തിരുവനന്തപുരം: കുടുംബപ്രശ്നങ്ങളില് നാടകീയമായ അനുനയ നീക്കങ്ങള്ക്കൊടുവില് മന്ത്രിസ്ഥാനം നിലനിര്ത്തിയെങ്കിലും ഗതാഗത മന്ത്രി കെ.ബി. ഗണേഷ് കുമാറിന് രാഷ്ട്രീയ അഗ്നിപരീക്ഷകള് അവസാനിക്കുന്നില്ല.
ഏഷ്യാനെറ്റ് ന്യൂസിന് ഗണേഷിന്റെ ഭാര്യ നല്കിയ അഭിമുഖം രാഷ്ട്രീയ വൃത്തങ്ങളില് വലിയ ചര്ച്ചയാവുകയാണ്. പരാതിയില്ലെന്ന് ഭാര്യ ബിന്ദു മേനോന് വ്യക്തമാക്കുമ്പോഴും, അഭിമുഖത്തിലെ സൂചനകള് ഗണേഷിന് വരുംദിവസങ്ങളില് കടുത്ത പ്രതിസന്ധിയുണ്ടാക്കുമെന്നാണ് വിലയിരുത്തല്. കുടുംബപ്രശ്നങ്ങളുടെ പേരില് മുമ്പ് ഉമ്മന്ചാണ്ടി സര്ക്കാരിന്റെ കാലത്ത് ഗണേഷ് കുമാറിനെതിരെ ആഞ്ഞടിച്ചവര് ഇപ്പോള് പുലര്ത്തുന്ന മൗനവും കൗതുകകരമാണ്. അന്ന് ഗണേഷിന്റെ രാജിക്കായി മുറവിളി കൂട്ടിയ ഇടത് പക്ഷം, ഇന്ന് ‘ഭാര്യയ്ക്ക് പരാതിയില്ല’ എന്ന സാങ്കേതിക ന്യായം പറഞ്ഞ് മന്ത്രിയെ സംരക്ഷിക്കുകയാണ്.
വിശ്വസ്തനായ ബാലഗോപാലിന്റെ മധ്യസ്ഥതയില് ഫോണിലൂടെ മാപ്പുപറഞ്ഞ് താല്ക്കാലിക വെടിനിര്ത്തല് പ്രഖ്യാപിച്ചെങ്കിലും ദൃശ്യമാധ്യമങ്ങളിലൂടെ പുറത്തുവന്ന വിവരങ്ങള് പൊതുസമൂഹത്തില് മന്ത്രിക്കുണ്ടാക്കിയ പരിക്ക് ചെറുതല്ല. മുഖ്യമന്ത്രി പിണറായി വിജയന് കടുത്ത അതൃപ്തി രേഖപ്പെടുത്തിയിട്ടും, രാഷ്ട്രീയമായ നിലനില്പ്പിനായി ഗണേഷിനെ ഇടതുമുന്നണി ചേര്ത്തുപിടിക്കുകയാണ്. എന്നാല്, സമാന സാഹചര്യത്തില് യുഡിഎഫ് സര്ക്കാരിനെ ക്രൂശിച്ചവര്ക്ക് ഇരട്ടത്താപ്പിന്റെ കറ കഴുകിക്കളയാനാകില്ല.
മന്ത്രിസഭാ യോഗത്തില് വിഷയം ചര്ച്ചയാകാതിരുന്നതും സിപിഎം-സിപിഐ നേതൃത്വങ്ങള് മൗനം പാലിച്ചതും സര്ക്കാരിന്റെ പ്രതിച്ഛായ കാക്കാനുള്ള തന്ത്രപരമായ നീക്കമാണ്. എന്നാല് കുടുംബപ്രശ്നം രാഷ്ട്രീയപ്രശ്നമായി വളര്ന്നാല് ഗണേഷിന് വീണ്ടും പഴയ ചരിത്രം ആവര്ത്തിക്കേണ്ടി വരുമോ എന്നാണ് രാഷ്ട്രീയ നിരീക്ഷകര് ഉറ്റുനോക്കുന്നത്.
കുടുംബപ്രശ്നങ്ങളുടെ പേരില് മുമ്പ് ഉമ്മന്ചാണ്ടി സര്ക്കാരിന്റെ കാലത്ത് ഗണേഷ് കുമാറിനെതിരെ ആഞ്ഞടിച്ചവര് ഇപ്പോള് പുലര്ത്തുന്ന മൗനം രാഷ്ട്രീയ കേരളത്തില് കൗതുകകരമായ ചര്ച്ചകള്ക്ക് വഴിവെച്ചിരിക്കുകയാണ്. അന്ന് ഗണേഷിന്റെ രാജിക്കായി നിയമസഭയ്ക്കകത്തും പുറത്തും മുറവിളി കൂട്ടിയ ഇടതുപക്ഷം, ഇന്ന് ‘ഭാര്യയ്ക്ക് പരാതിയില്ല’ എന്ന കേവലം സാങ്കേതിക ന്യായം പറഞ്ഞ് മന്ത്രിയെ സംരക്ഷിക്കുകയാണ്. സമാന സാഹചര്യത്തില് അന്ന് യുഡിഎഫ് സര്ക്കാരിനെ ക്രൂശിച്ചവര്ക്ക് ഈ ഇരട്ടത്താപ്പിന്റെ കറ അത്രവേഗം കഴുകിക്കളയാനാകില്ല.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
ക്യാമ്പസില് കളി വേണ്ട; സ്ഥാനാര്ത്ഥികളെ തടയരുതെന്ന് എസ്എഫ്ഐയ്ക്ക് സിപിഎം നിര്ദേശം
