ലഖ്നൗ: ഉത്തർപ്രദേശിലെ വിവിധ ജില്ലകളിൽ ബുധൻ, വ്യാഴം ദിവസങ്ങളിലായി ഉണ്ടായ അതിശക്തമായ കൊടുങ്കാറ്റിലും കനത്ത മഴയിലും 111 പേർ മരിച്ചതായി ഔദ്യോഗിക റിപ്പോർട്ടുകൾ വ്യക്തമാക്കുന്നു. കനത്ത ആലിപ്പഴ വർഷത്തോടൊപ്പം പെയ്ത മഴയിലും മിന്നലിലും പെട്ട് 25 ജില്ലകളിലായി 72 പേർക്ക് പരിക്കേറ്റു. ശക്തമായ കാറ്റിൽ മരങ്ങൾ വേരോടെ പിഴുതെറിയപ്പെടുകയും വൈദ്യുതി പോസ്റ്റുകൾ തകരുകയും നിരവധി വീടുകൾക്ക് കേടുപാടുകൾ സംഭവിക്കുകയും ചെയ്തു.
അക്കൗണ്ട് പുനഃസ്ഥാപിക്കാൻ ഉത്തരവിടാനാകില്ല ; കോക്രോച്ച് ജനതാ പാർട്ടിയുടെ ഹർജി തള്ളി ഹൈക്കോടതി
സംസ്ഥാന റിലീഫ് കമ്മീഷണർ ഋഷികേശ് ഭാസ്കർ യശോദിന്റെ കാര്യാലയം പുറത്തുവിട്ട കണക്കുകൾ പ്രകാരം പ്രയാഗ്രാജിലാണ് ഏറ്റവും കൂടുതൽ മരണം റിപ്പോർട്ട് ചെയ്തത്. ഇവിടെ മാത്രം 21 പേർക്ക് ജീവൻ നഷ്ടമായി. മിർസാപൂരിൽ 19 പേരും സന്ത് രവിദാസ് നഗറിൽ 16 പേരും ഫത്തേപൂരിൽ 11 പേരും മരണപ്പെട്ടതായി അധികൃതർ അറിയിച്ചു.
ദുരന്തത്തിൽ മനുഷ്യജീവന് പുറമെ കന്നുകാലികൾക്കും വൻതോതിലുള്ള നാശനഷ്ടങ്ങൾ സംഭവിച്ചിട്ടുണ്ട്. വിവിധ ജില്ലകളിലായി ഏകദേശം 170 വളർത്തുമൃഗങ്ങൾ ചത്തതായും 227 വീടുകൾ പൂർണ്ണമായോ ഭാഗികമായോ തകർന്നതായും റിപ്പോർട്ടുകൾ സൂചിപ്പിക്കുന്നു. ദുരിതബാധിത മേഖലകളിൽ രക്ഷാപ്രവർത്തനം ഊർജ്ജിതമായി തുടരുകയാണ്.
രാമക്ഷേത്ര നിര്മാണത്തിന് മുന്പ് ഇത്തരമൊരു അവകാശവാദം ഉന്നയിച്ചാല് ആളുകള് പരിഹസിക്കുമായിരുന്നു; ഭാരതം നേരത്തേതന്നെ ഹിന്ദുരാഷ്ട്രം; പ്രഖ്യാപിക്കേണ്ട ആവശ്യമില്ലെന്ന് മോഹന് ഭാഗവത്
ഇന്റഗ്രേറ്റഡ് കൺട്രോൾ ആൻഡ് കമാൻഡ് സെന്റർ വഴി സംസ്ഥാനത്തെ സാഹചര്യം നിരന്തരം നിരീക്ഷിച്ചുവരികയാണെന്ന് റിലീഫ് കമ്മീഷണർ വ്യക്തമാക്കി. ദുരന്തബാധിതർക്ക് ആവശ്യമായ സഹായങ്ങൾ ഉറപ്പാക്കാൻ ജില്ലാ ഭരണകൂടങ്ങൾക്ക് അദ്ദേഹം നിർദ്ദേശം നൽകി. കാലാവസ്ഥാ വ്യതിയാനം മൂലം ഉണ്ടായ ഈ അപ്രതീക്ഷിത പ്രകൃതിക്ഷോഭം ഉത്തർപ്രദേശിന്റെ വിവിധ ഭാഗങ്ങളിൽ വലിയ ആഘാതമാണ് സൃഷ്ടിച്ചിരിക്കുന്നത്.
