തിരുവനന്തപുരം: പുതിയ സര്ക്കാര് അധികാരമേല്ക്കുന്നതിന് മുന്നോടിയായി സംസ്ഥാനത്തെ പോലീസ് സേനയില് വന് അഴിച്ചുപണിക്ക് തുടക്കമായി. പത്ത് വര്ഷത്തെ എല്.ഡി.എഫ് ഭരണത്തിന് അറുതി വന്നതോടെ, പോലീസ് ആസ്ഥാനം മുതല് പ്രാദേശിക സ്റ്റേഷനുകള് വരെ ‘മാറി ചിന്തിച്ചു’ തുടങ്ങിയെന്നാണ് ലഭിക്കുന്ന വിവരങ്ങള്. സി.പി.എം അനുകൂല സംഘടനകളില് സജീവമായിരുന്ന ഉദ്യോഗസ്ഥരെ താക്കോല് സ്ഥാനങ്ങളില് നിന്ന് മാറ്റിത്തുടങ്ങിയത് ഇടത് കേന്ദ്രങ്ങളെ അക്ഷരാര്ത്ഥത്തില് ഞെട്ടിച്ചിരിക്കുകയാണ്.
തിരുവനന്തപുരം നഗരത്തിലെ സുപ്രധാന തസ്തികകളിലാണ് ആദ്യഘട്ട മാറ്റങ്ങള് ദൃശ്യമായിരിക്കുന്നത്. എ.ആര് ക്യാമ്പ്, കണ്ട്രോള് റൂം, ട്രാഫിക്, കമ്മീഷണര് ഓഫീസ് എന്നിവിടങ്ങളിലെ റൈറ്റര്, അസിസ്റ്റന്റ് റൈറ്റര് തസ്തികകളില് ഇരുന്നിരുന്ന ഇടത് അനുകൂലികളെ കൂട്ടത്തോടെ മാറ്റി. ഭരണസിരാകേന്ദ്രത്തെ നിയന്ത്രിച്ചിരുന്ന പലരും ഇപ്പോള് ഫീല്ഡ് ഡ്യൂട്ടിയിലേക്ക് മാറ്റപ്പെട്ടിരിക്കുകയാണ്.
പ്രതികാര നടപടിയല്ലെന്ന് വിശദീകരണം: തിരഞ്ഞെടുപ്പ് പെരുമാറ്റച്ചട്ടം നിലനില്ക്കുന്നതിനാല് ‘പ്രത്യേക ക്രമീകരണം’ എന്ന പേരിലാണ് ഈ മാറ്റങ്ങള് നടക്കുന്നത്. എന്നാല്, ഇടത് സര്ക്കാര് അധികാരമേറ്റപ്പോള് വലത് സംഘടനക്കാരെ മാറ്റിയതിന് സമാനമായ തിരിച്ചടിയാണ് ഇപ്പോള് നടപ്പാക്കുന്നത് എന്നാണ് സേനയ്ക്കുള്ളിലെ സംസാരം.
ട്രാഫിക് വിങ്ങിലെ മാറ്റം: ട്രാഫിക് വിഭാഗത്തില് ഓഫീസ് ഡ്യൂട്ടിയില് സുഖമായിരുന്ന ഇടത് സംഘടനാ നേതാക്കളെ ഭൂരിഭാഗവും റോഡിലെ ഫീല്ഡ് ഡ്യൂട്ടിക്ക് നിയോഗിച്ചു കഴിഞ്ഞു. പകരം വലത് അനുകൂല ഉദ്യോഗസ്ഥര് കസേരകള് പിടിച്ചടക്കി.
മുഖ്യമന്ത്രി, മന്ത്രിമാര്, ഗവര്ണര് എന്നിവരുടെ വസതികള് ഉള്പ്പെടുന്ന അതീവ സുരക്ഷാ മേഖലയായ മ്യൂസിയം പോലീസ് സ്റ്റേഷനിലും മാറ്റങ്ങള്ക്കായി സമ്മര്ദ്ദമുണ്ട്. ജോലിഭാരം കൂടുതലുള്ള ഈ സ്റ്റേഷനിലേക്ക് ഇടത് അനുഭാവമുള്ള ചില സി.ഐമാരെ നിയമിക്കണമെന്നാണ് വലത് സംഘടനകളുടെ ആവശ്യം. സുരക്ഷാ ചുമതലയുടെ പേരില് ഇവരെ ‘തിരക്കിട്ട്’ പണിയെടുപ്പിക്കുക എന്ന തന്ത്രമാണ് ഇതിന് പിന്നിലെന്നു കരുതപ്പെടുന്നു.
മുന് ഭരണകാലത്ത് അകാരണമായി ദൂരസ്ഥലങ്ങളിലേക്ക് സ്ഥലം മാറ്റപ്പെട്ട വലത് സംഘടനയിലെ ഉദ്യോഗസ്ഥരെ തിരികെ കൊണ്ടുവരാനുള്ള നീക്കങ്ങള് സജീവമാണ്. ഇതിനായുള്ള ലിസ്റ്റ് ഇതിനോടകം തന്നെ തയ്യാറായിക്കഴിഞ്ഞു. വെള്ളിയാഴ്ച മുതല് സി.ഐ റാങ്കിലുള്ള ഉദ്യോഗസ്ഥരുടെ കൂട്ടസ്ഥലം മാറ്റ ഉത്തരവുകള് ഇറങ്ങിത്തുടങ്ങും. നഗരത്തിലെ പ്രധാന സ്റ്റേഷനുകളില് തങ്ങള്ക്ക് വിശ്വസ്തരായ ഉദ്യോഗസ്ഥരെ നിയമിക്കണമെന്ന് വരാനിരിക്കുന്ന ഭരണകക്ഷി സംഘടനകള് ആവശ്യപ്പെട്ടിട്ടുണ്ട്.
സി.പി.എം കോട്ടകളില് പോലീസ് കാണിച്ചിരുന്ന ‘വിനയം’ ഇനി ഉണ്ടാകില്ലെന്ന സൂചനയാണ് താഴെത്തട്ടിലെ ഈ മാറ്റങ്ങള് നല്കുന്നത്. വരും ദിവസങ്ങളില് ഐ.പി.എസ് തലത്തിലും വന് മാറ്റങ്ങള് പ്രതീക്ഷിക്കുന്നുണ്ട്.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
Also Read
വീണാ ജോർജിനും മുഹമ്മദ് റിയാസിനും എതിരെ കോടതി അന്വേഷണം; റിപ്പോർട്ട് നൽകാൻ പോലീസിന് നിർദ്ദേശം
വീണാ ജോർജിനും മുഹമ്മദ് റിയാസിനും എതിരെ കോടതി അന്വേഷണം; റിപ്പോർട്ട് നൽകാൻ പോലീസിന് നിർദ്ദേശം
