തിരുവനന്തപുരം: കേരള പോലീസിലെ അച്ചടക്കരാഹിത്യം പുതിയ തലത്തിലേക്ക്. തലസ്ഥാനത്തെ മ്യൂസിയം പോലീസ് സ്റ്റേഷന് ഇപ്പോള് സേനയ്ക്ക് തന്നെ തലവേദനയാകുകയാണ്. കഴിഞ്ഞ ദിവസം പോലീസ് ആസ്ഥാനത്ത് (PHQ) മ്യൂസിയം സ്റ്റേഷനിലെ എസ്ഐക്ക് സഹപ്രവര്ത്തകന്റെ മര്ദ്ദനമേറ്റ സംഭവത്തിന് പിന്നാലെ, അതേ സ്റ്റേഷനിലെ പ്രൊബേഷന് എസ്ഐ തിരുവല്ലയില് പ്രധാനമന്ത്രിയുടെ സുരക്ഷാ ഡ്യൂട്ടിക്കിടെ ഒരു സിഐയെ മര്ദ്ദിച്ച വിവരം പുറത്തുവന്നു. ഒന്നുകില് തല്ലു കൊള്ളുക, അല്ലെങ്കില് തല്ലു കൊടുക്കുക എന്ന അവസ്ഥയിലേക്ക് മ്യൂസിയം സ്റ്റേഷനിലെ ഉദ്യോഗസ്ഥര് മാറിയത് സേനയ്ക്കുള്ളില് വലിയ ചര്ച്ചയായിട്ടുണ്ട്.
പ്രധാനമന്ത്രി നരേന്ദ്ര മോദി തിരുവല്ലയില് പ്രസംഗിച്ചുകൊണ്ടിരിക്കെയാണ് മ്യൂസിയം സ്റ്റേഷനിലെ പ്രൊബേഷന് എസ്ഐ കൃഷ്ണ മോഹന് മദ്യലഹരിയില് പത്തനംതിട്ട കൊടുമണ് സിഐയെ കയ്യേറ്റം ചെയ്തത്. പ്രധാനമന്ത്രിയുടെ പരിപാടി തുടങ്ങിയാല് ആരെയും പുറത്തേക്ക് വിടില്ലെന്ന സുരക്ഷാ നിയമം ലംഘിച്ച് പുറത്തുപോകാന് ശ്രമിച്ച എസ്ഐയെ തടഞ്ഞതാണ് സംഘര്ഷത്തിന് കാരണമായത്. കൊടുമണ് സിഐയുടെ നെയിം പ്ലേറ്റ് വലിച്ചുകീറുകയും ഡ്യൂട്ടി തടസ്സപ്പെടുത്തുകയും ചെയ്ത കൃഷ്ണ മോഹനെതിരെ തിരുവല്ല പോലീസ് കേസെടുത്തു. അതീവ സുരക്ഷാ മേഖലയില് മദ്യപിച്ചെത്തിയ എസ്ഐ മുതിര്ന്ന ഉദ്യോഗസ്ഥനെ ആക്രമിച്ചത് വന് സുരക്ഷാ വീഴ്ചയായാണ് വിലയിരുത്തപ്പെടുന്നത്.
തിരുവനന്തപുരത്ത് പോലീസ് ആസ്ഥാനത്തിന് മുന്നില് വെച്ച് മ്യൂസിയം സ്റ്റേഷനിലെ മറ്റൊരു എസ്ഐക്ക് മര്ദ്ദനമേറ്റ സംഭവം നിലവില് അന്വേഷണത്തിലാണ്. അവിടെ മര്ദ്ദനം ഏറ്റുവാങ്ങിയെങ്കില്, തിരുവല്ലയില് സ്വന്തം സിഐയെ തല്ലി മ്യൂസിയം സ്റ്റേഷനിലെ ഉദ്യോഗസ്ഥര് വീണ്ടും ‘താരമായി’. എസ്ഐ കൃഷ്ണ മോഹനെതിരെ ജാമ്യമില്ലാ വകുപ്പുകള് ചുമത്താന് പോലീസ് തയ്യാറാകാത്തത് പോലീസിനുള്ളിലെ ഒത്തുകളിയാണെന്ന ആരോപണവും ഉയരുന്നുണ്ട്.
അച്ചടക്കത്തിന്റെ കാര്യത്തില് വിട്ടുവീഴ്ചയില്ലാത്ത സേനയെന്ന് അവകാശപ്പെടുമ്പോഴും, പ്രധാനമന്ത്രിയുടെ സന്ദര്ശന വേളയില് പോലും ഇത്തരത്തില് പെരുമാറുന്ന ഉദ്യോഗസ്ഥര് പോലീസിന് നാണക്കേടാണ്. മദ്യപിച്ചെത്തി ഡ്യൂട്ടി തടസ്സപ്പെടുത്തിയ എസ്ഐക്കെതിരെ കര്ശന വകുപ്പുതല നടപടികള്ക്ക് ശുപാര്ശയുണ്ട്. മ്യൂസിയം സ്റ്റേഷനിലെ ഉദ്യോഗസ്ഥര് തുടര്ച്ചയായി വിവാദങ്ങളില് പെടുന്നത് സിറ്റി പോലീസ് ആസ്ഥാനത്തെയും പ്രതിരോധത്തിലാക്കിയിരിക്കുകയാണ്. കേരള പോലീസിന് ശരിക്കും എന്തുപറ്റി എന്ന ചോദ്യമാണ് ഇപ്പോള് പരക്കെ ഉയരുന്നത്.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
സി-ഡിറ്റിൽ വിജിലൻസ് ഓഫീസർക്ക് നിയമനം കടലാസിൽ; ആറുവർഷമായിട്ടും ചുമതല (കാറ്റിൽ)
