ദേവികുളം : മുന് സിപിഎം എംഎല്എ എസ്. രാജേന്ദ്രന് ബിജെപി പ്രവേശനം ഇടുക്കി രാഷ്ട്രീയത്തിലെ വോട്ട് സമവാക്യങ്ങള് മാറ്റിമറിക്കും. രാജേന്ദ്രന്റെ ചേരി മാറ്റം വരാനിരിക്കുന്ന നിയമസഭാ തിരഞ്ഞെടുപ്പില് ദേവികുളം മണ്ഡലത്തില് നിര്ണ്ണായക ചലനങ്ങള് ഉണ്ടാക്കുമെന്നാണ് രാഷ്ട്രീയ നിരീക്ഷകരുടെ വിലയിരുത്തല്.
കൊച്ചി മേയര് തര്ക്കം: കെപിസിസി മാര്ഗ്ഗനിര്ദ്ദേശങ്ങള് കാറ്റില് പറത്തി കൊച്ചി ഗൂഡാലോചന; ദീപ്തിയെ വെട്ടിയത് ഗ്രൂപ്പുകളുടെ അവിശുദ്ധ കൂട്ടുകെട്ടെന്ന് വിമര്ശനം; കെസി അതൃപ്തിയില്; മേയര് ആകാനില്ലെന്ന് ദീപ്തി
എസ്. രാജേന്ദ്രന് എന്ഡിഎ സ്ഥാനാര്ത്ഥിയായി ദേവികുളത്ത് മത്സരിക്കണമെന്നാണ് ബിജെപി ജില്ലാ നേതൃത്വത്തിന്റെ താല്പ്പര്യമെങ്കിലും, താന് മത്സരരംഗത്തേക്കില്ലെന്ന നിലപാടില് അദ്ദേഹം ഉറച്ചുനില്ക്കുന്നു. മൂന്ന് തവണ എംഎല്എ ആയിരുന്ന തനിക്ക് ഇനി മത്സരിക്കാന് താല്പ്പര്യമില്ലെന്നും, മുന്നണി ആവശ്യപ്പെട്ടാലും അവരെ കാര്യങ്ങള് ബോധ്യപ്പെടുത്തുമെന്നുമാണ് രാജേന്ദ്രന് പറയുന്നത്.
ദേവികുളം മണ്ഡലത്തിലെ വിജയപരാജയങ്ങള് നിര്ണ്ണയിക്കുന്നതില് ജാതി സമവാക്യങ്ങള്ക്ക് വലിയ പങ്കുണ്ട്. പറയര്, പള്ളര് സമുദായങ്ങള് ഈ രണ്ട് സമുദായങ്ങള്ക്കും വലിയ വോട്ട് ബാങ്കുള്ള മണ്ഡലമാണ് ദേവികുളം. ഇതില് പള്ളര് വിഭാഗത്തിനിടയില് രാജേന്ദ്രന് വലിയ സ്വാധീനമുണ്ട്.
സുധാകരനില്ലെങ്കില് വോട്ടില്ല; കണ്ണൂരില് അണികളുടെ ചങ്കുപൊട്ടുന്നു; പോരാട്ടവീര്യവുമായി ‘കെ.എസ്’ സൈന്യം; ഡല്ഹിയില് രാഹുല് നയതന്ത്രം വിജയിക്കുമോ? കോണ്ഗ്രസില് സുധാകര വികാരം ശക്തം; പെട്ട് കോണ്ഗ്രസ് ഹൈക്കമാണ്ട്
രാജേന്ദ്രന് സ്ഥാനാര്ത്ഥിയായാലോ അല്ലെങ്കില് പ്രചാരണ രംഗത്ത് സജീവമായാലോ പള്ളര് വിഭാഗത്തിലെ സിപിഎം വോട്ടുകള് ചോരാന് സാധ്യതയുണ്ട്. 2021-ല് സിപിഎമ്മിന്റെ എ. രാജ 7848 വോട്ടുകള്ക്കാണ് വിജയിച്ചത്. രാജേന്ദ്രന് വഴി എന്ഡിഎ പതിനായിരത്തിലധികം വോട്ടുകള് അധികം പിടിച്ചാല് അത് സിപിഎമ്മിന്റെ വിജയസാധ്യതയെ പ്രതികൂലമായി ബാധിക്കും.
അടിത്തട്ടില് തോട്ടം തൊഴിലാളി നേതാവായി പ്രവര്ത്തിച്ചു വളര്ന്ന രാജേന്ദ്രന് അവര്ക്കായി ഒരു സൊസൈറ്റി രൂപീകരിക്കുമെന്ന് പ്രഖ്യാപിച്ചിട്ടുണ്ട്. തൊഴിലാളികള്ക്ക് സാമ്പത്തിക സഹായം ഉറപ്പാക്കുകയാണ് ലക്ഷ്യം. ഇത് വോട്ട് ബാങ്കില് വിള്ളലുണ്ടാക്കാനുള്ള തന്ത്രമായിട്ടാണ് വിലയിരുത്തപ്പെടുന്നത്.
