തിരുവനന്തപുരം: കേരളത്തെ തകര്ത്തെറിഞ്ഞ 2018-ലെ മഹാപ്രളയം പ്രകൃതിക്ഷോഭമായിരുന്നില്ലെന്നും മറിച്ച് അഴിമതി ലക്ഷ്യമിട്ട് ആസൂത്രണം ചെയ്ത ‘മനുഷ്യനിര്മ്മിത’ ദുരന്തമായിരുന്നുവെന്നും വ്യക്തമാക്കുന്ന ഞെട്ടിക്കുന്ന വെളിപ്പെടുത്തലുകള് പുറത്ത്. അന്നത്തെ ജലസേചന മന്ത്രി മാത്യു ടി. തോമസിനെ പ്രതിക്കൂട്ടിലാക്കി നിലവിലെ മന്ത്രി കെ. കൃഷ്ണന്കുട്ടി നടത്തിയ സംഭാഷണത്തിന്റെ ശബ്ദരേഖയാണ് കോണ്ഗ്രസ് എം.എല്.എ മാത്യു കുഴല്നാടന് പുറത്തുവിട്ടത്. കരിമണല് ലോബിയെ സഹായിക്കാന് തോട്ടപ്പള്ളി സ്പില്വേ തുറക്കാതിരുന്നതും ഡാം മാനേജ്മെന്റിലെ അട്ടിമറികളുമാണ് പ്രളയത്തിന് കാരണമായതെന്ന് മന്ത്രിയുടെ വാക്കുകള് സാക്ഷ്യപ്പെടുത്തുന്നു.
തോട്ടപ്പള്ളി സ്പില്വേ തുറക്കാതിരുന്നത് അഴിമതി ലക്ഷ്യമിട്ടാണെന്നും ഇതിനു പിന്നില് കരിമണല് ലോബിയാണെന്നും ഓഡിയോയില് കൃഷ്ണന്കുട്ടി ആരോപിക്കുന്നു. മണിയാറില് അട്ടിമറി നടന്നതായും പറമ്പിക്കുളത്ത് ഉദ്യോഗസ്ഥര് കണ്ണടച്ചതായും അദ്ദേഹം പറയുന്നുണ്ട്. ‘ഈ പ്രളയമൊന്നും തനിയെ ഉണ്ടായതല്ല, അത് ഉണ്ടാക്കിയതാണ്. ഡാമുകള് തുറന്നുവിട്ടതിലൊക്കെ വലിയ അഴിമതി നടന്നിട്ടുണ്ട്. വെള്ളം കൃത്യസമയത്ത് ഒഴുക്കിക്കളയാതെ കെട്ടിനിര്ത്തിയത് എന്തിനാണെന്ന് എല്ലാവര്ക്കും അറിയാം. അഴിമതിക്ക് വേണ്ടിയല്ലാതെ മറ്റൊന്നിനുമല്ല ഇത് ചെയ്തത്,’ എന്നിങ്ങനെയാണ് മന്ത്രിയുടെ വാക്കുകള്.
പിണറായി സര്ക്കാരിന്റെ പ്രളയ പ്രതിരോധ പ്രവര്ത്തനങ്ങളിലെ പൊള്ളത്തരങ്ങള് ഭരണപക്ഷത്തെ ഒരു മന്ത്രി തന്നെ തുറന്നുപറയുന്നത് സര്ക്കാരിനെ വലിയ പ്രതിസന്ധിയിലാക്കിയിരിക്കുകയാണ്. പ്രളയം മനുഷ്യനിര്മ്മിതമാണെന്ന പ്രതിപക്ഷത്തിന്റെ കാലങ്ങളായുള്ള വാദത്തിന് ഇതോടെ ഔദ്യോഗിക സ്ഥിരീകരണമായിരിക്കുകയാണ്. ‘സത്യം എന്നായാലും പുറത്തുവരും. ഈ പ്രളയം ഒരു പാഠമാകേണ്ടതായിരുന്നു, പക്ഷേ അത് ചിലര്ക്ക് പണമുണ്ടാക്കാനുള്ള വഴിയായി മാറി,’ എന്ന് കൃഷ്ണന്കുട്ടി പറയുന്നതും ഓഡിയോയിലുണ്ട്.
തെരഞ്ഞെടുപ്പ് പ്രചാരണം അവസാന ഘട്ടത്തിലെത്തി നില്ക്കെ മാത്യു കുഴല്നാടന് പുറത്തുവിട്ട ഈ തെളിവ് സര്ക്കാരിന്റെ ശവപ്പെട്ടിയിലെ അവസാന ആണിയാകുമെന്നാണ് യു.ഡി.എഫ് വിലയിരുത്തുന്നത്. പ്രളയത്തില് സര്വ്വവും നഷ്ടപ്പെട്ട ജനങ്ങളോടുള്ള വെല്ലുവിളിയാണ് ഈ അഴിമതിയെന്നും ഇതിന് മുഖ്യമന്ത്രി മറുപടി പറയണമെന്നും കുഴല്നാടന് ആവശ്യപ്പെട്ടു. ജലസേചന വകുപ്പില് മാത്യു ടി. തോമസ് മന്ത്രിയായിരുന്ന കാലത്ത് നടന്ന കാര്യങ്ങളില് കൃത്യമായ ബോധ്യമുണ്ടെന്നും അഴിമതി മൂടിവെക്കാനാണ് എല്ലാവരും ശ്രമിക്കുന്നതെന്നും മന്ത്രി കൃഷ്ണന്കുട്ടി സംഭാഷണത്തില് ആവര്ത്തിക്കുന്നുണ്ട്.
കൃഷ്ണന്കുട്ടി ഇത്തവണ മത്സരിക്കുന്നില്ല. എന്നാല് തിരുവല്ലയിലെ സ്ഥാനാര്ത്ഥിയാണ് മാത്യു ടി തോമസ്. മുഖ്യമന്ത്രി പിണറായി വിജയനുമായി അടുപ്പമുള്ള വ്യക്തിയാണ് മാത്യു ടി തോമസ്.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
ശബരിമല സ്വര്ണ്ണക്കൊളളക്കേസില് നടന് ജയറാമിനെ ചെന്നൈയിലെ വീട്ടിലെത്തി ചോദ്യം ചെയ്ത് അന്വേഷണ സംഘം; ഉണ്ണികൃഷ്ണന് പോറ്റിയുമായി അടുത്ത ബന്ധം
