തിരുവനന്തപുരം: ‘അഴിമതിമുക്ത കേരളം’ എന്ന ലക്ഷ്യത്തോടെ 2025-ല് ചരിത്രപരമായ നേട്ടങ്ങള് കൈവരിച്ച് സംസ്ഥാന വിജിലന്സ് ആന്ഡ് ആന്റി കറപ്ഷന് ബ്യൂറോ. അഴിമതിക്കെതിരെ വിട്ടുവീഴ്ചയില്ലാത്ത നിലപാടുകള് സ്വീകരിച്ച കഴിഞ്ഞ വര്ഷം, റെക്കോര്ഡ് എണ്ണം ട്രാപ്പ് കേസുകളിലൂടെയും മിന്നല് പരിശോധനകളിലൂടെയും അഴിമതിക്കാരായ ഉദ്യോഗസ്ഥരെ നിയമത്തിന് മുന്നിലെത്തിക്കാന് വിജിലന്സിന് സാധിച്ചു. ഡിജിപി മനോജ് എബ്രഹാം ആണ് വിജിലന്സിനെ നയിക്കുന്നത്.
ദ്വീപ് സമൂഹങ്ങളെ സൈനിക കേന്ദ്രങ്ങളാക്കി മാറ്റുന്നതോടെ ഇന്ത്യന് മഹാസമുദ്രത്തിലെ ‘നെറ്റ് സെക്യൂരിറ്റി പ്രൊവൈഡര്’ എന്ന പദവി ഇന്ത്യയ്ക്ക് ഉറപ്പിക്കാനാകും; കടലിലെ ചൈനീസ് കോട്ടയ്ക്ക് ഇന്ത്യയുടെ മറുപടി; ലക്ഷദ്വീപും ആന്ഡമാനും വന് സൈനിക കേന്ദ്രങ്ങളാകുന്നു
സംസ്ഥാന വിജിലന്സ് ആന്ഡ് ആന്റി കറപ്ഷന് ബ്യൂറോയുടെ ഡയറക്ടറായി സേവനമനുഷ്ഠിക്കുന്ന 1994 ബാച്ച് ഐ.പി.എസ് ഉദ്യോഗസ്ഥനാണ് മനോജ് എബ്രഹാം. മുമ്പ് എ.ഡി.ജി.പി (ക്രമസമാധാനം), ഇന്റലിജന്സ് മേധാവി തുടങ്ങിയ സുപ്രധാന പദവികള് വഹിച്ചിട്ടുണ്ട്. ഹൈദരാബാദ് സര്വ്വകലാശാലയില് നിന്നും ഉന്നത വിദ്യാഭ്യാസം പൂര്ത്തിയാക്കി. കേരള പൊലീസിന്റെ സൈബര് സുരക്ഷാ വിഭാഗമായ ‘സൈബര്ഡോമി’ന്റെ ശില്പിയും നോഡല് ഓഫീസറുമായിരുന്നു. അഴിമതി വിരുദ്ധ പോരാട്ടത്തില് 2025-ല് റെക്കോര്ഡ് നേട്ടങ്ങള് കൈവരിക്കാന് വിജിലന്സിനെ നയിച്ചു. കണ്ണൂര് എസ്.പി ആയിരുന്ന കാലയളവില് അവിടുത്തെ രാഷ്ട്രീയ സംഘര്ഷങ്ങള് നിയന്ത്രിക്കുന്നതില് പ്രധാന പങ്ക് വഹിച്ചു. കൊച്ചി, തിരുവനന്തപുരം എന്നിവിടങ്ങളില് സിറ്റി പോലീസ് കമ്മീഷണറായി സേവനമനുഷ്ഠിച്ചിട്ടുണ്ട്.
വിശിഷ്ട സേവനത്തിനുള്ള രാഷ്ട്രപതിയുടെ പോലീസ് മെഡലും മെറിറ്റോറിയസ് സര്വീസിനുള്ള പോലീസ് മെഡലും ലഭിച്ചിട്ടുണ്ട്. കൂടാതെ സൈബര് സുരക്ഷ, കമ്മ്യൂണിറ്റി പോലീസിംഗ് എന്നീ മേഖലകളില് അന്താരാഷ്ട്ര പുരസ്കാരങ്ങളും നേടിയിട്ടുണ്ട്. അഴിമതി രഹിത കേരളം എന്ന ലക്ഷ്യത്തോടെയുള്ള പ്രവര്ത്തനങ്ങള്ക്കും, പോലീസിംഗില് സാങ്കേതികവിദ്യ നടപ്പിലാക്കുന്നതിനും വിജിലന്സിന് കരുത്താകുന്നതും മനോജ് എബ്രഹാമിന്റെ നേതൃത്വമാണ്. കേരളത്തില് സൈബര് കുറ്റകൃത്യങ്ങളെ തടയാന് കഴിയുന്നതിന് കാരണം സൈബര് ഡോം ബുദ്ധിയാണ്. കണ്ണൂരില് എസ് പിയായിരിക്കെ കാര്ക്കശ്യ നിലപാടുകാരനായിരുന്നു. കൊച്ചിയിലും തിരുവനന്തപുരത്തുമെല്ലാം ഗുണ്ടകളെ അമര്ച്ച ചെയ്തു. വിജിലന്സില് എത്തിയപ്പോള് അഴിമതിക്കാര് നെട്ടോട്ടത്തിലുമാകുന്നു.
ഗള്ഫ് യുദ്ധപ്രതിസന്ധി: ഇന്ത്യക്ക് കനത്ത പ്രഹരമേല്ക്കും; സ്വയംപര്യാപ്തതയല്ലാതെ മറ്റ് വഴികളില്ല
2025ലെ വിജിലന്സിന്റെ പ്രധാന നേട്ടങ്ങള്:
റെക്കോര്ഡ് അറസ്റ്റുകള്: 2025-ല് മാത്രം 55 കേസുകളിലായി ഉദ്യോഗസ്ഥരും ഇടനിലക്കാരുമുള്പ്പെടെ 74 പ്രതികളെയാണ് വിജിലന്സ് അറസ്റ്റ് ചെയ്തത്. ഇതില് കേന്ദ്ര-സംസ്ഥാന ഉദ്യോഗസ്ഥര് ഒരുപോലെ ഉള്പ്പെടുന്നു.
ഇന്റേണല് വിജിലന്സ്: എല്ലാ സര്ക്കാര് വകുപ്പുകളിലും ഇന്റേണല് വിജിലന്സ് സംവിധാനം കൊണ്ടുവരുന്നതിന് വിജിലന്സ് നോഡല് ഏജന്സിയായി പ്രവര്ത്തിച്ചു.
അടിസ്ഥാന സൗകര്യ വികസനം: കേന്ദ്ര സര്ക്കാര് നിര്ദ്ദേശപ്രകാരം കാലപ്പഴക്കം ചെന്ന വാഹനങ്ങള് മാറ്റേണ്ടി വന്ന സാഹചര്യം കണക്കിലെടുത്ത്, അന്വേഷണങ്ങളെ ബാധിക്കാതിരിക്കാന് സര്ക്കാര് പ്രത്യേക തുക അനുവദിക്കുകയും വിജിലന്സിന് പുതിയ വാഹനങ്ങള് വാങ്ങുകയും ചെയ്തു.
തസ്തികകള് നികത്തി: വിജിലന്സിലെ ഒഴിഞ്ഞുകിടന്ന മുഴുവന് തസ്തികകളിലും ഉദ്യോഗസ്ഥരെ നിയമിച്ചുകൊണ്ട് പ്രവര്ത്തനങ്ങള് കൂടുതല് ഊര്ജ്ജസ്വലമാക്കി.
ബോധവല്ക്കരണവും സോഷ്യല് മീഡിയയും: അഴിമതിക്കെതിരെ പൊതുജനങ്ങളെ ബോധവല്ക്കരിക്കുന്നതിനായി സോഷ്യല് മീഡിയ പ്ലാറ്റ്ഫോമുകള് വിജിലന്സ് കാര്യക്ഷമമായി ഉപയോഗിച്ചു. ഇതിലൂടെ അഴിമതിയുടെ ദൂഷ്യവശങ്ങളെക്കുറിച്ച് നല്കിയ സന്ദേശങ്ങള് ജനങ്ങള്ക്ക് വിജിലന്സിലുള്ള വിശ്വാസം വര്ദ്ധിപ്പിക്കാന് സഹായിച്ചു.
ഡയറക്ടറുടെ പുതുവത്സര സന്ദേശം: ഐശ്വര്യപൂര്ണ്ണവും അഴിമതിരഹിതവുമായ ഒരു പുതുവര്ഷം വിജിലന്സ് ഡയറക്ടര് മനോജ് എബ്രഹാം ഐ.പി.എസ് പൊതുജനങ്ങള്ക്ക് നേരുകയും വരും വര്ഷങ്ങളിലും ജനങ്ങളുടെ പൂര്ണ്ണ സഹകരണം അഭ്യര്ത്ഥിക്കുകയും ചെയ്തു. അഴിമതിക്കെതിരെയുള്ള സര്ക്കാര് കാഴ്ചപ്പാട് വ്യക്തമാക്കുന്ന ഇത്തരം പ്രവര്ത്തനങ്ങളിലൂടെ കേരളത്തെ അഴിമതിരഹിത സംസ്ഥാനമാക്കാനുള്ള ശ്രമങ്ങള് തുടരുമെന്നും അദ്ദേഹം വ്യക്തമാക്കി.
മറ്റ് വിജിലന്സ് അന്വേഷണ വിശദാംശങ്ങള്
ഏറ്റവും കൂടുതല് കേസുകള്: റവന്യൂ വകുപ്പിലാണ് ഏറ്റവും കൂടുതല് കേസുകള് റിപ്പോര്ട്ട് ചെയ്തത് (20 കേസുകള്). തദ്ദേശസ്വയംഭരണ വകുപ്പ് (12), പോലീസ് (6), വിദ്യാഭ്യാസം (3), കെ.എസ്.ഇ.ബി (3) എന്നിവയാണ് തൊട്ടുപിന്നിലുള്ള മറ്റ് വകുപ്പുകള്.
മേഖല തിരിച്ചുള്ള കണക്ക്: ഏറ്റവുമധികം ട്രാപ്പ് കേസുകള് റിപ്പോര്ട്ട് ചെയ്തത് എറണാകുളം ആസ്ഥാനമായ മധ്യമേഖലയില് നിന്നാണ് (28 കേസുകള്). കോഴിക്കോട് (15), കോട്ടയം (9), തിരുവനന്തപുരം (5) എന്നിങ്ങനെയാണ് മറ്റ് മേഖലകളിലെ കണക്കുകള്.
മിന്നല് പരിശോധനകള്: അഴിമതി തടയുന്നതിനായി സംസ്ഥാന വ്യാപകമായി 1152 മിന്നല് പരിശോധനകള് 2025-ല് നടത്തി.
ശിക്ഷാവിധി: വിവിധ വിജിലന്സ് കോടതികളിലായി വിചാരണ നടന്ന 30 കേസുകളില് നിന്നായി 39 പ്രതികളെ കോടതി ശിക്ഷിച്ചു.
നൂതന പദ്ധതികളും ഓപ്പറേഷനുകളും: അഴിമതിയും ക്രമക്കേടുകളും കണ്ടെത്തുന്നതിനായി വിവിധ വകുപ്പുകളില് പ്രത്യേക ഓപ്പറേഷനുകള് വിജിലന്സ് സംഘടിപ്പിച്ചു.
ഓപ്പറേഷന് അധിഗ്രഹണ്: റവന്യൂ വകുപ്പിലെ ഹൈവേ വികസനവുമായി ബന്ധപ്പെട്ട സ്ഥലം ഏറ്റെടുക്കല് ക്രമക്കേടുകള് പരിശോധിക്കാന്.
ഓപ്പറേഷന് ഹരിത കവചം: നിലം-തണ്ണീര്ത്തട തരംമാറ്റത്തിലെ ക്രമക്കേടുകള്ക്കായി.
ഓപ്പറേഷന് സേഫ് സിപ്പ് & ബാര് കോഡ്: എക്സൈസ് വകുപ്പിലെ അഴിമതിയും അനധികൃത മദ്യവില്പ്പനയും തടയാന്.
മറ്റ് ഓപ്പറേഷനുകള്: ഓപ്പറേഷന് ക്ലീന് വീല്സ് (മോട്ടോര് വാഹന വകുപ്പ്), ഓപ്പറേഷന് സെക്യൂര് ലാന്ഡ് (രജിസ്ട്രേഷന് വകുപ്പ്), ഓപ്പറേഷന് വനരക്ഷ (വനം വകുപ്പ്), ഓപ്പറേഷന് ബ്ലാക്ക് ബോര്ഡ് (വിദ്യാഭ്യാസ വകുപ്പ്).
അടിസ്ഥാന സൗകര്യ വികസനം:
വിജിലന്സ് ഓഫീസ് കോംപ്ലക്സ്: തിരുവനന്തപുരം മുട്ടത്തറയില് 6736 ചതുരശ്ര മീറ്റര് വിസ്തൃതിയില് നാല് നിലകളിലായുള്ള അത്യാധുനിക വിജിലന്സ് ഓഫീസ് കോംപ്ലക്സിന്റെ നിര്മ്മാണം അവസാന ഘട്ടത്തിലാണ്.
പുതിയ കോടതി: കേസുകള് വേഗത്തില് തീര്പ്പാക്കുന്നതിനായി കൊല്ലത്ത് പുതിയ വിജിലന്സ് കോടതി നിലവില് വന്നു.
പരാതികള് അറിയിക്കാന്: അഴിമതി സംബന്ധിച്ച വിവരങ്ങള് താഴെ പറയുന്ന നമ്പറുകളില് അറിയിക്കാവുന്നതാണ്:
ടോള് ഫ്രീ നമ്പര്: 1064
ഫോണ്: 8592900900
വാട്സ്ആപ്പ്: 9447789100
Disclaimer: The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
