കണ്ണൂര് : കണ്ണൂർ അഞ്ചരക്കണ്ടി ഡെന്റല് കോളജ് വിദ്യാര്ഥിയായിരുന്ന നിതിന് രാജ് ജീവനൊടുക്കിയതുമായി ബന്ധപ്പെട്ട ലോണ് ആപ്പ് കേസിലെ മുഖ്യപ്രതി അറസ്റ്റില്. യുപി സ്വദേശിയായ സൗരവ്(22) ആണ് അറസ്റ്റിലായത്. ഡല്ഹിയില് വച്ച് കണ്ണൂര് ക്രൈംബ്രാഞ്ച് ഇന്സ്പെക്ടര് ശ്രീജിത്ത് കോടേരിയാണ് ഇയാളെ അറസ്റ്റ് ചെയ്തത്. ഹരിയാന സ്വദേശി ജയ് പ്രകാശ്, ഉത്തര് പ്രദേശ് സ്വദേശികളായ പ്രശാന്ത് കേവല്, ഋഷികേശ് തിവാരി എന്നിവരെ നേരത്തേ അറസ്റ്റ് ചെയ്തിരുന്നു.
മുഖ്യമന്ത്രിയോട് ചോദ്യങ്ങളുമായി ലാലേട്ടന്! പിണറായിയും മോഹന്ലാലും ഒന്നിച്ചുള്ള ചിത്രങ്ങള് വൈറല്
കണ്ണൂര് ക്രൈംബ്രാഞ്ച് എസ്പി പി. ബാലകൃഷ്ണന് നായരുടെ മേല്നോട്ടത്തില് ഡിവൈഎസ്പി ജീവന് ജോര്ജ് ആണ് ലോണ് ആപ്പ് കേസ് അന്വേഷിക്കുന്നത്. ഏപ്രില് പത്തിനാണു നിതിന്രാജ് മെഡിക്കല് കോളജ് കെട്ടിടത്തിനു മുകളില് നിന്നുചാടി മരിച്ചത്. നിതിന് രാജിന്റെ മരണത്തില് ‘ഇന്സ്റ്റ പേ ലോണ്’ ആപ്പിനെതിരെ കേസെടുത്തിരുന്നു. ബിഎന്എസ് 308 ഉള്പ്പെടെയുള്ള വകുപ്പുകള് ചുമത്തിയാണ് കേസ്. 36% പലിശയ്ക്കാണു നിതിന് 15000 രൂപ വായ്പ നല്കിയതെന്നാണ് എഫ്ഐആറില് ഉള്ളത്. തുക തിരിച്ചു പിടിക്കുന്നതിനായി ലോണ് ആപ്പുകാര് ഫോണിലൂടെ നിതിനെ നിരന്തരം ഭീഷണിപ്പെടുത്തിയെന്നും മാനസികമായി പ്രതിസന്ധിയിലാക്കിയെന്നും എഫ്ഐആറിലുണ്ട്. ജീവനൊടുക്കിയതിന്റെ തലേന്ന് ഇന്സ്റ്റ പേ എന്ന ലോണ് ആപ്പില് നിന്ന് നിതിന്റെ ഫോണിലേക്ക് 98 കോളുകളും 9 വാട്സാപ് മെസേജുകളും വന്നതായി കണ്ടെത്തിയിരുന്നു.
പോലീസ് ഓഫീസേഴ്സ് അസോസിയേഷൻ പുതിയ ഭാരവാഹി: ആർ.കെ. ജ്യോതിഷ് വൈസ് പ്രസിഡന്റായി തിരഞ്ഞെടുക്കപ്പെട്ടു
