ആലപ്പുഴ: കേരള രാഷ്ട്രീയത്തിലെ അതികായനും സി.പി.എമ്മിന്റെ കരുത്തുറ്റ മുഖവുമായിരുന്ന ജി. സുധാകരന് പാര്ട്ടി വിടുന്നത് അമ്പലപ്പുഴയില് കോണ്ഗ്രസ് പിന്തുണയുള്ള സ്വതന്ത്രനാകാനോ? സോഷ്യല് മീഡിയയിലൂടെ പാര്ട്ടി നേതൃത്വത്തിനെതിരെ രൂക്ഷവിമര്ശനം ഉന്നയിച്ചുകൊണ്ടാണ് അദ്ദേഹം തന്റെ നിലപാട് വ്യക്തമാക്കിയത്. ഇതോടെ 63 വര്ഷം നീണ്ട ചുവപ്പന് ബന്ധത്തിന് അന്ത്യമാകുകയാണ്. എന്നാല് രാഷ്ട്രീയ കേരളം ഉറ്റുനോക്കുന്നത് സുധാകരന്റെ അടുത്ത നീക്കത്തിലേക്കാണ്. അമ്പലപ്പുഴയില് കോണ്ഗ്രസ് പിന്തുണയോടെ അദ്ദേഹം ‘പൊതു സ്വതന്ത്രനായി’ മത്സരരംഗത്തിറങ്ങുമോ എന്ന ചര്ച്ചകള്ക്ക് ഇതോടെ ചൂടുപിടിച്ചിരിക്കുകയാണ്.
പാര്ട്ടിയില് താന് നേരിടുന്ന കടുത്ത അവഗണന അക്കമിട്ടു നിരത്തിയാണ് സുധാകരന്റെ ഫെയ്സ്ബുക്ക് പോസ്റ്റ്. 2026-ലെ മെമ്പര്ഷിപ്പ് സ്ക്രൂട്ടണിയില് അദ്ദേഹം അംഗത്വം പുതുക്കിയില്ല. സംസ്ഥാന സെക്രട്ടറി എം.വി. ഗോവിന്ദന് വാര്ത്താസമ്മേളനത്തില് തന്നെ പരിഹസിച്ചതാണ് സുധാകരനെ ചൊടിപ്പിച്ചത്. ‘താന് ഒരു പരിഗണനയും അര്ഹിക്കുന്നില്ല’ എന്ന അര്ത്ഥത്തില് സെക്രട്ടറി സംസാരിച്ചതും അതിനെതിരെ ആരും പ്രതികരിക്കാത്തതും തന്നെ വേദനിപ്പിച്ചുവെന്ന് അദ്ദേഹം കുറിച്ചു. അടിയന്തരാവസ്ഥ കാലത്തെ പോരാട്ടങ്ങള് പോലും വിസ്മരിച്ചുകൊണ്ട് ജില്ലാ നേതൃത്വം തന്നെ തഴയുകയാണെന്നും, അച്ഛനെപ്പോലും ആക്ഷേപിക്കുന്ന തരത്തിലുള്ള സൈബര് ആക്രമണങ്ങള് നടക്കുന്നുവെന്നും അദ്ദേഹം തുറന്നടിച്ചു. നേതാക്കള്ക്ക് ബുദ്ധിമുട്ടുണ്ടാക്കി പാര്ട്ടിയില് തുടരാന് ആഗ്രഹിക്കുന്നില്ലെന്ന് വ്യക്തമാക്കിയതോടെ സി.പി.എമ്മുമായുള്ള സുധാകരന്റെ ബന്ധം ഔദ്യോഗികമായി അവസാനിക്കുകയാണ്.
സുധാകരന്റെ ഈ പിന്മാറ്റം കേവലം ഒരു വിരമിക്കലല്ലെന്നാണ് രാഷ്ട്രീയ നിരീക്ഷകര് വിലയിരുത്തുന്നത്. അമ്പലപ്പുഴയില് സുധാകരനുള്ള വ്യക്തിപരമായ സ്വാധീനം മുതലെടുക്കാന് കോണ്ഗ്രസ് നീക്കം തുടങ്ങിക്കഴിഞ്ഞു. അമ്പലപ്പുഴയില് സി.പി.എമ്മിനെ പ്രതിരോധിക്കാന് സുധാകരനെപ്പോലൊരു കരുത്തനെ മുന്നില് നിര്ത്തുന്നത് യു.ഡി.എഫിന് ഗുണം ചെയ്യും. പാര്ട്ടിക്കുള്ളിലെ അതൃപ്തരെയും സുധാകരന് അനുകൂലികളെയും ഒപ്പം നിര്ത്തി മണ്ഡലം പിടിച്ചെടുക്കാനാണ് കോണ്ഗ്രസ് കേന്ദ്രങ്ങളുടെ നീക്കം.
വികസന നായകനെന്ന പ്രതിച്ഛായയുള്ള സുധാകരന് സ്വതന്ത്രനായി നിന്നാല് പാര്ട്ടി വോട്ടുകളില് വലിയ വിള്ളല് വീഴ്ത്താന് കഴിയുമെന്ന് കോണ്ഗ്രസ് കണക്കുകൂട്ടുന്നു. ആലപ്പുഴയില് സി.പി.എമ്മിനെ കെട്ടിപ്പടുത്ത നേതാക്കളില് ഒരാളായ സുധാകരന്റെ പടിയിറക്കം വരാനിരിക്കുന്ന തിരഞ്ഞെടുപ്പുകളില് പാര്ട്ടിയെ പ്രതിരോധത്തിലാക്കും. എം.വി. ഗോവിന്ദന്റെ നിലപാടുകളോടുള്ള സുധാകരന്റെ പരസ്യമായ എതിര്പ്പ് പാര്ട്ടിയിലെ ആഭ്യന്തര കലഹം വരും ദിവസങ്ങളില് കൂടുതല് രൂക്ഷമാക്കാനാണ് സാധ്യത.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
തദ്ദേശവിജയം ആത്മവിശ്വാസം; ജോസ് കെ മാണി വിഭാഗത്തെ തിരികെ കൊണ്ടുവരാന് നീക്കം; ലീഗുമായി കൂടിയാലോചിച്ച് മുന്നണി വിപുലീകരണം വേഗത്തിലാക്കും; പിവി അന്വറിനേയും ശ്രേയംസ് കുമാറിനേയും ഒപ്പം കൂട്ടും; ബിഡിജെഎസിനെ കൊണ്ടു വരാന് അടൂര് പ്രകാശ്; ന്യൂനപക്ഷ പിന്തുണ നിലനിര്ത്തി ഭൂരിപക്ഷവിഭാഗങ്ങളെ ഒപ്പം ചേര്ക്കുന്ന സോഷ്യല് എന്ജിനീയറിങിന് കോണ്ഗ്രസ്
