ആലപ്പുഴ: നവകേരള സദസിനിടെ യൂത്ത് കോൺഗ്രസ് പ്രവർത്തകരെ മുൻ മുഖ്യമന്ത്രിയുടെ ഗൺമാൻമാർ ക്രൂരമായി മർദ്ദിച്ച സംഭവത്തിലെ ആദ്യ കേസ് ഡയറിയിലെ അതീവ നിർണ്ണായക വിവരങ്ങൾ പുറത്തുവന്നു. ലോക്കൽ പോലീസ് കൃത്യമായി മാറ്റിനിർത്തിയിരുന്ന പ്രതിഷേധക്കാരെയാണ് ഗൺമാൻ അടക്കമുള്ളവർ വളഞ്ഞിട്ട് മർദ്ദിച്ചതെന്ന് കേസ് ഡയറിയിൽ വ്യക്തമായി രേഖപ്പെടുത്തിയിട്ടുണ്ട്. ഈ വിവരങ്ങൾ അടങ്ങിയ ആദ്യ ഡയറി പിന്നീട് തിരുത്തി എഴുതിയാണ് കേസ് പൂർണ്ണമായും എഴുതിത്തള്ളിയതെന്ന് വ്യക്തമാക്കുന്ന വിവരങ്ങളാണ് ഇപ്പോൾ പുറത്തുവരുന്നത്. ആലപ്പുഴയിൽ നടന്നത് മുൻ മുഖ്യമന്ത്രി അവകാശപ്പെട്ടതുപോലെയുള്ള യാതൊരുവിധ രക്ഷാപ്രവർത്തനവും അല്ലെന്ന് അടിവരയിടുന്നതാണ് തിരുത്തലുകൾ വരുത്തുന്നതിന് മുൻപുള്ള ആദ്യ കേസ് ഡയറിയിലെ ഉള്ളടക്കം.
നാട്ടുകാര് പിടികൂടി ഏല്പ്പിച്ച പ്രതിയെ ‘നാളെ വന്നാല് മതി’ എന്ന് പറഞ്ഞ് വിട്ടയച്ച പോലീസിന് കിട്ടിയത് എട്ടിന്റെ പണി; കാക്കിയ്ക്കുള്ളിലെ പിഴവുകള്ക്ക് ഇനി മാപ്പില്ല; റവാഡയുടെ വജ്രായുധത്തെ ഭയക്കണം; കിളിമാനൂരില് കണ്ടത് സേനയിലെ ശുദ്ധികലശം സന്ദേശം
ഗൺമാനും സംഘവും പ്രതിഷേധക്കാരെ എങ്ങനെയാണ് മർദ്ദിച്ചതെന്ന് കേസ് ഡയറിയിൽ കൃത്യമായി വിവരിക്കുന്നുണ്ട്. സംഭവസമയത്ത് ലോക്കൽ പോലീസ് പ്രതിഷേധക്കാരെ വലയം തീർത്ത് സുരക്ഷിതമായി മാറ്റി നിർത്തിയിരുന്നു. എന്നാൽ ഇതിന് പിന്നാലെ മുൻ മുഖ്യമന്ത്രിയുടെ വാഹനവ്യൂഹത്തിലുണ്ടായിരുന്ന കറുത്ത കാറിൽ നിന്നും വെള്ള ഷർട്ട് ധരിച്ച ഒരാളും കറുത്ത സ്യൂട്ട് ധരിച്ച മൂന്ന് പേരും ലാത്തികളുമായി ഇറങ്ങിവരികയും, രണ്ട് പ്രതിഷേധക്കാരെ ക്രൂരമായി തല്ലിച്ചതക്കുകയുമായിരുന്നു. മർദ്ദനത്തിന് ശേഷം ഇവർ ഇതേ കാറിൽ തന്നെ കയറിപ്പോയെന്നാണ് ഡയറിയിലുള്ളത്. ഇവരുടെ ലാത്തിച്ചാർജ്ജിൽ പ്രതിഷേധക്കാർക്ക് പുറമെ ലോക്കൽ പോലീസുകാർക്ക് വരെ പരിക്കേറ്റിരുന്നു. സംഭവസ്ഥലത്തെ സിസിടിവി ദൃശ്യങ്ങളും മർദ്ദനത്തിന് ഉപയോഗിച്ച ആയുധങ്ങളും കണ്ടെത്തണമെന്നും കൂടുതൽ സാക്ഷികളുടെ മൊഴി രേഖപ്പെടുത്തണമെന്നും ആദ്യ കേസ് ഡയറിയിൽ നിർദ്ദേശിച്ചിരുന്നു.
ആലപ്പുഴ സൗത്ത് സ്റ്റേഷൻ ഇൻസ്പെക്ടർ എസ്. അരുണാണ് ഈ ആദ്യ കേസ് ഡയറി തയ്യാറാക്കിയത്. എന്നാൽ പിന്നീട് ഈ ഡയറിയിൽ മനഃപൂർവ്വം തിരുത്തലുകൾ വരുത്തുകയും, ഗൺമാൻ ഉൾപ്പെടെയുള്ള പ്രതികളെ പൂർണ്ണമായും കുറ്റവിമുക്തരാക്കിക്കൊണ്ട് കോടതിയിൽ റിപ്പോർട്ട് നൽകുകയുമായിരുന്നുവെന്ന് പ്രത്യേക അന്വേഷണ സംഘം (എസ്ഐടി) കണ്ടെത്തിയിട്ടുണ്ട്. തിരുത്തലുകൾ വരുത്തുന്നതിന് മുൻപുള്ള യഥാർത്ഥ ഡയറിയിലെ വിവരങ്ങൾ ഒരു പെൻഡ്രൈവിലാക്കി എഡിജിപി എം.ആർ. അജിത് കുമാറിന്റെ ഓഫീസിൽ എത്തിച്ചിരുന്നുവെന്നാണ് ആദ്യ അന്വേഷണ സംഘം എസ്ഐടിക്ക് നൽകിയ രഹസ്യമൊഴിയിൽ പറയുന്നത്. തിരുത്തലുകൾക്ക് മുൻപുള്ള യഥാർത്ഥ കേസ് ഡയറിയും പിന്നീട് മാറ്റിയെഴുതിയ വ്യാജ ഡയറിയും നിലവിൽ പ്രത്യേക അന്വേഷണ സംഘം കണ്ടെടുത്തിട്ടുണ്ട്. ഈ നിർണ്ണായക കണ്ടെത്തലുകളെല്ലാം ഉൾപ്പെടുത്തി തയ്യാറാക്കുന്ന വിശദമായ അന്വേഷണ റിപ്പോർട്ട് എസ്ഐടി ഉടൻ തന്നെ ഡിജിപിക്ക് സമർപ്പിക്കും.
മരുമോനിസത്തെ കെട്ടുകെട്ടിക്കാന് അന്വറിസം ബേപ്പൂരിലേക്ക്; വിറച്ച് സിപിഎം, നേരിട്ടിറങ്ങാന് പിണറായി; കോഴിക്കോട്ടെ ഗ്രൂപ്പിസം റിയാസിന് വിനയാകുമോ? കോണ്ഗ്രസിലും ബേപ്പൂര് പൊട്ടിത്തെറികള്
