തിരുവനന്തപുരം: മുന് എം.എല്.എ.യും ചലച്ചിത്ര സംവിധായകനുമായ പി.ടി. കുഞ്ഞുമുഹമ്മദിനെതിരെ ലൈംഗികാതിക്രമ പരാതി നല്കിയ സംവിധായികയുടെ രഹസ്യമൊഴി പോലീസ് രേഖപ്പെടുത്തി. ഇതിനായി കന്റോണ്മെന്റ് പോലീസ് ചീഫ് ജുഡീഷ്യല് മജിസ്ട്രേറ്റ് കോടതിയില് അപേക്ഷ സമര്പ്പിച്ചിരുന്നു. രഹസ്യമൊഴി രേഖപ്പെടുത്തിയതോടെ കേസില് നിര്ണ്ണായക വഴിത്തിരിവായിരിക്കുകയാണ്.
പണിമുടക്ക് ‘ബന്ദാകുന്നത്’ കേരളത്തില് മാത്രം! സമരപ്പേരിലെ ജനദ്രോഹം ചര്ച്ചയയാക്കാന് കോണ്ഗ്രസ്; ഹര്ത്താല് വിരോധം ഉയര്ത്തുന്നതും ‘വോട്ടുബാങ്ക്’ ലക്ഷ്യമിട്ട്; കോണ്ഗ്രസിന്റെ ഇരട്ടത്താപ്പെന്ന് സി.പി.എം; കേരളം മാത്രം അടച്ചിടുന്നത് ശരിയോ?
സംഭവവുമായി ബന്ധപ്പെട്ട് പി.ടി. കുഞ്ഞുമുഹമ്മദ് സമര്പ്പിച്ച മുന്കൂര് ജാമ്യാപേക്ഷ തിരുവനന്തപുരം സെഷന്സ് കോടതി നാളെ (ഡിസംബര് 17-ന്) പരിഗണിക്കും. കേസിന്റെ അന്വേഷണ പുരോഗതി റിപ്പോര്ട്ട് പോലീസ് ഈ അവസരത്തില് കോടതിയില് സമര്പ്പിക്കും.
പരാതിയില് പറയുന്ന തിരുവനന്തപുരത്തെ ഹോട്ടലിലെ സിസിടിവി ദൃശ്യങ്ങള് ഉള്പ്പെടെ പോലീസ് വിശദമായി പരിശോധിച്ചിരുന്നു. പരാതിയില് പറയുന്ന സമയത്ത് ഇരുവരും ഹോട്ടല് മുറിയില് ഒരുമിച്ചുണ്ടായിരുന്നു എന്ന് തെളിഞ്ഞ ശേഷമാണ് പോലീസ് കോടതിയില് റിപ്പോര്ട്ട് സമര്പ്പിച്ചിരിക്കുന്നത്.
ഇരുട്ടിലാകുമോ കേരളം? ‘ഷെഡിംഗ്’ ഇല്ലെന്ന് മന്ത്രി; പണിതരുന്നത് ‘ട്രിപ്പിംഗ്’; വൈദ്യുതി പ്രതിസന്ധിയില് സര്വ്വത്ര ആശയക്കുഴപ്പം
മുന്കൂര് ജാമ്യാപേക്ഷയില് കോടതി തീരുമാനം എടുത്ത ശേഷം പോലീസ് പി.ടി. കുഞ്ഞുമുഹമ്മദിനെ വിശദമായി ചോദ്യം ചെയ്യുമെന്നാണ് സൂചന. അതേസമയം, നിലവിലെ വകുപ്പുകള് അനുസരിച്ച് അദ്ദേഹത്തിന് ജാമ്യം ലഭിക്കാനാണ് സാധ്യതയെന്നും നിയമവിദഗ്ദ്ധര് ചൂണ്ടിക്കാട്ടുന്നു.
സംവിധായിക നല്കിയ പരാതിയില് സ്ത്രീകളെ ശാരീരികമായി ആക്രമിക്കുക, ലൈംഗിക ഉദ്ദേശ്യത്തോടെയുള്ള ശാരീരിക സമ്പര്ക്കം, ലൈംഗിക പരാമര്ശങ്ങള് നടത്തുക തുടങ്ങിയ വകുപ്പുകളാണ് പോലീസ് ചുമത്തിയിട്ടുള്ളത്. ഈ വകുപ്പുകള് പ്രകാരം അറസ്റ്റ് ഒഴിവാക്കാന് അദ്ദേഹത്തിന് കഴിഞ്ഞേക്കും.
തിരുവനന്തപുരത്ത് നടന്ന അന്താരാഷ്ട്ര ചലച്ചിത്രോത്സവത്തിലേക്ക് മലയാള സിനിമകള് തിരഞ്ഞെടുക്കുന്ന കമ്മിറ്റിയുടെ അധ്യക്ഷനായിരുന്നു പി.ടി. കുഞ്ഞുമുഹമ്മദ്. ഇതിനായുള്ള യോഗത്തിനെത്തിയപ്പോഴാണ് ചലച്ചിത്ര അക്കാദമിയുടെ അതിഥികളായി ഇരുവരും ഒരേ ഹോട്ടലില് താമസിച്ചത്.
ഹോട്ടല് മുറിയില് വെച്ച് തന്റെ സമ്മതമില്ലാതെ ശരീരത്തില് കടന്നുപിടിക്കുകയും അപമാനിക്കുകയും ചെയ്തു എന്നാണ് സംവിധായികയുടെ ആരോപണം. ഈ വിവരം ചൂണ്ടിക്കാട്ടി മുഖ്യമന്ത്രിക്കും ചലച്ചിത്ര അക്കാദമിക്കും അവര് നേരത്തെ തന്നെ പരാതി നല്കിയിരുന്നു.
സംവിധായിക നവംബര് 27-ന് മുഖ്യമന്ത്രിക്ക് പരാതി നല്കിയിരുന്നെങ്കിലും പോലീസ് കേസെടുത്തത് ഡിസംബര് 8-ന് മാത്രമാണ്. കേസെടുക്കാന് കന്റോണ്മെന്റ് പോലീസ് വൈകി എന്നുള്ള വിവാദം ഈ ദിവസങ്ങളില് ശക്തമായിരുന്നു.
Disclaimer: The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
