ഭുവനേശ്വർ : ഇന്ത്യയുടെ പ്രതിരോധ മേഖലയുടെ ശക്തി ലോകത്തിന് മുന്നിൽ വെളിവാക്കി ഹ്രസ്വദൂര ബാലിസ്റ്റിക് മിസൈലായ ‘അഗ്നി-1’ (Agni-1) വിജയകരമായി പരീക്ഷണം നടത്തി രാജ്യം. വെള്ളിയാഴ്ച ഒഡീഷയിലെ ചാന്ദിപൂരിലുള്ള ഇന്റഗ്രേറ്റഡ് ടെസ്റ്റ് റേഞ്ചിൽ നിന്നായിരുന്നു മിസൈൽ വിക്ഷേപിച്ചതെന്നാണ് കേന്ദ്ര പ്രതിരോധ മന്ത്രാലയം അറിയിച്ചത് . സൈനിക കമാൻഡായ ‘സ്ട്രാറ്റജിക് ഫോഴ്സസ് കമാൻഡിന്റെ’ മേൽനോട്ടത്തിലായിരുന്നു വിക്ഷേപണം.
പരീക്ഷാ നടത്തിപ്പിലെ വീഴ്ച്ച ; ചെയർമാനേയും, സെക്രട്ടറിയെയും മാറ്റി സി.ബി.എസ്.ഇ
മിസൈലിന്റെ പ്രവർത്തനപരവും സാങ്കേതികവുമായ എല്ലാ വശങ്ങളും പരീക്ഷണത്തിലൂടെ കൃത്യമായി വിലയിരുത്താനും ഉറപ്പുവരുത്താനും സാധിച്ചതായി അധികൃതർ കൂട്ടിച്ചേർത്തു . രാജ്യത്തിന്റെ പ്രതിരോധ ശേഷിയും സമാധാനാന്തരീക്ഷം നിലനിർത്താനുള്ള സജ്ജതയും വീണ്ടും തെളിയിക്കാൻ ഉതകുന്നതാണ് ഇപ്പോഴത്തെ ഈ വിക്ഷേപണം.
ഉപരിതലത്തിൽ നിന്ന് ഉപരിതലത്തിലേക്ക് തൊടുക്കാവുന്ന അഗ്നി-1 മിസൈൽ ശത്രുലക്ഷ്യങ്ങളെ കൃത്യതയോടെ തകർക്കാൻ ശേഷിയുള്ളതാണ്. ഈ മാസമാദ്യം ഇന്ത്യ ഒന്നിലധികം ലക്ഷ്യങ്ങളെ ഒരേസമയം തകർക്കാൻ ശേഷിയുള്ള അത്യാധുനിക ‘എംഐആർവി’ (MIRV) സാങ്കേതിക വിദ്യയോട് കൂടിയ ദീർഘദൂര അഗ്നി മിസൈലും വിജയകരമായി പരീക്ഷിച്ചിരുന്നു.
മോഡലിംഗിന്റെ മറവിൽ പെൺവാണിഭം നടത്തിയെന്ന കേസ് ; അന്വേഷണം ഡി.സി.പി അശ്വതി ജിജിയുടെ നേതൃത്വത്തിലുള്ള സംഘത്തിന്
ഇതിന് പിന്നാലെയാണ് അഗ്നി-1 മിസൈലിന്റെ പരീക്ഷണവും പൂർത്തിയായിരിക്കുന്നത്. അഗ്നി 1 മുതൽ 4 വരെയുള്ള മിസൈലുകൾക്ക് 700 കിലോമീറ്റർ മുതൽ 3,500 കിലോമീറ്റർ വരെ ദൂരപരിധിയുണ്ട്, അവ ഇതിനകം വിന്യാസം നടത്തിയിട്ടുണ്ട്. മിസൈൽ വിജയകരമായി പരീക്ഷിച്ച ഡിആർഡിഒ, ഇന്ത്യൻ സൈന്യം, മറ്റ് സാങ്കേതിക വിദഗ്ദ്ധർ എന്നിവർക്ക് പ്രതിരോധ മന്ത്രി രാജ്നാഥ് സിംഗ് അഭിനന്ദനമറിയിച്ചു.
