തിരുവനന്തപുരം: നേമത്ത് ഇനി മത്സരത്തിനില്ലെന്ന പ്രസ്താവനയുമായി മന്ത്രി വി. ശിവന്കുട്ടി രംഗത്തെത്തിയതോടെ തലസ്ഥാനത്തെ രാഷ്ട്രീയ സമവാക്യങ്ങള് മാറിമറിയുന്നു. ബിജെപി സംസ്ഥാന അധ്യക്ഷന് രാജീവ് ചന്ദ്രശേഖറിനെ തന്നെ കളത്തിലിറക്കി നേമം തിരിച്ചുപിടിക്കാന് എന്ഡിഎ ഒരുങ്ങുമ്പോഴാണ്, പരോക്ഷമായി മണ്ഡലം വിടാനുള്ള സൂചന ശിവന്കുട്ടി നല്കിയത്. എന്നാല് താന് മത്സരിക്കില്ലെന്ന് എവിടെയും പറഞ്ഞിട്ടില്ലെന്നും അന്തിമ തീരുമാനം പാര്ട്ടിയുടേതാണെന്നും അദ്ദേഹം പിന്നീട് തിരുത്തി. നേമത്തെ കടുത്ത പോരാട്ടത്തില് നിന്ന് മാറി തിരുവനന്തപുരം സെന്ട്രല് സീറ്റില് ഭാഗ്യം പരീക്ഷിക്കാനാണ് ശിവന്കുട്ടി ലക്ഷ്യമിടുന്നതെന്നാണ് സൂചന.
പ്രേമചന്ദ്രന് വന് തിരിച്ചടി; ആര്.എസ്.പിയില് പിടിമുറുക്കി ഷിബു ബേബി ജോണ്; അസീസ്-ഷിബു അച്ചുതണ്ടിന് വിജയം; വിഷ്ണു മോഹന് സമവായ സ്ഥാനാര്ത്ഥി
നിലവില് ഘടകകക്ഷിയായ ജനാധിപത്യ കേരള കോണ്ഗ്രസിന്റെ ആന്റണി രാജു പ്രതിനിധീകരിക്കുന്ന ഈ സീറ്റ് സിപിഎം ഏറ്റെടുക്കാനാണ് സാധ്യത. ആന്റണി രാജുവിന് ഇത്തവണ മത്സരിക്കാന് കഴിയില്ല. ജട്ടിക്കേസിലെ കോടതി വിധിയാണ് ഇതിന് കാരണം. ഇതോടെയാണ് സുരക്ഷിത താവളം തേടി ശിവന്കുട്ടി സെന്ട്രലിലേക്ക് കണ്ണ് വെക്കുന്നത്. ന്യൂനപക്ഷ വോട്ടുകള്ക്ക് വലിയ സ്വാധീനമുള്ള തിരുവനന്തപുരം സെന്ട്രലില് ശിവന്കുട്ടിക്ക് മികച്ച സാധ്യതയുണ്ട്. നേമത്ത് കഴിഞ്ഞ ലോക്സഭാ തിരഞ്ഞെടുപ്പില് ബിജെപി നേടിയ 22,000 വോട്ടിന്റെ ഭീമമായ ലീഡ് മറികടക്കുക എന്നത് വലിയ വെല്ലുവിളിയാണെന്ന് സിപിഎമ്മിന് ബോധ്യമുണ്ട്.
പരാജയഭീതി മൂലമാണ് ശിവന്കുട്ടി പിന്മാറുന്നതെന്ന പരിഹാസവുമായി കോണ്ഗ്രസ് രംഗത്തെത്തിയെങ്കിലും, തന്ത്രപരമായ നീക്കത്തിലൂടെ തലസ്ഥാനത്തെ രണ്ട് സീറ്റുകളിലും വിജയം ഉറപ്പിക്കാനാണ് ഇടതുമുന്നണിയുടെ നീക്കം. ശിവന്കുട്ടി സെന്ട്രലിലേക്ക് മാറിയാല് നേമത്ത് ബിജെപിയെ തടയാന് ആരെ നിയോഗിക്കും എന്നത് സിപിഎമ്മിന് മുന്നിലുള്ള കീറാമുട്ടിയായി തുടരും. നേമത്ത് ഇനി മത്സരത്തിനില്ലെന്ന് പറഞ്ഞെങ്കിലും, അന്തിമ തീരുമാനം ഇടതുമുന്നണിയുടേതും പാര്ട്ടിയുടേതുമായിരിക്കുമെന്ന് മന്ത്രി വി. ശിവന്കുട്ടി വ്യക്തമാക്കിയിട്ടുണ്ട്.
‘സഹോദരന്റെ രക്തസാക്ഷിത്വം വിറ്റുതുലച്ചവരല്ല ഞങ്ങള്’; പാര്ട്ടിക്കെതിരെ ആഞ്ഞിലി മരം വെട്ടിവിറ്റ ചരിത്രം; സുധാകരന് ‘വര്ഗ്ഗവഞ്ചകന്’ അല്ല! സിപിഎമ്മിനെ പ്രതിരോധിക്കാന് സുധാകരനും റെഡ്ഡി
ബിജെപി തങ്ങളുടെ കരുത്തനായ സംസ്ഥാന അധ്യക്ഷന് രാജീവ് ചന്ദ്രശേഖറിനെ തന്നെ മണ്ഡലത്തില് ഇറക്കി പൂട്ടിയ അക്കൗണ്ട് തുറക്കാന് ശ്രമിക്കുമ്പോള്, ശിവന്കുട്ടിയല്ലാതെ മറ്റൊരു മികച്ച ചോയ്സ് സിപിഎമ്മിന് മുന്നിലില്ലെന്നതാണ് വസ്തുത. 2011-ലും 2021-ലും ബിജെപിയുടെ വിജയസാധ്യതകളെ തകര്ത്ത് മണ്ഡലം ഇടതിനൊപ്പം നിര്ത്തിയ പോരാട്ട വീര്യമാണ് ശിവന്കുട്ടിക്കുള്ളത്. ലോക്സഭാ തിരഞ്ഞെടുപ്പില് രാജീവ് ചന്ദ്രശേഖര് നേടിയ 22,000 വോട്ടിന്റെ ലീഡും തദ്ദേശ തിരഞ്ഞെടുപ്പിലെ ബിജെപിയുടെ മുന്നേറ്റവും സിപിഎമ്മിനെ ആശങ്കപ്പെടുത്തുന്നുണ്ട്. അതുകൊണ്ടുതന്നെ, പരാജയഭീതി മൂലമാണ് ശിവന്കുട്ടി പിന്മാറുന്നതെന്ന വാദം കോണ്ഗ്രസ് ഉയര്ത്തിയിട്ടുണ്ട്.
കഴിഞ്ഞ ലോക്സഭാ തിരഞ്ഞെടുപ്പില് രാജീവ് ചന്ദ്രശേഖര് നേമത്ത് നേടിയ 22,000-ത്തിലധികം വോട്ടുകളുടെ ലീഡും, തദ്ദേശ തിരഞ്ഞെടുപ്പില് കോര്പ്പറേഷന് വാര്ഡുകളില് ബിജെപി കാഴ്ച്ചവെച്ച മികച്ച പ്രകടനവുമാണ് പാര്ട്ടിക്ക് ആത്മവിശ്വാസം നല്കുന്നത്. നേമം പിടിക്കാന് ഇത്തവണ സംസ്ഥാന അധ്യക്ഷന് തന്നെ നേരിട്ട് എത്തുമെന്നാണ് സൂചന. 2016-ല് ഒ. രാജഗോപാലിലൂടെ നേടിയ വിജയം ആവര്ത്തിക്കാന് കെട്ടുറപ്പുള്ള സംഘടനാ സംവിധാനമാണ് ബിജെപി മണ്ഡലത്തില് ഒരുക്കുന്നത്.
Disclaimer: The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
