കോട്ടയം : കോട്ടയത്ത് ചേര്ന്ന കേരള കോണ്ഗ്രസ് (എം) സ്റ്റിയറിംഗ് കമ്മിറ്റി യോഗത്തില് മുന്നണി മാറ്റ ചര്ച്ചകള് തള്ളി പ്രമുഖ നേതാക്കള്. പാര്ട്ടി എല്.ഡി.എഫില് ഉറച്ചുനില്ക്കുമെന്നും നിലവില് ഇത്തരം മാറ്റങ്ങളെക്കുറിച്ച് യാതൊരു ആലോചനയുമില്ലെന്നും നേതാക്കള് വ്യക്തമാക്കി.
ശ്രീലേഖയ്ക്ക് ‘റെഡ് സിഗ്നല്’; വട്ടിയൂര്ക്കാവിലും വെട്ടി ആര്എസ്എസ്; ‘പോടാ പുല്ലേ’ പ്രയോഗം വിനയായി; ശ്രീലേഖയെ ഒരു സീറ്റിലും മത്സരിപ്പിക്കില്ലെന്ന് ആര്എസ്എസ്; രാജീവ് ചന്ദ്രശേഖറും പ്രതിസന്ധിയില്
പാര്ട്ടിയില് യാതൊരുവിധ ആശയക്കുഴപ്പവുമില്ലെന്നും തങ്ങളുടെ നിലപാടുകള് സുദൃഢമാണെന്നും മന്ത്രി റോഷി അഗസ്റ്റിന് പറഞ്ഞു. പാര്ട്ടിയുടെ വളര്ച്ചയില് അസൂയയുള്ളവരാണ് മുന്നണി മാറ്റം സംബന്ധിച്ച തെറ്റായ പ്രചാരണങ്ങള് നടത്തുന്നത്. പാര്ട്ടി ചെയര്മാന് ജോസ് കെ. മാണി പ്രഖ്യാപിച്ച ഔദ്യോഗിക നിലപാടില് മാറ്റമില്ലെന്നും അദ്ദേഹം കൂട്ടിച്ചേര്ത്തു.
സ്റ്റിയറിംഗ് കമ്മിറ്റി യോഗത്തിന്റെ അജണ്ടയില് മുന്നണി മാറ്റം എന്നൊരു വിഷയം ഇല്ലെന്ന് എന്. ജയരാജ് വ്യക്തമാക്കി. എല്.ഡി.എഫിലെ അവിഭാജ്യ ഘടകമായി കേരള കോണ്ഗ്രസ് (എം) തുടരുമെന്നും പ്രചാരണം വെറും അടിസ്ഥാനരഹിതമാണെന്നും അദ്ദേഹം പറഞ്ഞു.
കോണ്ഗ്രസില് ‘മുഖ്യമന്ത്രി’ കളി മുറുകുന്നു; കെ.സിക്ക് വേണ്ടി ഹൈക്കമാന്ഡ് ചരടുവലിക്കുന്നു? ചെന്നിത്തല ഡല്ഹിയില്; പൊട്ടിത്തെറിച്ച് എം.കെ. രാഘവന്; ലീഗിന് കടുത്ത അതൃപ്തി; നേതാക്കളെ ശാസിച്ച് ഖാര്ഗെ; കോണ്ഗ്രസില് പോര് ശക്തം
സംസ്ഥാനത്ത് വരാനിരിക്കുന്ന നിയമസഭാ തിരഞ്ഞെടുപ്പിന് മുന്നോടിയായി കേരള കോണ്ഗ്രസ് യു.ഡി.എഫിലേക്ക് മടങ്ങാന് സാധ്യതയുണ്ടെന്ന രാഷ്ട്രീയ അഭ്യൂഹങ്ങള്ക്കിടയിലാണ് ഈ സ്റ്റിയറിംഗ് കമ്മിറ്റി യോഗം ചേര്ന്നത്. എന്നാല് ഇടതുമുന്നണിയില് തന്നെ തുടരുമെന്ന ഉറച്ച സന്ദേശമാണ് നേതാക്കള് നല്കിയിരിക്കുന്നത്.
