ലോസാഞ്ചലസ്: ലോക സിനിമാ ചരിത്രത്തിലെ തന്നെ സുപ്രധാനമായ ഒരു മാറ്റത്തിന് സാക്ഷ്യം വഹിച്ചിരിക്കുകയാണ് 98-ാമത് അക്കാദമി അവാർഡ് വേദി. 2026-ലെ ഓസ്കാർ പുരസ്കാരങ്ങൾ പ്രഖ്യാപിച്ചപ്പോൾ, മികച്ച ഛായാഗ്രഹണത്തിനുള്ള പുരസ്കാരം സ്വന്തമാക്കുന്ന ആദ്യ വനിത എന്ന റെക്കോർഡ് ‘സിന്നേഴ്സ്’ (Sinners) എന്ന ചിത്രത്തിന്റെ ഛായാഗ്രാഹക ഓട്ടം ഡ്യൂറാൾഡ് അർകാപാവ് സ്വന്തമാക്കി.
ഇറാന് യുദ്ധത്തില് താല്ക്കാലിക വെടിനിര്ത്തല്; ആശ്വാസത്തില് ആഗോള വിപണി
ഈ നേട്ടം കൈവരിക്കുന്ന ആദ്യ കറുത്ത വർഗക്കാരി കൂടിയാണ് ഡ്യൂറാൾഡ്. മുൻപ് ‘ബ്ലാക്ക് പാന്തർ: വക്കാൻഡ ഫോറെവർ’ എന്ന ചിത്രത്തിലൂടെ ശ്രദ്ധേയയായ ഇവർ, റയാൻ കൂഗ്ലറുമായുള്ള കൂട്ടുകെട്ടിലൂടെയാണ് ഈ ചരിത്രവിജയം കൈവരിച്ചത്. ഐമാക്സ് 65mm, അൾട്രാ പാനാവിഷൻ എന്നീ സാങ്കേതികവിദ്യകൾ ഉപയോഗിച്ച് ‘സിന്നേഴ്സ്’ എന്ന ചിത്രം ദൃശ്യവൽക്കരിച്ച ആദ്യ വനിതാ ഛായാഗ്രാഹക കൂടിയാണ് ഡ്യൂറാൾഡ്.
2018-ൽ “മഡ്ബൗണ്ട്” എന്ന ചിത്രത്തിനായി റേച്ചൽ മോറിസൺ, 2021-ൽ “ദി പവർ ഓഫ് ദി ഡോഗ്” എന്ന ചിത്രത്തിനായി അരി വെഗ്നർ, 2022-ൽ “എൽവിസ്” എന്ന ചിത്രത്തിനായി മാൻഡി വാക്കർ എന്നിവർക്ക് ശേഷം ഈ വിഭാഗത്തിൽ നാമനിർദ്ദേശം ചെയ്യപ്പെടുന്ന നാലാമത്തെ വനിത മാത്രമായ ഓട്ടം ഡ്യൂറാൾഡ്, തന്റെ പ്രസംഗത്തിൽ തനിക്ക് മുൻപേ നടന്ന എല്ലാ വനിതാ പ്രതിഭകൾക്കും നന്ദി അറിയിക്കുകയും ചെയ്തു.
ട്രംപിന്റെ റിസോർട്ടിൽ പുലർച്ചെ അതിക്രമിച്ചു കയറിയ തോക്കുധാരിയെ വധിച്ചു; വൻ ദുരന്തം ഒഴിവായത് തലനാരിഴയ്ക്ക്?
