തിരുവനന്തപുരം: കേരളത്തില് കാലവര്ഷത്തിന് മുന്നോടിയായുള്ള മഴ ശക്തമാകുന്നു. മെയ് 14, 15 തീയതികളില് സംസ്ഥാനത്തെ വിവിധയിടങ്ങളില് ഒറ്റപ്പെട്ട ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് നല്കി. നിലവിലെ അന്തരീക്ഷ സാഹചര്യങ്ങള് കണക്കിലെടുത്ത് വരും ദിവസങ്ങളില് മഴയുടെ തീവ്രത വര്ധിക്കാന് സാധ്യതയുള്ളതിനാല് ജനങ്ങള് ജാഗ്രത പാലിക്കണമെന്ന് അധികൃതര് നിര്ദ്ദേശിച്ചു.
അടുത്ത അഞ്ച് ദിവസങ്ങളില് കേരളത്തിലും മാഹിയിലും ഇടിമിന്നലോടു കൂടിയ മഴയ്ക്കും ശക്തമായ കാറ്റിനും സാധ്യതയുണ്ട്. ഉച്ചയ്ക്ക് ശേഷമുള്ള സമയങ്ങളില് ഇടിമിന്നല് സജീവമാകാന് സാധ്യതയുള്ളതിനാല് പൊതുജനങ്ങള് മുന്കരുതല് എടുക്കണം. തെക്കുപടിഞ്ഞാറന് ബംഗാള് ഉള്ക്കടലില് രൂപപ്പെട്ട ന്യൂനമര്ദം അടുത്ത 48 മണിക്കൂറിനുള്ളില് കൂടുതല് ശക്തിപ്രാപിക്കുമെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ വിലയിരുത്തല്.
ബംഗാള് ഉള്ക്കടലിലെ ന്യൂനമര്ദത്തിന് പുറമെ അറബിക്കടലിലെ മാറ്റങ്ങളും കേരളത്തിലെ കാലാവസ്ഥയെ സ്വാധീനിക്കുന്നുണ്ട്. തെക്കുകിഴക്കന് അറബിക്കടലിനും കേരള തീരത്തോടു ചേര്ന്നുള്ള ലക്ഷദ്വീപിനും മുകളിലായി ഒരു ചക്രവാതച്ചുഴി നിലനില്ക്കുന്നുണ്ട്. ഇത് കേരള തീരത്തേക്ക് കൂടുതല് ഈര്പ്പമുള്ള വായു എത്തുന്നതിന് കാരണമാകുന്നു. ഇതാണ് വരാനിരിക്കുന്ന മഴയുടെ പ്രധാന സ്രോതസ്സായി മാറുന്നത്.
സമുദ്രനിരപ്പില് നിന്ന് 1.5 കിലോമീറ്റര് മുതല് 4.5 കിലോമീറ്റര് വരെ ഉയരത്തില് രൂപപ്പെട്ടിട്ടുള്ള ന്യൂനമര്ദപാത്തിയും കേരളത്തില് മഴ പെയ്യാന് അനുകൂല സാഹചര്യം ഒരുക്കുന്നു. തെക്കുപടിഞ്ഞാറന് ബംഗാള് ഉള്ക്കടലിലെ ന്യൂനമര്ദ കേന്ദ്രം മുതല് തെക്കന് തമിഴ്നാട് വഴി തെക്കന് ലക്ഷദ്വീപ് വരെയാണ് ഈ പാത്തി നീണ്ടുനില്ക്കുന്നത്. ഇതിന്റെ സ്വാധീനഫലമായി മലയോര മേഖലകളില് കൂടുതല് മഴ ലഭിക്കാന് സാധ്യതയുണ്ട്.
ശക്തമായ മഴ പെയ്യാന് സാധ്യതയുള്ള ജില്ലകളില് കേന്ദ്ര കാലാവസ്ഥാ വകുപ്പ് മഞ്ഞ അലര്ട്ട് (ഥലഹഹീം അഹലൃ)േ പ്രഖ്യാപിച്ചിട്ടുണ്ട്. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുന്നതിനെയാണ് ശക്തമായ മഴയായി കണക്കാക്കുന്നത്. താഴ്ന്ന പ്രദേശങ്ങളില് വെള്ളപ്പൊക്കത്തിനും മലയോര മേഖലകളില് ഉരുള്പൊട്ടലിനും സാധ്യതയുള്ളതിനാല് അവിടങ്ങളില് താമസിക്കുന്നവര് അതീവ ജാഗ്രത പാലിക്കണം.
മഴയ്ക്കൊപ്പം മണിക്കൂറില് 30 മുതല് 40 കിലോമീറ്റര് വരെ വേഗതയില് വീശിയേക്കാവുന്ന കാറ്റിനും സാധ്യതയുണ്ടെന്ന് മുന്നറിയിപ്പുണ്ട്. കടല് പ്രക്ഷുബ്ധമാകാന് സാധ്യതയുള്ളതിനാല് കേരള – കര്ണാടക – ലക്ഷദ്വീപ് തീരങ്ങളില് മത്സ്യത്തൊഴിലാളികള് കടലില് പോകരുതെന്ന് അധികൃതര് അറിയിച്ചു. തീരദേശവാസികള് വേലിയേറ്റ സമയങ്ങളില് പ്രത്യേക ജാഗ്രത പുലര്ത്തണം.
ഇടിമിന്നല് സമയത്ത് തുറസ്സായ സ്ഥലങ്ങളില് നില്ക്കുന്നത് ഒഴിവാക്കണമെന്ന് ദുരന്തനിവാരണ അതോറിറ്റി നിര്ദ്ദേശിക്കുന്നു. ഗൃഹോപകരണങ്ങളുടെ വൈദ്യുതി ബന്ധം വിച്ഛേദിക്കാനും മരച്ചുവട്ടില് നില്ക്കുന്നത് ഒഴിവാക്കാനും ശ്രദ്ധിക്കണം. രാത്രികാലങ്ങളില് മലയോര മേഖലകളിലേക്കുള്ള യാത്രകള് പരമാവധി ഒഴിവാക്കുന്നത് അപകടങ്ങള് കുറയ്ക്കാന് സഹായിക്കും.
വേനല്മഴയുടെ ലഭ്യത ഇത്തവണ പല ജില്ലകളിലും സാധാരണയില് കൂടുതലായിട്ടാണ് രേഖപ്പെടുത്തിയിരിക്കുന്നത്. ബംഗാള് ഉള്ക്കടലിലെയും അറബിക്കടലിലെയും ഇരട്ട ന്യൂനമര്ദ സാഹചര്യങ്ങള് കാലവര്ഷത്തിന്റെ വരവിനെ ബാധിക്കുമോ എന്ന കാര്യത്തില് ശാസ്ത്രജ്ഞര് നിരീക്ഷണം തുടരുകയാണ്. എന്നിരുന്നാലും, വരും ദിവസങ്ങളില് മഴ വ്യാപകമാകുമെന്നു തന്നെയാണ് റിപ്പോര്ട്ടുകള് സൂചിപ്പിക്കുന്നത്.
നഗരപ്രദേശങ്ങളില് കനത്ത മഴ പെയ്താല് വെള്ളക്കെട്ട് രൂപപ്പെടാന് സാധ്യതയുള്ളതിനാല് ഓടകളുടെ ശുചീകരണ പ്രവര്ത്തനങ്ങള് വേഗത്തിലാക്കാന് തദ്ദേശ സ്വയംഭരണ സ്ഥാപനങ്ങള്ക്ക് സര്ക്കാര് നിര്ദ്ദേശം നല്കിയിട്ടുണ്ട്. പകര്ച്ചവ്യാധികള് പടരാതിരിക്കാന് ആരോഗ്യ വകുപ്പും മുന്കരുതല് നടപടികള് സ്വീകരിച്ചു വരികയാണ്.
സാഹചര്യങ്ങള് മാറുന്നതിനനുസരിച്ച് കാലാവസ്ഥാ വകുപ്പ് നല്കുന്ന പുതുക്കിയ മുന്നറിയിപ്പുകള് ശ്രദ്ധിക്കണമെന്നും ഔദ്യോഗിക വിവരങ്ങള് മാത്രം വിശ്വസിക്കണമെന്നും ജില്ലാ കളക്ടര്മാര് അറിയിച്ചു. അടിയന്തര സാഹചര്യങ്ങള് നേരിടാന് താലൂക്ക് ഓഫീസുകളിലും വില്ലേജ് ഓഫീസുകളിലും കണ്ട്രോള് റൂമുകള് സജ്ജമാക്കിയിട്ടുണ്ട്.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
മന്ത്രി ഗണേഷ് കുമാറിനെതിരെ രൂക്ഷപരിഹാസവുമായി രാഹുല് മാങ്കൂട്ടത്തില്! ‘കൊട്ടാരക്കരയില് പിങ്ക് പോലീസ് എത്തിയോ?’ മാധ്യമങ്ങള് സെലക്റ്റീവ്
