തിരുവനന്തപുരം: മലയാള സിനിമയിലെ വിസ്മയം മോഹൻലാൽ കേരള മുഖ്യമന്ത്രി പിണറായി വിജയനെ അഭിമുഖം ചെയ്യുന്ന ‘ഇരുവർ’ എന്ന പരിപാടിയുടെ ടീസർ പുറത്തിറങ്ങി. ഒരു സിനിമാ ട്രെയിലറിനെ അനുസ്മരിപ്പിക്കുന്ന വിധം അതീവ ഉദ്വേഗഭരിതമായാണ് ടീസർ ഒരുക്കിയിരിക്കുന്നത്. മുഖ്യമന്ത്രിയുടെ ഔദ്യോഗിക വസതിയായ ക്ലിഫ് ഹൗസിൽ വെച്ച് ചിത്രീകരിച്ച ഈ അഭിമുഖം, രാഷ്ട്രീയവും വ്യക്തിപരവുമായ ഒട്ടേറെ മുഹൂർത്തങ്ങൾ കോർത്തിണക്കിയതാണെന്ന സൂചനയാണ് ടീസർ നൽകുന്നത്.
തിരുവനന്തപുരം ബ്രഹ്മോസ് യൂണിറ്റിന് 180 ഏക്കർ ഭൂമി സൗജന്യമായി നൽകാൻ മന്ത്രിസഭാ തീരുമാനം; പ്രതിരോധ മേഖലയിൽ നിർണ്ണായക ചുവടുവെപ്പ്.കാട്ടാക്കടയിൽ ഉയരുന്നത് വമ്പൻ പ്രതിരോധ സമുച്ചയം;
ടീസറിൽ മോഹൻലാൽ ചോദിക്കുന്ന ചില ചോദ്യങ്ങൾ ഇതിനോടകം തന്നെ വൈറലായിക്കഴിഞ്ഞു. “എന്റെ സിനിമാ ഡയലോഗ് ഓർമ്മയുണ്ടോ?”, “മുഖ്യമന്ത്രിക്ക് ഇഷ്ടപ്പെട്ട സിനിമ ഏതാണ്?” തുടങ്ങിയ കൗതുകകരമായ ചോദ്യങ്ങൾക്കൊപ്പം, “ജീവിതത്തിൽ എന്നെങ്കിലും പശ്ചാത്താപം തോന്നിയ കാര്യമുണ്ടോ?” എന്ന ഗൗരവമേറിയ ചോദ്യവും ലാൽ ഉയർത്തുന്നുണ്ട്. പിണറായി വിജയന്റെ മറുപടികളിലെ സസ്പെൻസ് നിലനിർത്തിക്കൊണ്ടാണ് ടീസർ അവസാനിക്കുന്നത്. പ്രശസ്ത സംവിധായകൻ ടി.കെ. രാജീവ് കുമാറാണ് ഈ പരിപാടിയുടെ സംവിധാനം നിർവ്വഹിച്ചിരിക്കുന്നത്.
തിരുവനന്തപുരത്ത് എത്തിയപ്പോൾ മുഖ്യമന്ത്രിയുമായി നടത്തിയ സൗഹൃദ സംഭാഷണത്തിനിടെയാണ് ഇത്തരമൊരു ആശയത്തിലേക്ക് ഇരുവരും എത്തിയത്. മുൻപ് ഉമ്മൻചാണ്ടിയുമായും മോഹൻലാൽ സമാനമായ രീതിയിൽ അഭിമുഖം നടത്തി ശ്രദ്ധ നേടിയിരുന്നു. മുഖ്യമന്ത്രിയുടെ രാഷ്ട്രീയ കാഴ്ചപ്പാടുകളും സർക്കാരിന്റെ പ്രവർത്തനങ്ങളും ലാലുമായുള്ള ഹൃദ്യമായ സംഭാഷണത്തിലൂടെ ജനങ്ങളിലേക്ക് എത്തുമ്പോൾ അത് വലിയൊരു ദൃശ്യാനുഭവമാകുമെന്നാണ് പ്രേക്ഷകരുടെ പ്രതീക്ഷ.
സംസ്ഥാനത്ത് കാലവര്ഷം കനക്കുന്നു; ഇന്നും ഒമ്പത് ജില്ലകളില് യെല്ലോ അലര്ട്ട്; മലയോര-തീരദേശ മേഖലകളില് അതീവ ജാഗ്രതാ നിര്ദ്ദേശം; വടക്കന് കേരളത്തില് ‘കള്ളക്കടല്’ ഭീതി
