തിരുവനന്തപുരം: കേരള രാഷ്ട്രീയത്തിന്റെ ഭാവിയായി ഉയര്ത്തിക്കാട്ടപ്പെടുന്ന ശശി തരൂര് എംപിയെ നിയമസഭാ തിരഞ്ഞെടുപ്പ് ഗോദയില് തളയ്ക്കാന് കോണ്ഗ്രസിനുള്ളില് തന്നെ കരുനീക്കങ്ങള് സജീവമാകുന്നു. നിയമസഭയിലേക്ക് മത്സരിക്കാന് തരൂര് താല്പര്യം പ്രകടിപ്പിച്ചാല്, അദ്ദേഹത്തിന് ഏറ്റവും സുരക്ഷിതമായ മണ്ഡലം നല്കുന്നതിന് പകരം ബിജെപിയുടെ കരുത്തുറ്റ കോട്ടയായ നേമം തന്നെ നല്കി അദ്ദേഹത്തെ വെട്ടിലാക്കാനാണ് പാര്ട്ടിയിലെ ഒരു വിഭാഗം നേതാക്കളുടെ നീക്കം. വയനാട് കോണ്ക്ലേവില് തരൂര് സജീവമാകുന്ന പശ്ചാത്തലത്തിലാണ് ഈ രാഷ്ട്രീയ ചര്ച്ചകള് ചൂടുപിടിക്കുന്നത്.
2026ലെ ഭരണമാറ്റമോ തിരഞ്ഞെടുപ്പോ കുട്ടികളെ ബാധിക്കില്ല; കരുതലുമായി മന്ത്രിയപ്പൂപ്പന്; 2026-27 വര്ഷത്തെ പാഠപുസ്തക അച്ചടിക്ക് ഇപ്പോഴേ അനുമതി; പഠനം സുഗമമാക്കാന് പാഠപുസ്തകം അടുത്ത അധ്യയന വര്ഷവും കൃത്യമായെത്തും; അച്ചടിയിലെ പൊതുമേഖലാ കരുത്ത് വീണ്ടും തെളിയും
തിരുവനന്തപുരം ലോക്സഭാ മണ്ഡലത്തില് തുടര്ച്ചയായി വിജയിക്കുമ്പോഴും നേമം നിയമസഭാ മണ്ഡല പരിധിയില് തരൂര് വിയര്ക്കുന്ന കാഴ്ചയാണ് കഴിഞ്ഞ മൂന്ന് തിരഞ്ഞെടുപ്പുകളിലും കണ്ടത്. കഴിഞ്ഞ ലോക്സഭാ തിരഞ്ഞെടുപ്പില് രാജീവ് ചന്ദ്രശേഖര് നേമത്ത് തരൂരിനേക്കാള് 22,000-ത്തിന് മുകളില് വോട്ടുകളുടെ ലീഡ് നേടിയിരുന്നു. നിയമസഭാ തിരഞ്ഞെടുപ്പിലാകട്ടെ, കോണ്ഗ്രസ് ഇവിടെ ദയനീയമായി മൂന്നാം സ്ഥാനത്തേക്ക് പിന്തള്ളപ്പെട്ട ചരിത്രമാണുള്ളത്. ഈ പ്രതികൂല സാഹചര്യം മുന്നിര്ത്തി തരൂരിനെ നേമത്തേക്ക് അയക്കുന്നതിലൂടെ അദ്ദേഹത്തിന്റെ രാഷ്ട്രീയ മുന്നേറ്റത്തിന് തടയിടാമെന്നാണ് ഒരു വിഭാഗം കണക്കുകൂട്ടുന്നത്.
ബിജെപിക്കായി രാജീവ് ചന്ദ്രശേഖറും എല്ഡിഎഫിനായി മന്ത്രി വി. ശിവന്കുട്ടിയും വീണ്ടും അങ്കത്തിനിറങ്ങിയാല് നേമത്ത് തരൂര് നേരിടേണ്ടി വരിക തീപാറുന്ന പോരാട്ടമായിരിക്കും. ബിജെപി തങ്ങളുടെ ആദ്യ അക്കൗണ്ട് തുറന്ന മണ്ഡലം തിരിച്ചുപിടിക്കാന് രാജീവ് ചന്ദ്രശേഖറിലൂടെ സര്വ്വസജ്ജമാകുമ്പോള്, മണ്ഡലത്തിലെ വ്യക്തിപരമായ സ്വാധീനം വോട്ടാക്കി മാറ്റാനാണ് ശിവന്കുട്ടിയുടെ ശ്രമം. ന്യൂനപക്ഷ വോട്ടുകള് തരൂരിലേക്ക് കേന്ദ്രീകരിക്കപ്പെടുമെന്ന പ്രതീക്ഷയുണ്ടെങ്കിലും, ബിജെപി വോട്ടുകള് ഏകീകരിക്കപ്പെടുന്നത് തരൂരിന് വലിയ ഭീഷണിയാകും. ബിജെപിയുടെ മടയായാണ് നേമം വിലയിരുത്തുന്നത്. ഇതിന് കാരണം ഒ രാജഗോപാലിന്റെ വിജയമാണ്.
യുഡിഎഫ് വിടാന് ജോസഫ്…. തടയാന് മോന്സ്; പിളര്പ്പിലേക്ക് കേരള കോണ്ഗ്രസ് ജോസഫ് ഗ്രൂപ്പ്? അപു ജോസഫിന്റെ രാഷ്ട്രീയ പ്രവേശനം ചര്ച്ചകളില്; ജോസ് കെ മാണിയുടെ വലയില് വീഴാതെ മോന്സ് ജോസഫ്; കടുത്തുരുത്തിയില് മോന്സ് യുഡിഎഫിനായി മത്സരിക്കും
സുരക്ഷിതമായ മറ്റു മണ്ഡലങ്ങള് തരൂരിന് നല്കാതിരിക്കുക വഴി, അദ്ദേഹത്തെ കേരള രാഷ്ട്രീയത്തിലെ ‘ക്രൈസിസ് മാനേജര്’ എന്ന നിലയില് ഏറ്റവും പ്രയാസമേറിയ മണ്ഡലം ജയിപ്പിക്കാന് വെല്ലുവിളിക്കുകയാണ് നേതൃത്വത്തിന്റെ തന്ത്രം. നേമത്ത് പരാജയപ്പെട്ടാല് തരൂരിന്റെ മുഖ്യമന്ത്രി മോഹങ്ങള്ക്ക് അത് തിരിച്ചടിയാകും, മറിച്ച് വിജയിച്ചാല് അത് കോണ്ഗ്രസിന് നഷ്ടപ്പെട്ട വലിയൊരു കോട്ട തിരിച്ചുപിടിച്ചതിന്റെ ക്രെഡിറ്റായും മാറും. എന്തായാലും നേമത്തെ ഈ ‘ത്രികോണ പത്മവ്യൂഹത്തില്’ തരൂര് എങ്ങനെ കളം പിടിക്കുമെന്നത് 2026-ലെ തിരഞ്ഞെടുപ്പിലെ ഏറ്റവും വലിയ ആകാംക്ഷയായിരിക്കും.
കോണ്ഗ്രസ് തുടര്ച്ചയായി മൂന്നാം സ്ഥാനത്തേക്ക് തള്ളപ്പെട്ട, ബിജെപിക്ക് വന് സ്വാധീനമുള്ള നേമത്ത് തരൂരിനെ മത്സരിപ്പിക്കുന്നതിലൂടെ തരൂരിന്റെ രാഷ്ട്രീയ ഭാവി തന്നെ അവസാനിപ്പിക്കാമെന്നാണ് കോണ്ഗ്രസിലെ കണക്കുകൂട്ടല്. വയനാട്ടിലെ ചിന്തന് ശിബിരത്തില് തരൂര് നിറഞ്ഞുനില്ക്കുന്നതിനിടെയാണ് അദ്ദേഹത്തെ വെട്ടാന് ഈ ‘നേമം പ്ലാന്’ അണിയറയില് തയ്യാറായത്. ബിജെപിയുടെ ‘ഗുജറാത്ത്’ എന്ന് അറിയപ്പെടുന്ന നേമത്ത് രാജീവ് ചന്ദ്രശേഖറും എല്ഡിഎഫിന്റെ വി. ശിവന്കുട്ടിയും കളം നിറഞ്ഞു കഴിഞ്ഞു. ബിജെപിയെ തോല്പ്പിക്കാന് എന്ന പേരില് തരൂരിനെ അവിടെ ബലിയാടാക്കുന്നതിലൂടെ രണ്ടു ഗുണങ്ങളാണ് ഗ്രൂപ്പ് നേതാക്കള് കാണുന്നത്.
ജയിച്ചാല് ബിജെപി കോട്ട പിടിച്ച പ്രതാപം കോണ്ഗ്രസിന് കിട്ടും, തോറ്റാല് തരൂരിന്റെ മുഖ്യമന്ത്രി മോഹങ്ങള് അവിടെ അവസാനിക്കും. ഒരിക്കലും ജയിക്കാന് സാധ്യതയില്ലാത്ത മണ്ഡലം തരൂരിന് നല്കി അദ്ദേഹത്തെ രാഷ്ട്രീയമായി തളയ്ക്കുക എന്നതാണ് ഈ നീക്കത്തിന് പിന്നിലെ രഹസ്യം.
