കൊച്ചി: തനിക്കെതിരെ ഉയർന്ന പീഡനാരോപണത്തിൽ വിശദീകരണവുമായി നടനും ബിഗ് ബോസ് താരവുമായ ഷിയാസ് കരീം. പരാതിക്കാരിക്ക് ഉമ്മയുടെ പ്രായമുണ്ടെന്നും, താൻ നൽകിയ കേസിന് പ്രതികാരമായി നൽകിയ കള്ളക്കേസാണിതെന്നുമാണ് താരം സോഷ്യൽ മീഡിയയിൽ പങ്കുവെച്ച വീഡിയോയിലൂടെ വ്യക്തമാക്കിയിരിക്കുന്നത്.
പരാതിക്കാരി തന്റെ കുടുംബവുമായി വളരെ അടുപ്പമുള്ള വ്യക്തിയാണെന്നും, വിവാഹ ചടങ്ങിൽ പോലും അവർ പങ്കെടുത്തിട്ടുണ്ടെന്നും ഷിയാസ് പറയുന്നു. തന്റെ കുടുംബത്തിൽ നിന്ന് ഇവർ സാമ്പത്തിക സഹായങ്ങൾ വാങ്ങിയിട്ടുണ്ടെന്നും അതാണ് പ്രശ്നങ്ങൾക്ക് തുടക്കമെന്നും താരം ആരോപിക്കുന്നു.
“ഈ സ്ത്രീ എന്റെ ഭാര്യയിൽനിന്നും ഉമ്മയിൽനിന്നും പെങ്ങളുടെ കൈയിൽനിന്നും സ്വർണവും പണവും വാങ്ങിയിട്ടുണ്ട്. ഈ പ്രശ്നത്തിൽ ഞാൻ ഇവർക്കെതിരെ കേസ് കൊടുത്തിരുന്നു. അതിന് നോട്ടീസ് കിട്ടിയപ്പോഴാണ് എനിക്കെതിരെ പീഡനക്കേസുമായി ഇവർ വന്നിരിക്കുന്നത്.”
തനിക്ക് വിവാഹം കഴിഞ്ഞ് രണ്ട് വർഷമായെന്നും ഒരു കുഞ്ഞുണ്ടെന്നും ഷിയാസ് പറഞ്ഞു. അറുപത് വയസ്സുള്ള സ്ത്രീയോട് വിവാഹവാഗ്ദാനം നൽകി പീഡിപ്പിക്കേണ്ട ഒരു ആവശ്യവും തനിക്കില്ലെന്നും അദ്ദേഹം കൂട്ടിച്ചേർത്തു. മുൻപ് സമാനമായ രീതിയിൽ കള്ളക്കേസുകൾ നേരിട്ടിട്ടുള്ള ആളാണ് താനെന്നും, അന്ന് വിജയിച്ചതുപോലെ ഇത്തവണയും നിയമപരമായി പോരാടുമെന്നും താരം വ്യക്തമാക്കി.
കേരളാ പോലീസിലും ഇവിടുത്തെ നീതിന്യായ വ്യവസ്ഥയിലും തനിക്ക് പൂർണ്ണ വിശ്വാസമുണ്ടെന്നും ഷിയാസ് കരീം പറഞ്ഞു. തന്റെ കുടുംബം തനിക്കൊപ്പമുണ്ടെന്നും, തല ഉയർത്തിത്തന്നെ ഈ പ്രശ്നത്തെ നേരിടുമെന്നും അദ്ദേഹം വ്യക്തമാക്കി. പരാതിക്കാരിയുടെ പേര് വെളിപ്പെടുത്താൻ താരം തയ്യാറായില്ലെങ്കിലും, നടന്ന കാര്യങ്ങൾ കൃത്യമായി കോടതിയിൽ ബോധിപ്പിക്കുമെന്ന നിലപാടിലാണ് ഷിയാസ്.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
കൈക്കൂലി കേസ്: മണ്ണാർക്കാട് മുൻ അസിസ്റ്റന്റ് ലേബർ ഓഫീസർക്ക് നാല് വർഷം തടവും പിഴയും
