കണ്ണൂര്: നിയമസഭാ സ്ഥാനാര്ത്ഥി നിര്ണ്ണയത്തെച്ചൊല്ലി കോണ്ഗ്രസിനുള്ളില് പുകയുന്ന സുധാകരന് കടങ്കഥയ്ക്ക് ഒടുവില് പരിഹാരമാകുന്നു. കണ്ണൂര് സീറ്റിനായി കടുംപിടുത്തം തുടരുന്ന കെ. സുധാകരന് എം.പിക്ക് മുന്നില് ഹൈക്കമാന്ഡ് വഴങ്ങുന്നുവെന്നാണ് സൂചന. എം.പിമാര് നിയമസഭയിലേക്ക് മത്സരിക്കേണ്ടെന്ന കര്ശന നിലപാടില് സുധാകരന് വേണ്ടി മാത്രം ഇളവ് നല്കാന് നേതൃത്വം തയ്യാറായതോടെയാണ് പ്രശ്നപരിഹാരത്തിന് കളമൊരുങ്ങിയത്.
കെ. സുധാകരന്റെ ജനപ്രീതിയും അണികള്ക്കിടയിലുള്ള സ്വാധീനവും കണക്കിലെടുത്ത് അദ്ദേഹത്തിന് മത്സരിക്കാന് പ്രത്യേക അനുമതി നല്കാമെന്നാണ് ഡല്ഹിയില് നിന്നുള്ള പുതിയ നിര്ദ്ദേശം. എന്നാല് ഇതിന് പകരമായി മുഖ്യമന്ത്രി പിണറായി വിജയനെതിരെ ധര്മ്മടത്ത് തന്നെ സുധാകരന് അങ്കത്തിനിറങ്ങണമെന്ന ‘വിന്-വിന്’ ഫോര്മുലയാണ് ഹൈക്കമാന്ഡ് മുന്നോട്ടുവെക്കുന്നത്. സംസ്ഥാനമാകെ യു.ഡി.എഫ് തരംഗം സൃഷ്ടിക്കാന് സുധാകരന്-പിണറായി പോരാട്ടം സഹായിക്കുമെന്ന് രാഹുല് ഗാന്ധിയടക്കമുള്ള നേതാക്കള് വിശ്വസിക്കുന്നു.
അനുനയ നീക്കങ്ങളോട് സുധാകരന് പൂര്ണ്ണമായി പ്രതികരിച്ചിട്ടില്ലെങ്കിലും രമേശ് ചെന്നിത്തല നടത്തിയ ഫോണ് സംഭാഷണത്തിന് പിന്നാലെ മഞ്ഞുരുകി തുടങ്ങിയിട്ടുണ്ട്. ‘സീറ്റ് ഉറപ്പായാല് മാത്രം ഡല്ഹിക്ക്’ എന്ന നിലപാടിലായിരുന്ന സുധാകരന് വരും ദിവസങ്ങളില് ഹൈക്കമാന്ഡുമായി നേരിട്ട് ചര്ച്ച നടത്തിയേക്കും. കണ്ണൂരിലെ വിട്ടുവീഴ്ചയില്ലാത്ത നിലപാടില് നിന്ന് ധര്മ്മടത്തെ വലിയ പോരാട്ടത്തിലേക്ക് സുധാകരനെ എത്തിക്കാനാണ് കെ.പി.സി.സി നേതൃത്വവും ഇപ്പോള് ശ്രമിക്കുന്നത്.
സുധാകരന് അനുകൂലമായി സംസ്ഥാനത്തിന്റെ വിവിധ ഭാഗങ്ങളില് പോസ്റ്ററുകളും ഫ്ലക്സുകളും ഉയര്ന്നത് നേതൃത്വത്തെ സമ്മര്ദ്ദത്തിലാക്കിയിരുന്നു. രാഹുല് ഗാന്ധി നല്കിയ വാക്ക് പാലിക്കണമെന്ന അണികളുടെ ആവശ്യം ഹൈക്കമാന്ഡ് ഗൗരവത്തോടെയാണ് കാണുന്നത്. പിണറായിക്കെതിരെ ധര്മ്മടത്ത് സുധാകരന് ഇറങ്ങിയാല് അത് ചരിത്രപോരാട്ടമാകുമെന്നും അണികള് കണക്കുകൂട്ടുന്നു. പ്രതിപക്ഷ നേതാവ് വി.ഡി സതീശനും കെ.പി.സി.സി അധ്യക്ഷന് സണ്ണി ജോസഫും സമവായ നീക്കങ്ങളെ തള്ളാത്തതും ശുഭസൂചനയായാണ് വിലയിരുത്തപ്പെടുന്നത്.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
“മദ്യത്തിന് പേരിട്ടാൽ സമ്മാനം! ബെവ്കോയുടെയും സർക്കാരിന്റെയും നീക്കത്തിന് ഹൈക്കോടതിയുടെ പൂട്ട്! മലബാർ ഡിസ്റ്റിലറി വിവാദത്തിൽ തുടർനടപടികൾ ഹൈക്കോടതി സ്റ്റേ ചെയ്തു
