ദില്ലി: ദില്ലി മദ്യനയ അഴിമതിക്കേസിൽ എഎപി നേതാക്കളും മുൻ മുഖ്യമന്ത്രിയുമായ അരവിന്ദ് കെജ്രിവാളിനും മുൻ ഉപമുഖ്യമന്ത്രി മനീഷ് സിസോദിയയ്ക്കും ആശ്വാസം. ഇരുവരെയും പ്രതിപ്പട്ടികയിൽ നിന്ന് ഒഴിവാക്കാൻ ദില്ലി റോസ് അവന്യൂ സിബിഐ കോടതി ഉത്തരവിട്ടു. സിബിഐ രജിസ്റ്റർ ചെയ്ത കേസിലാണ് കോടതിയുടെ ഈ നിർണ്ണായക നടപടി. കൃത്യമായ തെളിവുകളില്ലാതെ പ്രമുഖ നേതാക്കളെ കേസിൽ ഉൾപ്പെടുത്തിയതിന് സിബിഐയെ കോടതി രൂക്ഷമായി വിമർശിക്കുകയും ചെയ്തു.
ഇന്ഫ്ലുവന്സര്മാര് ഇനി ‘വാര്ത്താ പ്രസാധകര്’; എഐ ഉള്ളടക്കങ്ങള്ക്ക് കര്ശന ലേബല്; പോസ്റ്റുകള് നീക്കം ചെയ്യാന് മിനിറ്റുകള് മാത്രം; ഡിജിറ്റല് ലോകത്ത് പിടിമുറുക്കി കേന്ദ്രത്തിന്റെ പുതിയ നിയമം
മദ്യനയ രൂപീകരണത്തിൽ അഴിമതി നടന്നുവെന്നാരോപിച്ച് വർഷങ്ങളായി നടന്നുവരുന്ന അന്വേഷണത്തിൽ ഇരുവരെയും പ്രതികളാക്കി സിബിഐ കുറ്റപത്രം സമർപ്പിച്ചിരുന്നു. എന്നാൽ, ഇവർക്കെതിരെയുള്ള ആരോപണങ്ങൾ ശരിവെക്കുന്ന തരത്തിലുള്ള തെളിവുകൾ ഹാജരാക്കാൻ അന്വേഷണ ഏജൻസിക്ക് സാധിച്ചില്ലെന്ന് കോടതി നിരീക്ഷിച്ചു. രാഷ്ട്രീയ വൈരാഗ്യത്തിന്റെ ഭാഗമാണോ ഈ നീക്കമെന്ന സംശയം ജനിപ്പിക്കുന്ന തരത്തിലുള്ള അന്വേഷണ രീതിയെ കോടതി ചോദ്യം ചെയ്തു.
ഈ വിധി വരാനിരിക്കുന്ന ദില്ലി തിരഞ്ഞെടുപ്പിൽ ആം ആദ്മി പാർട്ടിക്ക് വലിയ രാഷ്ട്രീയ മുൻതൂക്കം നൽകുമെന്നാണ് വിലയിരുത്തപ്പെടുന്നത്. സത്യം ജയിച്ചുവെന്നായിരുന്നു വിധിയോട് എഎപി നേതൃത്വത്തിന്റെ ആദ്യ പ്രതികരണം.
ഇന്ത്യൻ വ്യോമസേനയുടെ കരുത്തറിയിക്കാൻ ‘വായുശക്തി 2026’;പാകിസ്ഥാനെ വിറപ്പിച്ച റഫാലും തേജസും അണിനിരക്കുന്നു
