വാഷിംഗ്ടൺ: അമേരിക്കൻ പ്രസിഡന്റ് ഡൊണാൾഡ് ട്രംപിനെ ലക്ഷ്യമിട്ട് തുടർച്ചയായ ആക്രമണങ്ങൾ നടക്കുന്നതിനിടെ വൈറ്റ് ഹൗസിന് പുറത്ത് വീണ്ടും വെടിവെപ്പ്. ശനിയാഴ്ച വൈകുന്നേരത്തോടെ വൈറ്റ് ഹൗസ് സമുച്ചയത്തിന് സമീപമുള്ള സുരക്ഷാ ചെക്ക്പോസ്റ്റിലാണ് സംഭവം അരങ്ങേറിയത്. കനത്ത സുരക്ഷയുള്ള മേഖലയിലുണ്ടായ പെട്ടെന്നുള്ള ഈ വെടിവെപ്പിനെ തുടർന്ന് അധികൃതർ വൈറ്റ് ഹൗസ് താൽക്കാലികമായി അടച്ചിടുകയും (ലോക്ക്ഡൗൺ) പ്രദേശം മുഴുവൻ കനത്ത ജാഗ്രതയിലാക്കുകയും ചെയ്തു.
ഇന്ത്യ-യുഎസ് വ്യാപാര കരാര് യാഥാര്ത്ഥ്യമായി! ഇന്ത്യന് ഉല്പ്പന്നങ്ങള്ക്ക് ഇനി നികുതി കുറയും;
പ്രാദേശിക സമയം വൈകുന്നേരം ആറ് മണിയോടെ സുരക്ഷാ കവാടത്തിന് സമീപത്തേക്ക് എത്തിയ തോക്കുധാരിയായ യുവാവ് അവിടെ ഡ്യൂട്ടിയിലുണ്ടായിരുന്ന ഉദ്യോഗസ്ഥർക്ക് നേരെ പെട്ടെന്ന് വെടിയുതിർക്കുകയായിരുന്നു. സുരക്ഷാ ഉദ്യോഗസ്ഥർ ഉടനടി പ്രത്യാക്രമണം നടത്തുകയും അക്രമിയെ വെടിവെച്ച് വീഴ്ത്തുകയും ചെയ്തു. ഗുരുതരമായി പരിക്കേറ്റ അക്രമിയെ ഉടൻ തന്നെ ആശുപത്രിയിൽ എത്തിച്ചെങ്കിലും ഇയാൾ മരണത്തിന് കീഴടങ്ങി. കോടതി രേഖകളെ ഉദ്ധരിച്ച് ദ ന്യൂയോർക്ക് പോസ്റ്റ് റിപ്പോർട്ട് ചെയ്തതനുസരിച്ച്, കൊല്ലപ്പെട്ട പ്രതിയെ നാസിർ ബെസ്റ്റ് എന്ന് തിരിച്ചറിഞ്ഞിട്ടുണ്ട്. താൻ യേശുക്രിസ്തുവാണെന്ന മാനസികഭ്രമത്തിലായിരുന്നു ഇയാൾ കഴിഞ്ഞിരുന്നതെന്നും റിപ്പോർട്ടുകൾ വ്യക്തമാക്കുന്നു.
അക്രമിയുടെ വെടിവെപ്പിൽ അവിടെയുണ്ടായിരുന്ന ഒരു വഴിപോക്കന് പരിക്കേറ്റതായി യുഎസ് സീക്രട്ട് സർവീസ് സ്ഥിരീകരിച്ചു. ഇയാളെ ഉടൻ തന്നെ ആശുപത്രിയിൽ പ്രവേശിപ്പിച്ചെങ്കിലും ആരോഗ്യനിലയെക്കുറിച്ചുള്ള കൂടുതൽ വിവരങ്ങൾ അധികൃതർ പുറത്തുവിട്ടിട്ടില്ല. ആക്രമണം നടക്കുമ്പോൾ പ്രസിഡന്റ് ഡൊണാൾഡ് ട്രംപ് വൈറ്റ് ഹൗസിനുള്ളിൽ ഉണ്ടായിരുന്നുവെങ്കിലും അദ്ദേഹത്തിന് യാതൊരുവിധ പരിക്കുകളോ മറ്റ് സുരക്ഷാ പ്രശ്നങ്ങളോ ഉണ്ടായിട്ടില്ലെന്നും അദ്ദേഹം പൂർണ്ണ സുരക്ഷിതനാണെന്നും അധികൃതർ അറിയിച്ചു. ആക്രമണത്തിൽ സീക്രട്ട് സർവീസ് ഉദ്യോഗസ്ഥർക്ക് ആർക്കും തന്നെ പരിക്കേറ്റിട്ടില്ലെന്ന് ഏജൻസി വ്യക്തമാക്കിയിട്ടുണ്ട്.
ഷി ജിൻപിങ്ങിന്റെ വിശ്വസ്തൻ ചൈനയെ ചതിച്ചു ; നിർണ്ണായക ആണവരഹസ്യങ്ങൾ അമേരിക്കയ്ക്ക് ചോർത്തി; ജനറൽ ഷാങ് യോക്സിയക്കെതിരെ അന്വേഷണം
സംഭവത്തെക്കുറിച്ച് സുരക്ഷാ വിഭാഗം ഊർജ്ജിതമായ അന്വേഷണം ആരംഭിച്ചു. ഇതിന്റെ ഭാഗമായി വൈറ്റ് ഹൗസിന് ചുറ്റുമുള്ള റോഡുകൾ രാത്രി മുഴുവൻ അടച്ചിടുമെന്ന് അധികൃതർ അറിയിച്ചു. ഐസൻഹോവർ എക്സിക്യൂട്ടീവ് ഓഫീസ് ബിൽഡിംഗിന് സമീപം 17-ാം സ്ട്രീറ്റിലും പെൻസിൽവാനിയ അവന്യൂവിലും വെച്ചാണ് വെടിവെപ്പുണ്ടായതെന്ന് സീക്രട്ട് സർവീസ് വ്യക്തമാക്കി. പ്രദേശത്ത് ഏകദേശം 10 നും 20 നും ഇടയിൽ റൗണ്ട് വെടിയൊച്ചകൾ കേട്ടതായി പ്രമുഖ അന്താരാഷ്ട്ര മാധ്യമങ്ങൾ റിപ്പോർട്ട് ചെയ്തു.
