ന്യൂഡൽഹി: ശബരിമല യുവതീപ്രവേശനവുമായി ബന്ധപ്പെട്ട കേസിൽ എൻഎസ്എസ് ഉന്നയിച്ച വാദങ്ങളെ ശക്തമായി എതിർത്ത് തിരുവിതാംകൂർ ദേവസ്വം ബോർഡ് സുപ്രീം കോടതിയിൽ. ക്ഷേത്രങ്ങളിൽ ആർക്കൊക്കെ പ്രവേശനം നൽകാമെന്ന് ആ പ്രത്യേക മതവിഭാഗത്തിൽപ്പെട്ടവർ തന്നെ തീരുമാനിക്കണമെന്ന എൻഎസ്എസ് നിലപാടിനെയാണ് ബോർഡ് തള്ളിയത്. ദേവസ്വം ബോർഡിന് വേണ്ടി ഹാജരായ മുതിർന്ന അഭിഭാഷകൻ മനു സിംഗ്വി ഇത് സംബന്ധിച്ച എട്ട് പേജുള്ള കുറിപ്പ് ഭരണഘടനാ ബെഞ്ചിന് മുൻപാകെ സമർപ്പിച്ചു.
നടൻ പ്രകാശ് രാജിന്റെ അമ്മ സുവർണ്ണലത അന്തരിച്ചു; അന്ത്യം ബെംഗളൂരുവിലെ വസതിയിൽ
പൊതുക്ഷേത്രങ്ങളിൽ ജാതിയുടെയോ വർഗ്ഗത്തിന്റെയോ അടിസ്ഥാനത്തിലുള്ള യാതൊരുവിധ വിവേചനങ്ങളും തങ്ങൾ അംഗീകരിക്കുന്നില്ലെന്ന് ബോർഡ് വ്യക്തമാക്കി. എന്നാൽ ശബരിമലയിലെ ആചാരപരമായ പ്രത്യേകതകൾ നിലനിർത്തണമെന്നും ബോർഡ് കോടതിയെ അറിയിച്ചു. ജാതിയുടെയോ വർഗ്ഗത്തിന്റെയോ പേരിൽ ക്ഷേത്രപ്രവേശനത്തിന് വിലക്ക് ഏർപ്പെടുത്തുന്നത് ഭരണഘടനാ വിരുദ്ധമാണ്. അത്തരം വിവേചനങ്ങൾ അംഗീകരിക്കാനാവില്ല.ക്ഷേത്രങ്ങളിൽ പ്രവേശിക്കുന്നവർ അവിടുത്തെ ആചാരങ്ങൾ പാലിക്കാൻ ബാധ്യസ്ഥരാണ്. ശബരിമലയിലെ പ്രതിഷ്ഠ നൈഷ്ഠിക ബ്രഹ്മചാരി ആയതിനാൽ, അവിടെ യുവതീപ്രവേശനത്തിനുള്ള വിലക്ക് അനിവാര്യമാണെന്നും അത് മാറ്റരുതെന്നും ബോർഡ് കോടതിയിൽ ആവശ്യപ്പെട്ടു. ഒരു വിഭാഗത്തിന്റെ ക്ഷേത്രങ്ങളിൽ പ്രവേശന കാര്യത്തിൽ അന്തിമ തീരുമാനം എടുക്കേണ്ടത് ആ വിഭാഗം തന്നെയാണെന്ന എൻഎസ്എസ് അഭിഭാഷകൻ സി.എസ്. വൈദ്യനാഥന്റെ വാദത്തെ ബോർഡ് എതിർത്തു.
കഴിഞ്ഞ വ്യാഴാഴ്ച എൻഎസ്എസ് ഈ വാദം ഉന്നയിച്ചപ്പോൾ തന്നെ ഭരണഘടനാ ബെഞ്ചിലുണ്ടായിരുന്ന ജസ്റ്റിസ് ബി.വി. നാഗരത്ന വിയോജിപ്പ് പ്രകടിപ്പിച്ചിരുന്നു. ഇതിന് പിന്നാലെയാണ് ഇപ്പോൾ ദേവസ്വം ബോർഡും ഔദ്യോഗികമായി വിയോജിപ്പ് അറിയിച്ചിരിക്കുന്നത്. പൊതുക്ഷേത്രങ്ങൾ എല്ലാവർക്കും ഒരുപോലെ അവകാശപ്പെട്ടതാണെന്ന ഭരണഘടനാപരമായ കാഴ്ചപ്പാടിലാണ് ബോർഡിന്റെ നീക്കം.
കേരളത്തെ മധ്യപ്രദേശ് ചതിച്ചോ? കുംഭമേള പെണ്കുട്ടിയുടെ പ്രായരേഖകളില് വന് അട്ടിമറി; അന്വേഷണം ഉത്തരേന്ത്യയിലേക്ക്
ശബരിമലയിലെ യുവതീപ്രവേശന വിലക്ക് ആചാരത്തിന്റെ ഭാഗമാണെന്ന് വാദിക്കുമ്പോഴും, പ്രവേശന അധികാരം ഒരു പ്രത്യേക വിഭാഗത്തിന് മാത്രമായി നൽകുന്നതിനെ ബോർഡ് എതിർക്കുന്നത് കേസിൽ നിർണ്ണായകമാകും.
