനന്തപുരം മംഗലപുരത്തെ പുതിയ ക്രിക്കറ്റ് സ്റ്റേഡിയത്തിന്റെ ഉദ്ഘാടനവും ഇന്ത്യൻ ക്രിക്കറ്റ് താരം സഞ്ജു സാംസണ് നൽകുന്ന ആദരവും ഒത്തുചേർന്ന് കേരള ക്രിക്കറ്റ് ചരിത്രത്തിലെ സുവർണ്ണ അധ്യായത്തിന് ഇന്ന് തുടക്കമായി. ഐസിസി ടി20 ലോകകപ്പിൽ ഇന്ത്യ കൈവരിച്ച ഐതിഹാസിക വിജയത്തിൽ നിർണ്ണായക പങ്കുവഹിച്ച സഞ്ജു സാംസണെ കേരളത്തിന്റെ മണ്ണിൽ വെച്ച് സമുചിതമായി ആദരിക്കുന്നത് കാണാൻ ആയിരക്കണക്കിന് കായിക പ്രേമികളാണ് മംഗലപുരം ക്രിക്കറ്റ് ഗ്രൗണ്ടിലേക്ക് ഒഴുകിയെത്തിയത്.
തിരുവനന്തപുരം ലോ കോളജിലെ സ്തൂപം ഉദ്ഘാടനം ഹൈക്കോടതി തടഞ്ഞു;കോടതി സ്റ്റേ ചെയ്തത് സി.പി.എം സംസ്ഥാന സെക്രട്ടറി എം.വി. ഗോവിന്ദന് അനാവരണം ചെയ്യാനിരുന്ന സ്തൂപത്തിന്
ഈ ചരിത്ര മുഹൂർത്തത്തിൽ കേരളത്തിന്റെ കായിക സ്വപ്നങ്ങൾക്ക് ചിറകുനൽകുന്ന മംഗലപുരം ക്രിക്കറ്റ് ഗ്രൗണ്ട് ബഹുമാനപ്പെട്ട കേരള മുഖ്യമന്ത്രി ശ്രീ പിണറായി വിജയൻ കായിക കേരളത്തിന് സമർപ്പിച്ചു. “സഞ്ജുവിനെപ്പോലെയുള്ള പ്രതിഭകളെ ലോകവേദികളിലേക്ക് ഉയർത്തിക്കൊണ്ടുവരാൻ അത്യാധുനിക സൗകര്യങ്ങളുള്ള ഈ സ്റ്റേഡിയം സഹായിക്കുമെന്ന്” ഉദ്ഘാടന പ്രസംഗത്തിൽ മുഖ്യമന്ത്രി പറഞ്ഞു. തിരുവനന്തപുരം നഗരത്തിന് ഒരു കായിക കേന്ദ്രം കൂടി കൈവന്നതിനൊപ്പം, ലോകവേദിയിൽ ഇന്ത്യയുടെ യശസ്സുയർത്തിയ സഞ്ജുവിനെ സ്വന്തം മണ്ണിൽ ആദരിക്കുന്നത് ഓരോ മലയാളിക്കും സന്തോഷനിമിഷംമാണിത്.
കേരള ക്രിക്കറ്റ് അസോസിയേഷന്റെ (KCA) നേതൃത്വത്തിൽ നടന്ന ഈ ചടങ്ങിൽ സഞ്ജുവിന്റെ നേട്ടങ്ങളെയും കേരളത്തിലെ വളർന്നുവരുന്ന ക്രിക്കറ്റ് താരങ്ങൾക്ക് അദ്ദേഹം നൽകുന്ന പ്രചോദനത്തെയും മുഖ്യമന്ത്രി പ്രകീർത്തിച്ചു.
നവവധുവായ യുവതി ഭർതൃവീട്ടിൽ ജീവനൊടുക്കി ; മരണത്തിൽ ആസ്വാഭാവികത ആരോപിച്ച് കുടുംബം
