കണ്ണൂര്: രാമന്തളിയില് ഒരു കുടുംബത്തിലെ നാലുപേരെ മരിച്ച നിലയില് കണ്ടെത്തിയ സംഭവത്തില് കുടുംബകലഹത്തെത്തുടര്ന്നുള്ള കടുത്ത മാനസിക സമ്മര്ദ്ദമാണ് മരണകാരണമെന്ന സൂചന നല്കി കലാധരന്റെ ആത്മഹത്യാക്കുറിപ്പ്. തന്റെയും മക്കളുടെയും മരണത്തിന് ഉത്തരവാദികള് ഭാര്യയും അവളുടെ വീട്ടുകാരുമാണെന്ന് ആരോപിച്ചാണ് മുപ്പത്തിയാറുകാരനായ കലാധരന് കുറിപ്പെഴുതിയത്. ഭാര്യയും അവളുടെ അമ്മയും സഹോദരനും ചേര്ന്ന് തന്നെ ജീവിക്കാന് അനുവദിക്കാത്ത വിധം മക്കളെ വെച്ച് തേജോവധം ചെയ്യുകയാണെന്നും താങ്ങാവുന്നതിലും അധികമാണിത് എന്നും കുറിപ്പില് വിശദീകരിക്കുന്നു.
വിദ്വേഷം വെടിയാം, നന്മയ്ക്കായി പ്രാർത്ഥിക്കാം; ലോകമെങ്ങും ഇന്ന് ക്രിസ്മസ് ആഘോഷം
തന്റെ ആരോപണങ്ങള് ശരിവെക്കുന്ന തെളിവുകളെല്ലാം ഫോണിലുണ്ടെന്നും അധികാരികള് അത് പരിശോധിക്കണമെന്നും കലാധരന് ആവശ്യപ്പെടുന്നു. ഫോണ് തുറക്കുന്നതിനായുള്ള പാറ്റേണ് ലോക്ക് പോലും ആത്മഹത്യാക്കുറിപ്പില് വരച്ചു വെച്ചിരുന്നു. കുടുംബ കോടതി മക്കളെ അമ്മയ്ക്കൊപ്പം വിടാന് ഉത്തരവിട്ടത് കലാധരനെയും മാതാവിനെയും തളര്ത്തിയിരുന്നു. മകള്ക്ക് അമ്മയ്ക്കൊപ്പം പോകാന് താല്പ്പര്യമില്ലായിരുന്നുവെന്ന വേദനയും പങ്കുവെച്ചു. തിങ്കളാഴ്ച രാത്രി ഒന്പത് മണിയോടെയാണ് കലാധരനും അമ്മ ഉഷയും മക്കളായ ഹിമയും കണ്ണനും വീട്ടിനുള്ളില് മരിച്ചെന്ന് തിരിച്ചറിഞ്ഞത്.
മക്കള്ക്ക് വിഷം നല്കിയ ശേഷം കലാധരനും അമ്മയും ഒന്നാം നിലയില് തൂങ്ങിമരിക്കുകയായിരുന്നുവെന്നാണ് പ്രാഥമിക നിഗമനം. വിഷം കലര്ത്തിയതെന്ന് കരുതുന്ന പാല്ക്കുപ്പിയും കീടനാശിനിയും പോലീസ് കണ്ടെടുത്തു. പോസ്റ്റ്മോര്ട്ടത്തിന് ശേഷം മൃതദേഹങ്ങള് ബന്ധുക്കള്ക്ക് വിട്ടുനല്കി. രാമന്തളി സെന്ററില് പൊതുദര്ശനത്തിന് വെച്ച ശേഷം ഒരേ ചിതയില് സംസ്കാരം നടത്തി. നാടിനാകെ പ്രിയങ്കരനായ ഒരു പാചക വിദഗ്ധന്റെയും കുടുംബത്തിന്റെയും ഈ അപ്രതീക്ഷിത വിയോഗം രാമന്തളി ഗ്രാമത്തെ കണ്ണീരിലാഴ്ത്തിയിരിക്കുകയാണ്.
ശശി തരൂര് മത്സരിക്കില്ല; അനന്തപുരിയില് ചാണക്യതന്ത്രവുമായി യു.ഡി.എഫ്: മുരളി ‘സ്റ്റാര്’; തിരുവനന്തപുരം സിപി ജോണിന് തന്നെ; നേമത്ത് വൈഷ്ണാ സുരേഷ് അട്ടിമറി നടത്തുമോ? മുട്ടടയിലെ വിസ്മയം നേമത്ത് വീണ്ടും ആവര്ത്തിക്കുമോ?
കുടുംബ തര്ക്കം ഉണ്ടാകുമ്പോള് കുട്ടികളുടെ കസ്റ്റഡി തീരുമാനിക്കുമ്പോള് കോടതി ഏറ്റവും പ്രാധാന്യം നല്കുന്നത് കുട്ടികളുടെ ക്ഷേമത്തിനാണ്. മാതാപിതാക്കളുടെ അവകാശത്തേക്കാള് ഉപരിയായി, കുട്ടിക്ക് എവിടെയാണ് കൂടുതല് സുരക്ഷിതത്വവും സ്നേഹവും ലഭിക്കുക എന്നതാണ് പരിശോധിക്കുന്നത്. അഞ്ചു വയസ്സില് താഴെയുള്ള കുട്ടികളുടെ കാര്യത്തില് സാധാരണയായി അമ്മയ്ക്കാണ് മുന്ഗണന. കുട്ടികള്ക്ക് വിവേചനബുദ്ധി ഉണ്ടെന്ന് കോടതിക്ക് തോന്നിയാല് അവരുടെ താല്പ്പര്യം കൂടി രഹസ്യമായി ചോദിക്കും.
കോടതി വിധിയില് അസംതൃപ്തി ഉണ്ടെങ്കില്, കക്ഷികള്ക്ക് ഹൈക്കോടതിയില് അപ്പീല് നല്കാന് അവകാശമുണ്ട്. വിധി നടപ്പിലാക്കും മുന്പ് സ്റ്റേ വാങ്ങാനോ പുനഃപരിശോധനയ്ക്ക് അപേക്ഷിക്കാനോ നിയമം അനുവദിക്കുന്നുണ്ട്. പക്ഷേ ഇതൊന്നും ഇവിടെ കലാധരന് ചെയ്തില്ല. തന്റെയും മക്കളുടെയും വിയോഗത്തിന് പൂര്ണ്ണ ഉത്തരവാദികള് ഭാര്യയും അവരുടെ മാതാവും സഹോദരനുമാണെന്ന് ആത്മഹത്യാക്കുറിപ്പില് കലാധരന് വ്യക്തമാക്കിയിട്ടുണ്ട്. മക്കളെ മറയാക്കി തന്നെ നിരന്തരം മാനസികമായി പീഡിപ്പിക്കുകയാണെന്നും സമാധാനമായി ജീവിക്കാന് അവര് അനുവദിക്കുന്നില്ലെന്നും കുറിപ്പില് ആരോപിക്കുന്നു. കുട്ടികളെ ഉപദ്രവിച്ചതിന് വ്യക്തമായ തെളിവുകള് ഉണ്ടായിട്ടും അത് പരിഗണിക്കാതെ കോടതി വിധി ഭാര്യയ്ക്ക് അനുകൂലമായതിലുള്ള കടുത്ത പ്രതിഷേധവും കുറിപ്പിലുണ്ട്.
തിങ്കളാഴ്ച രാത്രി കലാധരന്റെ അച്ഛന് ഉണ്ണികൃഷ്ണന് വീട്ടിലെത്തിയപ്പോള് വീട് അകത്തുനിന്ന് പൂട്ടിയ നിലയിലായിരുന്നു. സംശയം തോന്നി അദ്ദേഹം വിവരം അറിയിച്ചതിനെത്തുടര്ന്ന് പോലീസ് എത്തി വാതില് പൊളിച്ചു അകത്തുകടന്നപ്പോഴാണ് വിറങ്ങലിപ്പിക്കുന്ന കാഴ്ച കണ്ടത്. കലാധരനും അമ്മയും തൂങ്ങിയ നിലയിലും കുട്ടികള് മുറിയിലെ തറയില് മരിച്ച നിലയിലുമായിരുന്നു. മുറിയിലെ മേശപ്പുറത്ത് നിന്ന് കീടനാശിനിയുടെ കുപ്പിയും പാല്പ്പാത്രവും പോലീസ് കണ്ടെടുത്തിട്ടുണ്ട്. പാലില് വിഷം കലര്ത്തി മക്കള്ക്ക് നല്കിയ ശേഷം മുതിര്ന്നവര് ഇരുവരും ജീവനൊടുക്കിയതാകാമെന്നാണ് പോലീസിന്റെ നിഗമനം.
Disclaimer: The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
